Rasim Həmidov: “Cavad İbrahimovun qəbul etdiyi qərar qanunsuzdur”  

Sumqayıt Şəhər Məhkəməsinin 10.01.2022-ci il tarixli qətnaməsi ilə əslən Laçın rayonundan olan, məcburi köçkün Rasim Həmidovun  keçmiş həyat yoldaşı Sevinc Həmidovaya qarşı aliment ödəmə iddiası təmin edilməsinə dair çıxardığı qətnamənin qəsdən icra olunmaması barədə məlumat  son bir neçə gündə saytların əsas xəbər başlığına çevrilib.

Məhkəmənin qət etdiyinə görə,Sevinc Həmidova birgə nikahdan olan 3 övladlarının saxlanması  üçün hər ay,hər  uşağa  görə Rasim Həmidova 150 manat sabit pul məbləğində aliment ödəməlidir. Lakin,aliment ödəməli olan S.Həmidova məhkəmənin qanuni qətnaməsini saya salmır,belə ki, icra etməməkdən ötrü müxtəlif cür bəhanələr gətirərək,süni əngəl törətməklə məşğuldur.

Xatırladaq ki,ötən həftə  Rasim Həmidovu Ədliyyə nazirinin müavini,III dərəcəli dövlət ədliyyə müşaviri Mübariz Əhmədov qəbul etmişdi. R.Həmidov  görüş zamanı nazir müavini M.Əhmədova  Ağcabədi Rayon İcra və Probasiya Şöbəsinin icra  məmuru Bəhruz Cəfərovun qanunsuz əməllərindən,məhkəmənin qətnaməsinin qəsdən icra olunmamasından və Ədliyyə Nazirliyinin İstintaq Şöbəsinin müstəntiqi Seymur Xəlilovun işə birtərəfli  və qərəzli yanaşmasından,habelə eləcə də S.Həmidovanın qardaşı oğlu Laçın Rayon Polis Şöbəsinin əməliyyat müvəkkili Mirəli Həmidovun ona hədə-qorxu gəlməsindən  şikayətçi olduğunu bildirmişdi.Nazir müavini Mübariz Əhmədov daha sonra görüş ərəfəsində  məhkəmənin qətnaməsini qəsdən icra etmədiyinə görə,S. Həmidova barədə cinayət işi açıldığını,istintaq orqanı tərəfindən R.Həmidovun  zərərçəkmiş şəxs qismində,S.Həmidovanın  isə təqsirləndirilən şəxs kimi tanındığıını, yaxın günlərdə Azərbaycan Respublikası CM-nin 306-cı maddəsinin tələblərinə uyğun olaraq  toplanmış cinayət işinin materiallarının   tədbir görülməsi üçün  müvafiq məhkəməyə təqdim olunacağını demişdi.

Həmçinin oxuyun

Azərbaycanda bir sıra işçilərin maaşı artırılacaq  

Fərid Usubov həbs edildi 

Qadın sürücüyə böhtan atıbmış? - VİDEO

15 ildən sonra komandir vəzifəsindən azad edildi (FOTO) 

S.Həmidova ailə həyatı qurarkən ər evinə guya 79 min manatlıq cehiz əşyaları,15 baş inək gətirdiyinə və həmin əşyaların və mal-qaranın R.Həmidovda qaldığına dair iddia ərizəsi ilə  Laçın Rayon Məhkəməsinə müraciət edib.Məhkəmə işinin araşdırılması Laçın Rayon Məhkəməsinin hakimi Cavad İbrahimova həvalə olunub.R.Həmidov hüquqlarından istifadə edərək  iddiaçının söylədiklərinin heç bir fakta əsaslanmayan,yalan olduğunu sübut edən dəlilləri məhkəməyə  təqdim etmək istəsə də,C.İbrahimov qərəzli mövqe tutaraq nədənsə sənədləri qəbul etmək istəməmişdi. Sənədləri poçt vasitəsi ilə məhkəmənin hüquqi ünvanına göndərmək məcburiyyətində qalan R.Həmidov eyni zamanda  Məhkəmə - Hüquq Şurasına hakim C.İbrahimovun  hərəkətlərindən şikayət etmişdi.

Rasim Həmidov ,CityPost.az saytının müxbirinin suallarına cavab olaraq deyib: “Dünən Laçın Rayon Məhkəməsində S.Həmidovanın mənə qarşı qaldırdığı 79 min manatlıq mülk iddiasına baxıldı.Hüquqi normalara əsaslanan,qanun çərçivəsində verdiyim vəsatətlər heç bir əsas göstərilmədən qərəzli şəkildə hakim Cavad İbrahimov tərəfindən təmin edilmədi.Suçlu insanlar kimi O,başını belə qaldırıb üzümə baxa bilmirdi.Proses boyunca S.Həmidova və qardaşı hakimin gözləri qarşısında məni dəfələrlə söyüb,təhqir etdilər.Hakim Cavad İbrahimov hansı səbəbdənsə,onların bu hərəkətlərinə heç bir reaksiya vermədi,hüquqi ölçü götürmədi.Qarşı tərəfin  iddiası isə qismət təmin edildi.Məhkəmə S.Həmidovanın guya 5100 manatlıq yorğan-döşək və qızıl əşyaları cehiz gətirdiyinə dair qanunsuz qərar qəbul etdi.Sözsüzki,yuxarı instansiya məhkəmələrinə qərardan şikayət verəcəm.Əks tərəf  və hakim Cavad İbrahimova deyə bilərəm ki,sənin olmayan bir şeyə sahib olacağını düşünürsənsə və rəvac verirsənsə,bu,sənin həm haqsız,həm də uzaqgörən  olmadığının göstəricisidir”.

Müşərrəfxanım