Ədliyyə Nazirliyindən Rasim Həmidova məktub
Cəmiyyət 03 İyun 2025, 11:01
1737
Əslən Laçın rayonundan olan keçmiş məcburi köçkün Rasim Həmidov bu günlərdə Ədiyyə Nazirliyin İcra Xidmətinin rəis müavini Faiq Şabanovdan məktub alıb.
Məktubda deyilir:
“Rasim Həmidov bu günlərdə Azərbaycan Respublikası Ədliyyə Nazirliyinin İcra Xidmətinin rəis müavini Faiq Salmanovdan məktub alıb. Məktubda deyilir: Məhkəmə qərarının icrası ilə bağlı Ədliyyə Nazirliyinə daxil olmuş müraciətinizə baxılmışdır.
Sumqayıt Şəhər Məhkəməsiin 03.10.2022-ci il tarixli icra sənədinə əsasən Sevinc Həmidovadan iki uşağın yetkinlik yaşına çatanadək saxlanılması üçün hər ay 450 manat məbləğində aliment tutularaq sizə ödənilməlidir.
İcra vərəqəsi üzrə Ağcabədi rayon İcra və Probasiya Şöbəsində başlanmış icraat zamanı borclu alimenti müntəzəm ödəməmiş, onun tələbin yönəldilə biləcəyi əmlak və gəlirləri aşkar edilməmişdir.
Həmçinin, Ağcabədi Rayon Məhkəməsinin 28.03.2023-cü il tarixli qərardadı ilə borclunun ölkədən getmək hüququ müvəqqəti məhdudlaşdırılmışdır.
Borclunun olduğu yer müəyyən edilmədiyindən icra məmurunun 02.12.2022-ci və 12.04.2023-cü il tarixli qərarları ilə axtarışla şöbəyə gətirilmiş S.Həmidova Ağcabədi Rayon Məhkəməsinin 25.01.2023-cü 10.09.2024-cü il tarixli qərarları ilə hər biri 500 manat olmaqla iki dəfə inzibati qaydada cərimə edilmişdir.
Məhkəmənin qanuni qüvvəyə minmiş qətnaməsini qərəzli olaraq icra etmədiyinə görə S.Həmidova barəsində müvafiq təqdimat və ona əlavə edilmiş materiallar Ədliyyə Nazirliyinin İstintaq İdarəsinə göndərilmişdir.
Məhkəmə qərarının icrası yerli icra qurumu tərəfindən nəzarətdə saxlanılır.”
Sumqayıt Şəhər Məhkəməsinin 10.01.2022-ci il tarixli qətnaməsi ilə əslən Laçın rayonundan olan, məcburi köçkün Rasim Həmidovun keçmiş həyat yoldaşı Sevinc Həmidovaya qarşı aliment ödəmə iddiası təmin edilməsinə dair çıxardığı qətnamənin qəsdən icra olunmaması barədə məlumat son bir neçə gündə saytların əsas xəbər başlığına çevrilib.
Məhkəmənin qət etdiyinə görə,Sevinc Həmidova birgə nikahdan olan 3 övladlarının saxlanması üçün hər ay,hər uşağa görə Rasim Həmidova 150 manat sabit pul məbləğində aliment ödəməlidir. Yazılanlara görə aliment ödəməli olan S.Həmidova məhkəmənin qanuni qətnaməsini saya salmır,belə ki, icra etməməkdən ötrü müxtəlif cür bəhanələr gətirərək,süni əngəl törətməklə məşğuldur.
Xatırladaq ki,ötən həftə Rasim Həmidovu Ədliyyə nazirinin müavini,III dərəcəli dövlət ədliyyə müşaviri Mübariz Əhmədov qəbul etmişdi. R.Həmidov görüş zamanı nazir müavini M.Əhmədova Ağcabədi Rayon İcra və Probasiya Şöbəsinin icra məmuru Bəhruz Cəfərovun qanunsuz əməllərindən,məhkəmənin qətnaməsinin qəsdən icra olunmamasından və Ədliyyə Nazirliyinin İstintaq Şöbəsinin müstəntiqi Seymur Xəlilovun işə birtərəfli və qərəzli yanaşmasından,habelə eləcə də S.Həmidovanın qardaşı oğlu Laçın Rayon Polis Şöbəsinin əməliyyat müvəkkili Mirəli Həmidovun ona hədə-qorxu gəlməsindən şikayətçi olduğunu bildirmişdi.Nazir müavini Mübariz Əhmədov daha sonra görüş ərəfəsində məhkəmənin qətnaməsini qəsdən icra etmədiyinə görə,S. Həmidova barədə cinayət işi açıldığını,istintaq orqanı tərəfindən R.Həmidovun zərərçəkmiş şəxs qismində,S.Həmidovanın isə təqsirləndirilən şəxs kimi tanındığıını, yaxın günlərdə Azərbaycan Respublikası CM-nin 306-cı maddəsinin tələblərinə uyğun olaraq S.Həmidova barədə toplanmış cinayət işinin materiallarının tədbir görülməsi üçün müvafiq məhkəməyə təqdim olunacağını demişdi.
S.Həmidova ailə həyatı qurarkən ər evinə guya 79 min manatlıq cehiz əşyaları,15 baş inək gətirdiyinə və həmin əşyaların və mal-qaranın R.Həmidovun evində qaldığına dair iddia ərizəsi ilə Laçın Rayon Məhkəməsinə müraciət etmişdi.Məhkəmə işinin araşdırılmasını Laçın Rayon Məhkəməsinin hakimi və sədri Cavad İbrahimov aparıb.R.Həmidov hüquqlarından istifadə edərək iddiaçının söylədiklərinin heç bir fakta əsaslanmayan,yalan olduğunu sübut edən dəlilləri məhkəməyə təqdim etmək istəsə də,hakim C.İbrahimov qərəzli mövqe tutaraq nədənsə sənədləri qəbul etmək istəməmişdi. Sənədləri poçt vasitəsi ilə məhkəmənin hüquqi ünvanına göndərmək məcburiyyətində qalan R.Həmidov eyni zamanda Məhkəmə - Hüquq Şurasına hakim C.İbrahimovun qanunsuz hərəkətlərindən şikayət etmişdi.
Laçın Rayon Məhkəməsində S.Həmidova keçmiş əri R.Həmidova qarşı qaldırdığı 79 min manatlıq mülk iddiasına baxılaraq S.Həmidovanın gəlin gələrkən guya 5100 manatlıq yorğan-döşək və qızıl əşyaları cehiz gətirdiyinə dair qərar qəbul edib.
Həmçinin oxuyun
R.Həmidov CityPost.az saytının müxbirinə deyib:
Suçlu insanlar kimi hakim C.İbrahimov başını belə qaldırıb üzümə baxa bilmirdi.Proses boyunca S.Həmidova və qardaşı hakimin gözləri qarşısında məni dəfələrlə söyüb,təhqir etdilər. Hakim C.İbrahimov hansı səbəbdənsə,onların bu hərəkətlərinə heç bir reaksiya vermədi,müraciətimi qulaqardına vurub, hüquqi ölçü götürmədi.Qarşı tərəfin iddiası isə qismən təmin edildi. C.İbrahimov unutmasın!Zor haqdan irəli keçə bilər,lakin onu əvəz edə bilməz!
Müşərrəfxanım
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Kəlbəcərdə zəlzələ olub, yeraltı təkan Ermənistanda da hiss edilib
Kəlbəcərdə baş verən zəlzələ Ermənistanda hiss olunub.CityPost.az xəbər verir ki, bu barədə Ermənistanın Seysmologiya Xidməti məlumat yayıb.Bu gün yerli vaxtla saat 00:13-də Kəlbəcər rayonunda zəlzələ 3 maqnitudalı zəlzələ olub.CityPost.az xəbər verir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin Tədqiqatı Bürosu məlumat yayıb.Məlumata görə zəlzələ Daşkəsən stansiyasından 31 km cənub-qərbdə Kəlbəcər rayonunda qeydə alınıb.Zəlzələ hiss olunmayıb.
31 İyul 2025, 10:12
Prezident 10.5 milyon ayırdı
Prezident İlham Əliyev Gəncə Memorial Kompleksində tikinti-quraşdırma işlərinin tamamlanması və muzey ekspozisiyasının təşkili ilə bağlı tədbirlər haqqında Sərəncam imzalayıb.CityPost.az-ın məlumatına görə, sənəd 2020-ci ildə 44 günlük Vətən müharibəsi zamanı Gəncə şəhərində və digər yaşayış məntəqələrində həlak olan sakinlərin xatirəsinin əbədiləşdirilməsi və müharibə reallıqlarının əks etdirilməsi məqsədi daşıyır.Sərəncam Gəncə şəhərində inşa olunan Gəncə Memorial Kompleksində tikinti-quraşdırma işlərinin tamamlanması və muzey ekspozisiyasının təşkili məqsədilə Azərbaycan Respublikasının 2025-ci il dövlət büdcəsində nəzərdə tutulmuş Prezidentin ehtiyat fondundan Dövlət Şəhərsalma və Arxitektura Komitəsinə 10,5 milyon manat vəsait ayrılıb....
30 İyul 2025, 13:47
Tailandda güclü partlayış olub
Tailandın cənubunda, Narativat əyalətində bombanın partlaması nəticəsində 6 polis əməkdaşı və yerli sakin yaralanıb.CityPost.az xəbər verir ki, bu barədə yerli “The Bangkok Post” qəzeti məlumat yayıb."Narativatın Sunqai Padi ərazisində güclü partlayış baş verib. Polis əməkdaşları və kəndlilər xəsarət alıb . Hazırda polis əməkdaşları öz əsas vəzifələrini yerinə yetirirlər", - deyə qəzet yazır.Hakimiyyət hadisədə krallığın cənubunda fəaliyyət göstərən separatçıları günahlandırıb. Silahlı qruplar Narathivat, Pattani və Yala əyalətlərinin ərazisində sultanlıq yaratmaq üçün bölgənin ayrılmasına nail olmağa çalışdıqları üçün onların qarşıdurması 70 ildən artıqdır ki, davam edir.Bundan əvvəl Tailand Kamboca ilə sərhədə yaxın yerləşən 14 əyalətdə pilotsuz uçuş aparatlarının (PUA) istifadəsinə qadağa qoyulduğunu...
30 İyul 2025, 12:32
Zarafatnamələrin ciddiliyi - Sərvaz HÜSEYNOĞLU
Azad, müstəqil, qalib və fikir, düşüncə azadlığının qarantı olan bir ölkədə yaşamasaydıq, yazıçı-dramaturq Xeyrəddin Qocanın taleyi sarıdan çox narahat olardım. Çünki Xeyrəddin Qoca olduqca cəsarətli qələm əhlidir. Çünki zamanında belə azadfikirliliyin, cəsarətliliyin sıxıntılarını geninə-boluna yaşamış olduqca, görkəmli sənətkarlarımızın həyat hekayətləri, hər kəs kimi, mənə də bəllidi. Sözün düzünü deməyin zor iş, əsl kişilik örnəyi olduğu zamanlarda totalitar rejimlərin azad sözün, azad fikrin başı üzərində Demokl qılıncına döndüyü aləmin hekayətləridir o yaşananlar. Və hər yada düşəndə, xatırlananda istiqlal fədailərimizin dönməz əqidə, amal yolunda düçar olduqları məhrumiyyətlərin utancını yaşamalı oluruq. Bu baxımdan Xeyrəddin Qocanın cəsarətli yazılarının əndişəsini də yaşamalı olmuşam həmişə.Amma nə...
30 İyul 2025, 11:17
Sumqayıtda zəncirvari qəza olub, bir nəfər ölüb
Sumqayıtda zəncirvari qəza olub.CityPost.az xəbər verir ki, hadisə Novxanı yolunda qeydə alınıb. İdarəetməni itirən “Kia” markalı avtomobil magistral yolda hərəkətdə olan digər avtomobillərlə toqquşub. Nəticədə avtomobildə olan sərnişin 1992-ci il təvəllüdlü Günel Hüseynova xəsarət alıb. O, xəstəxanada ölüb.Fakt araşdırılır.
29 İyul 2025, 10:22
Xalq artistinin oğlu vəfat etdi - FOTO
Xalq artisti, mərhum aktyor Həsən Məmmədovun oğlu Əvəz Məmmədov 57 yaşında dünyasını dəyişib.CityPost.az xəbər verir ki, bu barədə mərhumun yaxınları sosial şəbəkələrdə məlumat yayıblar.Qeyd edək ki, Əvəz Məmmədovun atası, Azərbaycanın tanınmış teatr və kino ustası, Xalq artisti Həsən Məmmədov 2003-cü ildə vəfat edib.Allah rəhmət eləsin.
29 İyul 2025, 09:12
