Ucarda azyaşlı uşaq ruhi xəstə ilə bir evdə saxlanılır? - ŞİKAYƏT + VİDEO
Hadisə 02 Oktyabr 2024, 14:47
2877
Övladını görə bilməyən ata media vasitəsi ilə kömək istəyib.
Bakı şəhər sakini İsmayılov Eyvaz həyat yoldaşından boşandıqdan sonra övladı ilə görüşə bilmədiyini və övladının hazırda təhlükədə olması barədə mətbuat vasitəsi ilə aidiyyatı qurumlara müraciət edib.
CityPost.az saytına danışan Eyvaz İsmayılov bildirib ki, həyat yoldaşı Səfurə Qasımova ilə rəsmən boşandıqdan sonra azyaşlı övladı ilə vaxtında görüşə bilmir.
“Övladım Elçin İsmayılov 6 yaşındadır. Özü də qüsurlu uşaqdır. Bu günün özündə danışa bilmir. Yoldaşımla boşandıqdan sonra məhkəmə həftədə 5 saat görüş təyin edib. Uşaq Ucar rayonu,Qarabörk kəndində anası ilə birlikdə yaşayır. Mən isə Bakı şəhəri,Yasamal rayonunda yaşayıram. Bu səbəbdən də mənim uşağımla normal şəkildə görüşməyim süni əngəllərlə məhdudlaşdırılır. Bununla bağlı Yasamal Rayon İcra Hakimiyyəti Başçısı yanında Qəyyumluq və Himayəçilik, Yetkinlik Yaşına Çatmayanların İşləri və Hüquqlarının Müdafiəsi Komissiyasınına müraciət etmişəm. Onların saxta faktlara əsaslanan qərarına etiraz etdiyimi və daha yüksək qurumlara onlardan şikayət etdiyim üçün təyziqlərə məruz qalmışam. Komissiyanın sədri Təravət Muradova və oranın əməkdaşı Elçin Əhmədov şikayət etdiyim üçün məni ölümlə hədələyirlər. Bu qanunsuz əməllərlə bağlı Yasamal Rayon Prokurorluğuna şikayət də etmişəm”,- deyə şikayətçi bildirib.
Eyvaz İsmayılov bildirib ki, 6 yaşlı övladının həyatı hər an təhlükədədir.
O,hazırda ruhi xəstə olan dayısı Qasımov Abbas Füzuli oğlu ilə Ucar rayonunun Qarabörk kəndində bir evdə yaşayır. Azyaşlı övladının ruhi əsəb xəstəsi ilə bir evdə yaşaması atanı narahat edir. Bu səbəbdən də övladının yaşayış yerinin dəyişdirilməsini tələb edir.
“ Keçmiş qaynım Abbas Qasımov ruhi əsəb xəstəsidir. Arayışa görə O, 29 sentyabr 2007-ci il tarixdən “Orta dərəcəli əqli gerilik” diaqnozu ilə Ucar Rayon Mərkəzi Xəstəxanasında ruhi-əsəb xəstəlikləri kabinetində qeydiyyata alınıb. Mütəmadi olaraq 24.04.2020-ci ildən 26.10.2021-ci il tarixə qədər xəstəxanadan pulsuz dərmanlar alıb. İstifadə etdiyi dərmanlar arasında Amitriptilin,Tezersin,Xlonozepam,Leponeks,Trftazin və Cucladol var. Bu qədər ağır dərmanlar hesabına idarə olunmağa çalışan ruhi-əsəb xəstəsi ilə mənim azyaşlı və qüsurlu övladım necə yaşaya bilər?
Bununla bağlı Yasamal rayon İcra Hakimiyyətinin Qəyyumluq və Himayəçilik Komissiyasına faktları təqdim etsəm də hansısa maraqları hesabına bu faktları rəyə daxil etməyiblər. Mən buradan övladımın təhlükədə olması barədə aidiyyatı qurumlara müraciət edirəm.Mövcud təhlükə barədə əvvəlcədən xəbərdarlıq edirəm”,-deyə Eyvaz İsmayılov bildirib.
Eyvaz İsmayılov bildirib ki, övladının bu gün təhlükədə olmasına səbəb Yasamal rayon İcra Hakimiyyətinin Qəyyumluq və Himayəçilik Komissiyasının sədri Təravət Muradova,əməkdaş Elçin Əhmədov və Ucar rayon İcra Hakimiyyətinin Qəyyumluq və Himayəçilik Komissiyasının sədri Aida Qəhrəmanova və komissiya üzvü Xəyyam Səmədzadədir. Məlumat üçün qeyd edək ki, şikayət edən şəxsin övladı faktiki olaraq Ucar rayonu,Qarabörk kəndi ərazisində yaşayır. Qeydiyyat isə Yasamal rayonunda olduğu üçün yekun rəyi məhz Yasamal rayonu İcra Hakimiyyətinin Qəyyumluq və Himayəçilik Komissiyası verir.
CityPost.az məsələ ilə bağlı Yasamal rayon İcra Hakimiyyətinin Qəyyumluq və Himayəçilik Komissiyası ilə əlaqə saxlayıb. Komissiyadan şifahi verilən məlumata görə uşağın faktiki yaşadığı ərazi olan Ucar rayonu İcra Hakimiyyətinin Qəyyumluq və Himayəçilik Komissiyası tərəfindən onlara rəy təqdim olunub. Həmin təqdim olunmuş rəy əsasında onlar da öz rəylərini tərtib ediblər.
Həmçinin oxuyun
CityPost.az məsələ ilə bağlı Ucar rayon İcra Hakimiyyətinin Qəyyumluq və Himayəçilik Komissiyası ilə əlaqə saxlayıb. Komissiyanın katibi Xəyyam Səmədzadə saytımıza açıqlamasında bildirib ki, qeyd olunan məsələ ilə bağlı komissiya tərəfindən araşdırma aparılıb. Müxbirimizin “Azyaşlı uşağın ruhi-əsəb xəstəsi ilə bir evdə yaşaması sizi bir vəzifəli şəxs kimi narahat etmirmi”, sualına o belə cavab verib:
-“Biz dəfələrlə həmin evdə olmuşuq.Uşağın anası Səfurə Qasımovanın bildirdiyinə görə,o uşağı ilə birlikdə bibisi qızının evində yaşayır.Biz də tərtib etdiyimiz aktda bu məlumatı qeyd etmişik.”,-deyə o bildirib.
CityPost.az azyaşlı uşağın harada qalması ilə bağlı müstəqil mənbələrə istinadən araşdırma aparıb.Məlum olub ki, Səfurə Qasımova azyaşlı övladı ilə həqiqətən də ata-anasının evində,ruhi-əsəb xəstəsi olan qardaşı ilə birlikdə yaşayır. Yalnız komissiya günləri olduqda müvəqqəti olaraq qohumunun evinə köçür. Bununla bağlı saytımızın əməkdaşı video görüntülərin olduğu faktları əldə edib.Maraqlıdır ki, qeyd olunan faktlara sədri Aidə Qəhrəmanova olan Ucar rayon İcra Hakimiyyətinin Qəyyumluq və Himayəçilik Komissiyası hansı maraqlara əsasən göz yumub?
Azyaşlının ruhi-əsəb xəstəsi ilə eyni evdə yaşadığını sübut edən video...
CityPost.az məsələnin digər detallarını da araşdırır...
(Xəstəlik kağızı)
Hazırladı: Miri Məcidli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Şəmkirdə 7 nəfərin öldüyü avtomobil qəzası ilə bağlı cinayət işi açılıb
Şəmkir rayonu ərazisində 7 nəfərin ölümü ilə nəticələnən avtomobil qəzası ilə bağlı cinayət işi açılıb."Report"un Qərb bürosunun məlumatına görə, 1966-cı il təvəllüdlü Arif Bağırovun idarə etdiyi "Mercedes" markalı mikroavtobus Ağstafa istiqamətində hərəkətdə olan zaman qarşıda gedən "KamAz" markalı yük maşınının qoşqusuna çırpılıb.Nəticədə sürücü və avtomobildə olan 6 sərnişin hadisə yerində ölüb.Daha 5 nəfər isə müxtəlif dərəcəli bədən xəsarətləri alıb və xəstəxanaya yerləşdirilib. Onlardan 1-nin vəziyyəti ağır, digərlərinin durumu isə orta-ağır qiymətləndirilir.Faktla bağlı cinayət işi açılıb, araşdırma aparılır....
07 Avqust 2025, 10:29
ABŞ Rusiyanın Su-57 təyyarəsi ilə bağlı suallar qaldırıb
Amerikanın The National Interest (TNI) jurnalının köşə yazarı Peter Suciu yazır ki, Rusiyanın beşinci nəsil Su-57 qırıcısının hipersəs silahları ilə təchiz edilməsi suallar doğurur.CityPost.az xəbər verir ki, "Su-57-nin hipersəs raketləri ilə təchiz edilməsi təyyarə üçün əhəmiyyətli təkmilləşmə olardı. Bununla belə, Su-57-nin nə qədər hipersəs raketi daşıya biləcəyi də daxil olmaqla, bir sıra suallar qalır", - nəşr yazır.Baş Qərargah rəisi - Rusiya Aerokosmik Qüvvələrinin (VKS) baş komandanının birinci müavini general-leytenant Aleksandr Maksimtsevin Su-57-nin hipersəs silahları əldə etməsi ilə bağlı bu yaxınlarda verdiyi bəyanatı şərh edən müəllifin qırıcının hansı raket növü - K27M və ya modifikasiya edilmiş Z47M-i alması ilə bağlı sualı...
06 Avqust 2025, 17:05
Moskva metrosunda qan düşdü
Moskva metrosunda insident baş verib.CityPost.az xəbər verir ki,metronun iş saatı bitdikdən sonra əraziyə daxil olmaq istəyən şəxslə metro işçisi arasında mübahisə yaranıb.39 yaşlı şəxs metro əməkdaşını bıçaqlayıb.Şübhəli şəxs saxlanılıb.Nigar
06 Avqust 2025, 12:56
Qaradağda 34 kiloqramdan artıq narkotik qanunsuz dövriyyədən çıxarılıb
Qaradağda narkotiklərin satışı və qanunsuz dövriyyəsinə qarşı əməliyyat keçirilib.Bu barədə CityPost.az-a Daxili İşlər Nazirliyindən məlumat verilib.Bildirilib ki, keçirilən əməliyyatla narkotiklərin qanunsuz dövriyyəsində şübhəli bilinən 33 yaşlı Mahir Abbasov saxlanılıb. Bu şəxsdən ümumilikdə 34 kiloqram 650 qram tərkibi psixotrop maddələrlə zənginləşdirilən marixuana aşkarlanıb.Faktla bağlı Qaradağ Rayon Polis İdarəsində Cinayət Məcəlləsinin müvafiq maddəsi ilə cinayət işi başlanılıb.
06 Avqust 2025, 10:51
Sevinc Həmidovanın şikayəti qeyri-mümkün sayıldı
Əslən Laçın rayonundan olan keçmiş məcburi köçkün Rasim Həmidovun şikayəti əsasında keçmiş həyat yoldaşı Sevinc Həmidova barədə Azərbaycan Respublikası Cinayət Məcəlləsinin 306.1-ci maddəsi ilə cinayət işinin başlanması və 253300021 nömrəli cinayət işinin istintaqının yekunlaşması ilə bağlı məlumat vermişdik.Xatırladaq ki, Sumqayıt Şəhər Məhkəməsinin 10.01.2022-ci il tarixli qətnaməsi ilə əslən Laçın rayonundan olan, məcburi köçkün Rasim Həmidovun keçmiş həyat yoldaşı Sevinc Həmidovaya qarşı aliment ödəmə iddiası təmin edilməsinə dair çıxardığı qətnamənin qəsdən icra olunmaması barədə Ədliyyə Nazirliyinin İstintaq İdarəsinin topladığı materiallar baxılması üçün Ağcabədi Rayon Məhkəməsinə göndərilib.16 iyul 2025-ci il tarixdə Ağcabədi Rayon Məhkəməsində hakim Etibar Quliyevin sədrliyi ilə saat 11:30-da Ağcabədi...
05 Avqust 2025, 14:45
Nəsimi rayonunda 11 kiloqram narkotik vasitə dövriyyədən çıxarılıb - VİDEO
Nəsimi rayonunda 11 kiloqram narkotik vasitə dövriyyədən çıxarılıb.Bu barədə DİN-in mətbuat xidmətindən məlumat verilib.Bildirilib ki, tədbir zamanı 32 yaşlı Samir Əhmədov saxlanılıb. Həmin şəxsdən və idarə etdiyi avtomobildən ümumilikdə 11 kiloqram 295 qram həşiş, marixuana və psixotrop maddə olan metamfetamin aşkarlanaraq dövriyyədən çıxarılıb.S.Əhmədov şəxsiyyəti istintaqla araşdırılan İran vətəndaşı tərəfindən narkokuryerliyə cəlb olunduğunu və narkotik vasitələri maddi qazanc müqabilində ayrı-ayrı ünvanlara çatdırmağı planlaşdırdığını bildirib.Faktla bağlı cinayət işi başlanılıb, araşdırma aparılır....
05 Avqust 2025, 11:46
