Hakimlərin seçilməsi üç mərhələdən ibarət olacaq
Hüquq 16 Dekabr 2024, 20:21
33428
Hakimlərin seçilməsi test imtahanı, yazılı imtahan və müsahibə olmaqla, üç mərhələdən ibarət olacaq.
Bu, Prezident İlham Əliyevin tətbiqi barədə fərman imzaladığı “Məhkəmələr və hakimlər haqqında” qanuna dəyişiklikdə əksini tapıb.
Eyni zamanda ilk dəfə hakim vəzifəsinə təyin olunan şəxslər təyin olunduqdan dərhal sonra təlimə cəlb ediləcəklər.
Həmçinin oxuyun
Başqa sözlə, indiyə qədər qüvvədə olan qanuna əsasən, hakim vəzifəsinə namizədlər yazılı və şifahi imtahan əsasında seçilirlər. Namizədlərin seçilməsi üçün bu imtahanlar Hakimlərin Seçki Komitəsi tərəfindən təşkil edilir. İmtahanların nəticələri Hakimlərin Seçki Komitəsi tərəfindən qiymətləndirilir.
Hakimlərin Seçki Komitəsi bu işə özünün formalaşdırdığı ad hoc komissiya cəlb edə bilər. İmtahanlardan müvəffəqiyyətlə keçmiş namizədlər avtomatik şəkildə uzunmüddətli təlim mərhələsinə keçirilirlər. Təlim mərhələsi tədris müəssisəsində təşkil edilir. Təlim mərhələsinə keçirilmiş hakim vəzifəsinə namizədlərin iş yerləri və orta əməkhaqları saxlanılır. Təlim mərhələsinə keçirilmiş işləməyən namizədlərin maddi təminatını Məhkəmə-Hüquq Şurası həyata keçirir. Maddi təminatın məbləği Məhkəmə-Hüquq Şurası tərəfindən müəyyən edilir və dövlət büdcəsindən Şuraya ayrılmış vəsait hesabına ödənilir. Təlim mərhələsi başa çatdıqdan sonra hər bir namizəd qiymətləndirilir. Namizədin qiymətləndirilməsi tədris müəssisəsi tərəfindən təqdim olunmuş tədrisin nəticələri və namizədin Hakimlərin Seçki Komitəsi üzvləri ilə yekun müsahibəsinin əsasında həyata keçirilir. Namizədlərin qiymətləndirilməsi bal sistemi ilə aparılır. Namizədlər Hakimlərin Seçki Komitəsi tərəfindən topladıqları ballara uyğun sıralanırlar. Namizədlərin qiymətləndirməsinin nəticələri Məhkəmə-Hüquq Şurasına təqdim olunur. Məhkəmə-Hüquq Şurası namizədlərin vakant hakim vəzifələrinin sayına müvafiq olaraq hakim vəzifəsinə təyin edilməsi barədə Azərbaycan Respublikasının müvafiq icra hakimiyyəti orqanına təqdimat verir. Tədris kurslarını bitirmiş, lakin hakim vəzifəsinə təklif olunmamış namizədlər ədliyyə orqanlarına inzibati vəzifəyə və ya prokurorluq orqanlarına prokurorluq işçisi kimi xidmətə götürülə, hakim vakansiyası yarandıqda isə hakim vəzifəsinə təyin edilə bilərlər. Qiymətləndirmə nəticəsində səlahiyyətləri uzadılmamış şəxslər 5 il müddətində hakim vəzifəsinə namizədlərin seçilməsi üçün imtahanda iştirak edə bilməzlər.
Yeni qanuna əsasən, hakim vəzifəsinə namizədlər test imtahanı, yazılı imtahan və müsahibə əsasında seçiləcəklər. İmtahanlar və müsahibə Hakimlərin Seçki Komitəsi tərəfindən təşkil olunacaq. İmtahanlar və müsahibənin nəticələri Hakimlərin Seçki Komitəsi tərəfindən qiymətləndiriləcək. Hakimlərin Seçki Komitəsi bu işə özünün formalaşdırdığı ad hoc komissiyanı cəlb edə bilər. Hakimlərin Seçki Komitəsi imtahanlardan və müsahibədən müvəffəqiyyətlə keçmiş namizədləri topladıqları ballara uyğun sıralayacaq. Namizədlərin qiymətləndirilməsinin nəticələri Məhkəmə-Hüquq Şurasına təqdim olunacaq. Məhkəmə-Hüquq Şurası namizədlərin vakant hakim vəzifələrinin sayına müvafiq olaraq hakim vəzifəsinə təyin edilmələri barədə müvafiq icra hakimiyyəti orqanının müəyyən etdiyi orqana (quruma) təqdimat verəcək. Qiymətləndirmə nəticəsində səlahiyyətləri uzadılmamış şəxslər 5 il müddətində hakim vəzifəsinə namizədlərin seçilməsi üçün imtahanlarda və müsahibədə iştirak edə bilməzlər.
Vakant hakim vəzifələrinə namizədlərin seçilməsi qaydaları Məhkəmə-Hüquq Şurası tərəfindən müəyyən ediləcək.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Bələdiyyə sənədi ev tikmək üçün kifayətdirmi? Söküntü ilə bağlı vacib hüquqi məqamlar
Vətəndaşların torpaq sahələri və həmin ərazilərdə inşa etdikləri fərdi yaşayış evləri ilə bağlı qarşılaşdıqları problemlərdən biri də tikintinin qanuniliyidir. Xüsusilə bələdiyyə sənədi əsasında torpaq əldə edən, lakin sonradan tikinti və mülkiyyət sənədlərini tam rəsmiləşdirə bilməyən şəxslər ciddi hüquqi çətinliklərlə üzləşirlər. Bəzi hallarda vətəndaş evini tikməyə başlayır, tikintiyə xeyli vəsait xərcləyir, hətta binanın əsas hissəsini tamamlayır. Bundan sonra isə müvafiq dövlət qurumlarının nümayəndələri əraziyə gələrək tikintinin qanunsuz olduğunu əsas gətirir və evin sökülməsini tələb edirlər.Belə vəziyyətlərdə bir sıra suallar yaranır: Bələdiyyə sənədi olan torpaq sahəsində inşa edilən evi icra hakimiyyəti məhkəmə qərarı olmadan sökə bilərmi? Tikinti üçün icazə alınmayıbsa, bu, avtomatik...
12 Noyabr 2026, 11:40
Qaynata evində yaşayan gəlin boşanarkən evdən pay ala bilərmi? – VƏKİL DANIŞDI
Ailə münasibətlərində boşanma zamanı tərəflər arasında yaranan mübahisələrdən biri də nikah dövründə yaşadıqları evlə bağlı olur. Xüsusilə ərinin valideynlərinə məxsus evdə yaşayan, həmin ünvanda qeydiyyatda olan və uşaqlarını da orada böyüdən qadınlar boşanma zamanı həmin evdən pay alıb-almayacaqlarını bilmirlər. Bəzi hallarda qadınlar uzun illər yaşadıqları evdən ayrılmaq istəmədikləri üçün hüquqi baxımdan hansı imkanlara malik olduqlarını araşdırmağa çalışırlar.Məsələn, iki uşağı olan və qaynatasının evində yaşayan qadın həyat yoldaşından boşanmaq istədikdə həmin evə görə mülkiyyət payı tələb edə bilərmi? Qaynatanın gəlinini evdə qeydiyyata saldırması onun gələcəkdə həmin mənzilə və ya fərdi yaşayış evinə sahiblik hüququ qazanması deməkdirmi? Bu kimi məsələlər hüquqi baxımdan...
12 Noyabr 2026, 10:40
Uzun illər işləyən şəxsi işdən çıxarmaq olarmı? – VƏKİL AÇIQLADI
Uzun illər eyni müəssisədə çalışan şəxslərin işdən azad edilməsi məsələsi əmək münasibətlərində tez-tez mübahisələrə səbəb olur. Xüsusilə onilliklərlə bir müəssisəyə xidmət edən, əmək fəaliyyətinin böyük hissəsini həmin iş yerində keçirən şəxslər işdən çıxarılmaq ehtimalı ilə üzləşdikdə hüquqlarının necə qorunacağını bilmək istəyirlər. Bəzən işəgötürən işçiyə ərizə yazaraq öz xahişi ilə işdən ayrılmağı təklif edir, bəzən isə müxtəlif intizam tənbehləri tətbiq etməklə onunla əmək münasibətlərinə xitam verməyə çalışır.Bəs 23 ildir səhiyyə sahəsində sürücü işləyən, hazırda 57 yaşı olan şəxsi işdən çıxarmaq mümkündürmü? İşəgötürən bunun üçün hansı hüquqi əsaslara malik olmalıdır? Uzun müddət eyni müəssisədə işləmək işçiyə əlavə təminat verirmi? Əsassız töhmət və...
11 Noyabr 2026, 11:40
Babadan qalan evin bölgüsündə nələrə diqqət etmək lazımdır? – Vəkil AÇIQLADI
Ailə üzvlərindən birinin vəfatından sonra geridə qalan əmlakın bölüşdürülməsi bir çox hallarda varislər arasında hüquqi mübahisələrə səbəb olur. Xüsusilə miras qoyan şəxsin övladlarından biri vəfat etdikdə, ona çatmalı olan payın sonrakı nəsil tərəfindən tələb edilməsi məsələsi ortaya çıxır. Belə vəziyyətlərdə vətəndaşlar hansı qaydada hərəkət etməli olduqlarını, birbaşa məhkəməyə müraciət etməyin vacib olub-olmadığını və vəkil tutmadan miras hüququnu rəsmiləşdirə bilib-bilməyəcəklərini dəqiqləşdirmək istəyirlər.Məsələn, baba vəfat edib, onun iki oğlu olub. Oğullardan biri – yəni vətəndaşın atası da sonradan dünyasını dəyişib. Əmisi isə üç övlad qoyub, atanın yalnız bir qızı var. Bundan başqa, atanın rəsmi nikahda olduğu ikinci həyat yoldaşı da mövcuddur, lakin...
11 Noyabr 2026, 10:40
Başqa rayona köçən şəxslər qeydiyyat üçün neçə gün müddətə malikdir?
Vətəndaşların bir rayondan digərinə köçməsi, müəyyən müddət ərzində başqa şəhərdə və ya yaşayış məntəqəsində qalması zamanı qarşılaşdıqları məsələlərdən biri də yaşayış yeri və olduğu yer üzrə qeydiyyatdır. Bəzən insanlar iş, təhsil, ailə vəziyyəti və ya digər səbəblərdən yaşadıqları ünvanı müvəqqəti dəyişirlər. Lakin bir çox hallarda yeni ünvanda uzun müddət qalmalarına baxmayaraq, müvafiq qeydiyyat prosedurunu yerinə yetirmirlər. Bu isə qanunvericilik baxımından inzibati məsuliyyət məsələsini gündəmə gətirə bilər.Citypost.az xəbər verir ki, qanunvericiliyə əsasən, vətəndaşın başqa rayona və ya şəhərə getməsi, orada müvəqqəti qalması avtomatik olaraq cərimə olunacağı anlamına gəlmir. Burada əsas məsələ həmin şəxsin əvvəlki yaşayış yerindən kənarda nə qədər müddət qalması...
10 Noyabr 2026, 11:00
Piyada qəfil yola çıxarsa, sürücü həbs olunmalıdırmı? – Vəkil DANIŞDI
Yol-nəqliyyat hadisələri zamanı piyadanın avtomobilin qarşısına qəfil çıxması və sürücünün əyləci basmasına baxmayaraq toqquşmanın qarşısını ala bilməməsi ciddi hüquqi mübahisələrə səbəb olur. Belə hadisələrdə ən çox müzakirə edilən məsələlərdən biri də piyadanın həyatını itirməsi halında sürücünün avtomatik olaraq cinayət məsuliyyətinə cəlb edilib-edilməməsidir. Halbuki hüquqi baxımdan insan ölümünün baş verməsi ilə sürücünün cinayət törətməsi eyni məna daşımır. Burada əsas məsələ hadisənin hansı şəraitdə baş verməsi, sürücünün yol hərəkəti qaydalarına əməl edib-etməməsi və qəzanın qarşısını almaq üçün real texniki imkanının olub-olmamasıdır.Vəkil Sərdar İsmayılov Citypost.az-a açıqlamasında bildirib ki, yol-nəqliyyat hadisəsi nəticəsində piyadanın ölməsi sürücünün avtomatik şəkildə cinayət törətmiş hesab olunması demək deyil. Cinayət...
10 Noyabr 2026, 10:00
