Hakimlərin seçilməsi üç mərhələdən ibarət olacaq
Hüquq 16 Dekabr 2024, 20:21
31532
Hakimlərin seçilməsi test imtahanı, yazılı imtahan və müsahibə olmaqla, üç mərhələdən ibarət olacaq.
Bu, Prezident İlham Əliyevin tətbiqi barədə fərman imzaladığı “Məhkəmələr və hakimlər haqqında” qanuna dəyişiklikdə əksini tapıb.
Eyni zamanda ilk dəfə hakim vəzifəsinə təyin olunan şəxslər təyin olunduqdan dərhal sonra təlimə cəlb ediləcəklər.
Həmçinin oxuyun
Başqa sözlə, indiyə qədər qüvvədə olan qanuna əsasən, hakim vəzifəsinə namizədlər yazılı və şifahi imtahan əsasında seçilirlər. Namizədlərin seçilməsi üçün bu imtahanlar Hakimlərin Seçki Komitəsi tərəfindən təşkil edilir. İmtahanların nəticələri Hakimlərin Seçki Komitəsi tərəfindən qiymətləndirilir.
Hakimlərin Seçki Komitəsi bu işə özünün formalaşdırdığı ad hoc komissiya cəlb edə bilər. İmtahanlardan müvəffəqiyyətlə keçmiş namizədlər avtomatik şəkildə uzunmüddətli təlim mərhələsinə keçirilirlər. Təlim mərhələsi tədris müəssisəsində təşkil edilir. Təlim mərhələsinə keçirilmiş hakim vəzifəsinə namizədlərin iş yerləri və orta əməkhaqları saxlanılır. Təlim mərhələsinə keçirilmiş işləməyən namizədlərin maddi təminatını Məhkəmə-Hüquq Şurası həyata keçirir. Maddi təminatın məbləği Məhkəmə-Hüquq Şurası tərəfindən müəyyən edilir və dövlət büdcəsindən Şuraya ayrılmış vəsait hesabına ödənilir. Təlim mərhələsi başa çatdıqdan sonra hər bir namizəd qiymətləndirilir. Namizədin qiymətləndirilməsi tədris müəssisəsi tərəfindən təqdim olunmuş tədrisin nəticələri və namizədin Hakimlərin Seçki Komitəsi üzvləri ilə yekun müsahibəsinin əsasında həyata keçirilir. Namizədlərin qiymətləndirilməsi bal sistemi ilə aparılır. Namizədlər Hakimlərin Seçki Komitəsi tərəfindən topladıqları ballara uyğun sıralanırlar. Namizədlərin qiymətləndirməsinin nəticələri Məhkəmə-Hüquq Şurasına təqdim olunur. Məhkəmə-Hüquq Şurası namizədlərin vakant hakim vəzifələrinin sayına müvafiq olaraq hakim vəzifəsinə təyin edilməsi barədə Azərbaycan Respublikasının müvafiq icra hakimiyyəti orqanına təqdimat verir. Tədris kurslarını bitirmiş, lakin hakim vəzifəsinə təklif olunmamış namizədlər ədliyyə orqanlarına inzibati vəzifəyə və ya prokurorluq orqanlarına prokurorluq işçisi kimi xidmətə götürülə, hakim vakansiyası yarandıqda isə hakim vəzifəsinə təyin edilə bilərlər. Qiymətləndirmə nəticəsində səlahiyyətləri uzadılmamış şəxslər 5 il müddətində hakim vəzifəsinə namizədlərin seçilməsi üçün imtahanda iştirak edə bilməzlər.
Yeni qanuna əsasən, hakim vəzifəsinə namizədlər test imtahanı, yazılı imtahan və müsahibə əsasında seçiləcəklər. İmtahanlar və müsahibə Hakimlərin Seçki Komitəsi tərəfindən təşkil olunacaq. İmtahanlar və müsahibənin nəticələri Hakimlərin Seçki Komitəsi tərəfindən qiymətləndiriləcək. Hakimlərin Seçki Komitəsi bu işə özünün formalaşdırdığı ad hoc komissiyanı cəlb edə bilər. Hakimlərin Seçki Komitəsi imtahanlardan və müsahibədən müvəffəqiyyətlə keçmiş namizədləri topladıqları ballara uyğun sıralayacaq. Namizədlərin qiymətləndirilməsinin nəticələri Məhkəmə-Hüquq Şurasına təqdim olunacaq. Məhkəmə-Hüquq Şurası namizədlərin vakant hakim vəzifələrinin sayına müvafiq olaraq hakim vəzifəsinə təyin edilmələri barədə müvafiq icra hakimiyyəti orqanının müəyyən etdiyi orqana (quruma) təqdimat verəcək. Qiymətləndirmə nəticəsində səlahiyyətləri uzadılmamış şəxslər 5 il müddətində hakim vəzifəsinə namizədlərin seçilməsi üçün imtahanlarda və müsahibədə iştirak edə bilməzlər.
Vakant hakim vəzifələrinə namizədlərin seçilməsi qaydaları Məhkəmə-Hüquq Şurası tərəfindən müəyyən ediləcək.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ata evini oğluna bağışlayıb vəfat edərsə, bacıların hüquqları necə müəyyən olunur?
Valideynlər sağlığında sahib olduqları əmlakı övladlarından birinə bağışlaya, digər övladlarına isə həmin əmlakdan pay ayırmaya bilərlər. Lakin belə hallarda valideyn vəfat etdikdən sonra digər vərəsələrin hüquqları ilə bağlı suallar yaranır. Xüsusilə ata evinin oğula bağışlanması, bağışlama müqaviləsinin rəsmiləşdirilməsi və üstündən bir neçə il keçməsi bacıların həmin evdən pay tələb etmək imkanlarına təsir göstərə bilər. Bəs ata sağlığında evini oğluna bağışlayıbsa və bağışlamadan dörd il sonra vəfat edibsə, digər övladlar həmin əmlakdan məcburi pay tələb edə bilərlərmi?Mövzu ilə bağlı Citypost.az-a danışan vəkil Əminə İsmayılzadə bildirib ki, belə məsələlərdə ilk növbədə əmlakın hüquqi statusu, bağışlama müqaviləsinin nə vaxt və hansı qaydada rəsmiləşdirilməsi,...
30 Oktyabr 2026, 10:30
Uşaqlıqdan əlilliyi olan şəxs atasının pensiyasını ala bilərmi? – Vəkildən açıqlama
Valideynini itirən və uşaqlıqdan əlilliyi olan şəxsləri maraqlandıran məsələlərdən biri ailə başçısını itirməyə görə əmək pensiyası almaq hüququdur. Bir çox insan bu hüququn yalnız azyaşlı uşaqlara aid olduğunu düşünür. Halbuki qanunvericilikdə müəyyən şərtlər daxilində yetkinlik yaşına çatmış şəxslərin də ailə başçısını itirməyə görə pensiya almaq hüququ nəzərdə tutulur. Burada əsas məsələlərdən biri əlilliyin hansı yaşda müəyyən edilməsidir.Mövzu ilə bağlı Citypost.az-a danışan vəkil Vəfadar Piriyev bildirib ki, atasını itirmiş və uşaqlıqdan əlilliyi olan şəxslərin ailə başçısını itirməyə görə əmək pensiyası almaq hüququ qanunvericiliklə müəyyən edilmiş şərtlər əsasında qiymətləndirilir. Onun sözlərinə görə, belə hallarda şəxsin əlilliyinin 18 yaşına çatana qədər müəyyən edilməsi...
30 Oktyabr 2026, 09:30
Arvadı uşağı götürüb getdi: Ər məhkəməyə nə üçün müraciət edə bilər?
Ailə münasibətlərində baş verən xəyanət, həyat yoldaşlarından birinin uşağı da götürərək evi tərk etməsi və başqa şəxslə münasibət qurması bir sıra hüquqi suallar doğurur. Belə hallarla qarşılaşan şəxslər həyat yoldaşının bu davranışına görə cərimələnə biləcəyini, onun barəsində cinayət işi başlanmasının mümkün olub-olmadığını və mənəvi zərərə görə kompensasiya tələb edə bilib-bilməyəcəyini bilmək istəyirlər. Xüsusilə azyaşlı uşağın valideynlərdən biri ilə birlikdə ailədən ayrılması vəziyyəti daha da mürəkkəbləşdirir.Bəs həyat yoldaşının başqa şəxslə münasibət qurması və uşağı götürərək evi tərk etməsi Azərbaycan qanunvericiliyinə əsasən hansı məsuliyyət yaradır? Bu davranışa görə cərimə tətbiq oluna bilərmi və zərər çəkdiyini düşünən tərəf məhkəməyə müraciət edə bilərmi?Mövzu ilə...
30 Oktyabr 2026, 08:30
Boşandıqdan sonra keçmiş həyat yoldaşına bağışlanan ev kimə qalır? Vəkildən AÇIQLAMA
Ailə münasibətlərində yaranan mübahisələr, xüsusilə boşanmadan sonra əmlakın hüquqi taleyi və tərəflərdən birinin vəfat etməsi ilə bağlı məsələlər cəmiyyətdə tez-tez suallar doğurur. Bəzən ər-arvad nikah dövründə bir-birinə ev, torpaq sahəsi və ya digər əmlak bağışlayır, lakin sonradan münasibətlər pozulur və tərəflər boşanırlar. Belə vəziyyətdə keçmiş həyat yoldaşlarından biri vəfat etdikdə bağışlanmış əmlakın kimə çatacağı, övladın və mərhumun valideynlərinin həmin əmlak üzərində hansı hüquqlara malik olacağı maraq doğurur. Xüsusilə ailədə bir oğlan övladı varsa, evin tamamilə uşağa çatıb-çatmayacağı, yoxsa digər qanuni vərəsələr arasında bölüşdürüləcəyi məsələsi aktuallaşır.Vəkil Əbdül Məhərrəmov bu barədə Citypost.az-a açıqlamasında bildirib ki, belə hallarda ilk növbədə əmlakın hüquqi statusu,...
29 Oktyabr 2026, 11:40
Aliment borcunu uşağın bank hesabına köçürmək mümkündürmü? Vəkildən AÇIQLAMA
Boşanmış valideynlər arasında aliment ödənişləri ilə bağlı mübahisələr hüquqi praktikada tez-tez rast gəlinən məsələlərdəndir. Xüsusilə atanın ödədiyi alimentin uşağın gündəlik ehtiyaclarına sərf olunması, vəsaitin gələcək üçün toplanması və pulun birbaşa uşağın bank hesabına köçürülməsi ilə bağlı suallar yaranır. Bəzi valideynlər alimentin digər valideynin hesabına deyil, uşağın adına açılmış bank hesabına yatırılmasını daha məqsədəuyğun hesab edirlər. Bəs bu, qanunvericilik baxımından mümkündürmü? Valideynlərdən biri buna razı olmadıqda hansı addımlar atıla bilər? Uşağın adına toplanan vəsaitə kim nəzarət edir və həmin puldan nə vaxt istifadə etmək mümkündür?Vəkil Anar Məmmədov bu barədə Citypost.az-a açıqlamasında bildirib ki, alimentin uşağın bank hesabına köçürülməsi məsələsi hüquqi baxımdan...
29 Oktyabr 2026, 10:40
30 il evdə yaşayan şəxs çıxarış ala bilərmi? Vəkil izah etdi
Uzun illər yaşadığı evin kommunal xərclərini ödəyən, torpaq sahəsindən istifadə edən, lakin daşınmaz əmlaka dair çıxarışı olmayan vətəndaşların hüquqi vəziyyəti tez-tez müzakirə olunur. Bəzi vətəndaşlar hesab edirlər ki, əgər onlar onilliklər ərzində evdə yaşayıb, elektrik, qaz, su və digər kommunal xidmətlərin ödənişlərini həyata keçiriblərsə, bu faktlar həmin əmlakı öz adlarına rəsmiləşdirmək üçün kifayət edə bilər. Bəs 30 il ərzində kommunal xərcləri ödəmək evə və ya torpaq sahəsinə çıxarış almaq üçün hüquqi əsas yaradırmı?Vəkil Mircavad Miryev bu barədə Citypost.az saytına açıqlamasında bildirib ki, ümumi qaydada kommunal ödənişlərin uzun müddət həyata keçirilməsi özlüyündə daşınmaz əmlak üzərində mülkiyyət hüququ yaratmır. Bununla belə, müəyyən...
28 Oktyabr 2026, 10:30
