Sabiq deputat Eldəniz Səlimov azadlığa çıxıb
Hadisə 03 Fevral 2025, 11:42
360
Milli Məclisin sabiq deputatı Eldəniz Səlimov azadlığa çıxıb.
Citypost.az xəbər verir ki, E. Səlimovun bu gün cəza müddəti başa çatıb və Ədliyyə Nazirliyi Penitensiar Xidmətinin 10 saylı cəzaçəkmə müəssisəsindən azadlığa buraxılıb.
Qeyd edək ki, 2021-ci ilin iyul ayının 29-da keçmiş deputat Eldəniz Səlimovun Xaçmaz şəhəri ərazisində polis əməkdaşını döydüyü iddiası ilə polis orqanlarına müraciət edilib.
Məlumata görə, Xaçmaz şəhərində yerləşən “Starıy Dvor” restoranında Eldəniz Səlimov Xaçmaz Rayon Polis Şöbəsinin Qeydiyyat və şəxsiyyət vəsiqəsi qrupunun inspektoru, polis leytenantı Zaur Mirzəyevin bir neçə gün öncə öz xidməti vəzifəsini icra edərək həmin restoranda xüsusi karantin rejimi qaydalarının pozulması ilə əlaqədar etdiyi qanunamüvafiq hərəkətləri özünə hörmətsizlik kimi qiymətləndirərək onun ünvanına nalayiq ifadələr işlədib, sifət və baş nahiyəsinə yumruq və başı ilə zərbələr vurub.
Eldəniz Səlimov Cinayət Məcəlləsinin 309.2-ci (vəzifə səlahiyyətlərini aşma) maddəsi ilə təqsirləndirilən şəxs qismində cəlb edilib.
Həmçinin oxuyun
Daxili İşlər Nazirliyi Baş Prokurorluğa təqdimat göndərib. Baş Prokurorluq 2021-ci ilin iyulun 30-da deputatın polis əməkdaşına xidməti vəzifələrinin icrası ilə əlaqədar zor tətbiq etməsi iddiası ilə bağlı cinayət işi başladıb və daha sonra deputatın toxunulmazlığının ləğvi ilə bağlı parlamentə təqdimat göndərib.
2021-ci il avqustun 2-də parlamentin İntizam Komissiyasının iclasında deputatın toxunulmazlığının ləğv edilməsi ilə bağlı məsələ plenar iclasa tövsiyə olunub. Həmçinin 2 avqust 2021-ci ildə Yeni Azərbaycan Partiyası Xaçmaz rayon təşkilatının İdarə Heyətinin iclasında Eldəniz Səlimov YAP üzvlüyündən xaric edilib.
Parlamentin 2021-ci il avqustun 3-də fövqəladə iclasında deputatın toxunulmazlığı ləğv olunub.
2021-ci ilin dekabrın 27-də Sumqayıt Ağır Cinayətlər Məhkəməsinin qərarı ilə Eldəniz Səlimov 3 il 6 ay müddətinə azadlıqdan məhrum edilib və deputat mandatına xitam verilib.
1976-cı ilin noyabrın 2-də Xaçmaz rayonunda anadan olan Eldəniz Səlimov Milli Məclisin V və VI çağırış deputatı olub.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Fazil Mustafaya sui-qəsdə görə ömürlük həbs cəzası almış Azər Səricanovun oğlu da həbs olundu - DTX-dən əməliyyat
Milli Məclisin deputatı Fazil Mustafaya sui-qəsdə görə ömürlük həbs cəzası almış Azər Səricanovun oğlu Əbülfəz Səricanov həbs olunub.Əbülfəz Səricanov Dövlət Təhlükəsizliyi Xidməti tərəfindən saxlanılıb.Ə.Səricanova Cinayət Məcəlləsinin 28.277-ci maddəsi ilə ittiham verilib.O, Dövlət Təhlükəsizliyi Xidmətində başlanılmış cinayət işi üzrə konkret dövlət və ictimai xadimlərin həyatına sui-qəsd hazırlığında təqsirləndirilir.Səbail Rayon Məhkəməsinin qərarı ilə onun haqqında 4 aylıq həbs-qətimkan tədbiri seçilib.Ə.Səricanov haqqında həbs qərarı verildiyini və CM-in 28.277-ci maddəsi ilə təqsirləndirildiyini vəkili Bəxtiyar Hacıyev də təsdiqləyib.Bu maddədə 20 ilədək və ya ömürlük həbs cəzası nəzərdə tutulub....
21 Mart 2025, 10:48
Dələduzluğa görə axtarışda olan 15 nəfər saxlanılıb
Martın 19-da Daxili İşlər Nazirliyi (DİN) əməkdaşlarının həyata keçirdikləri əməliyyat tədbirləri nəticəsində, dələduzluq əməlinə görə axtarışda olan 15 nəfər saxlanılaraq istintaq orqanlarına təhvil verilib.Bu barədə DİN-in mətbuat xidmətindən məlumat verilibDələduzluqla bağlı əməliyyat tədbirləriDİN-in Mətbuat Xidmətinin məlumatına əsasən, polis əməkdaşları tərəfindən dələduzluq cinayətlərinin qarşısının alınması və bu əməlləri törədən şəxslərin məsuliyyətə cəlb edilməsi məqsədilə ölkə ərazisində genişmiqyaslı əməliyyat tədbirləri keçirilib. Nəticədə, müxtəlif bölgələrdə dələduzluq əməllərinə görə axtarışda olan 15 şəxs saxlanılıb.Saxlanılan şəxslərin istintaqa təhviliSaxlanılan şəxslər barəsində müvafiq araşdırmalar aparılaraq, onların törətdikləri cinayət əməlləri ilə bağlı istintaq hərəkətləri davam etdirilir. Bu tədbirlər, ölkədə dələduzluq cinayətlərinin azalmasına və vətəndaşların hüquqlarının qorunmasına xidmət edir....
20 Mart 2025, 12:06
Azərbaycan Ordusunun mövqeləri Keşişkənd istiqamətindən atəşə tutulub
Azərbaycan Ordusunun mövqeləri atəşə tutulub.Bu barədə CityPost.az-a Müdafiə Nazirliyindən məlumat verilib.Bildirilib ki, martın 19-u saat 19:00-dan 19:10-dək Ermənistan silahlı qüvvələrinin bölmələri Keşişkənd rayonunun Arpa yaşayış məntəqəsi istiqamətində yerləşən mövqelərindən Azərbaycan Ordusunun mövqelərini atıcı silahlardan atəşə tutub.
20 Mart 2025, 10:34
Hərbçilərimiz qar uçqununa düşdü: axtarış başladı - Təcili
Gədəbəy rayonu ərazisində yerləşən xidmət yerindən qayıdarkən Azərbaycan Ordusunun müddətli həqiqi hərbi xidmət hərbi qulluqçuları - əsgər Ruslan Rüstəm oğlu Həmidov və əsgər Əli Tariyel oğlu İmanov dumanlı hava şəraitində qar uçqununa düşüblər.Citypost.az xəbər verir ki, bu barədə Müdafiə Nazirliyinin və Fövqəladə Hallar Nazirliyinin birgə məlumatında qeyd olunub.Bildirilib ki, hərbi qulluqçularımızın tapılması məqsədilə yüksək dağlıq və çətin relyefli ərazidə hava şəraitinin əlverişsiz olmasına baxmayaraq dərhal zəruri axtarış tədbirlərinə başlanılıb.Axtarış-xilasetmə tədbirlərinə Azərbaycan Ordusunun müvafiq bölmələrinin, Fövqəladə Hallar Nazirliyinin və Azərbaycan Avtomobil Yolları Dövlət Agentliyinin podratçı şirkətinin qüvvə, vasitə və xüsusi texnikaları cəlb edilib.Axtarışın nəticələri barədə ictimaiyyətə əlavə məlumat veriləcək....
19 Mart 2025, 17:08
4,8 milyon funt sterlinq dəyərində qızıl tualet oğurlanıb
İngiltərədəki Blenheim sarayında nümayiş etdirilən 4,8 milyon funt-sterlinq dəyərində qızıl tualetin oğurlanması hadisəsində dəstə üzvləri günahkar bilinib.Citypost.az xəbər verir ki, məlum olub ki, Oksforddakı tarixi binada keçirilən rəsm sərgisindən göz qamaşdıran açılış tədbirindən saatlar sonra oğurlanan tualet planlı oğurluq olub.Oğrular qapıları sındıraraq binaya daxil olub və sənət əsərlərini oğurlayıblar.İşin nəticəsi olaraq, Maykl Cons soyğunçuluğu planlaşdırmaqda, Fred Doe isə oğurlanmış qızılları satmağa cəhd etməkdə təqsirli bilinib.Bora Quckuk da eyni ittihamla bəraət alıb.BBC-nin araşdırmasına görə, oğurluğun lideri kimi tanınan Ceyms Şin 2005-ci ildən bəri ən azı altı dəfə həbs cəzasına məhkum edilib və müxtəlif fırıldaqçılıq və oğurluq şəbəkələrini idarə edərək 5 milyon funt...
19 Mart 2025, 13:31
Bakıda 6 uşaq tonqala düşüb
Respublika Təcili və Təxirəsalınmaz Tibbi Yardım Mərkəzinə dünən 19:30 radələrindən etibarən Xətai, Binəqədi, Suraxanı, Sabunçu və Qaradağ rayonlarının ərazisindən tonqalda xəsarət alma ilə bağlı 6 müraciət daxil olub.Bu barədə TƏBİB-dən Citypost.az-ın sorğusuna cavab olaraq bildirilib.Qeyd edilib ki, çağırış ünvanlarına dərhal təcili tibbi yardım briqadaları cəlb olunub:"Xəsarət alan 8 yaşlı (qadın cinsli) azyaşlı hər iki qolun və qarın nahiyəsinin termiki yanığı diaqnozu ilə Nərimanov Tibb Mərkəzinin nəzdindəki Yanıq Mərkəzinə hospitalizasiya olunub. Digər xəsarət alan 5, 6 və 11 yaşlı (kişi cinsli) azyaşlılara isə bədənin müxtəlif nahiyələrinin yüngül termiki yanığı diaqnozu ilə yerində tibbi xidmət göstərilib. 2 azyaşlının isə tibbi xidmətdən imtinası qeydə...
19 Mart 2025, 11:00
