Həmin müəllim işdən çıxarıldı
Cəmiyyət 18 Sentyabr 2024, 11:45
48986
İmişlidə şagirdləri yerdən əyləşdirərək onları təhsildən yayındıran müəllimin əmək müqaviləsinə xitam verilib.
Citypost.az xəbər verir ki, bu barədə Mil - Muğan Regional Təhsil İdarəsi məlumat yayıb.
Qeyd olunub ki, sosial şəbəkələrdə İmişli rayonu Aranlı kənd Y.Sadatxanov adına 1 nömrəli tam orta məktəbin ibtidai sinif müəlliminin məktəbin giriş qapısının qarşısında şagirdləri yerdən əyləşdirərək onları təhsildən yayındırması ilə əlaqədar yayılan videolarla bağlı araşdırma aparılıb.
Həmçinin oxuyun
Məlumata görə, ibtidai sinif müəllimi Leyla Nəcəfquliyeva məktəb rəhbərliyinin sentyabrın 16-da məktəbdə tədrisin İmişli rayon Aranlı kənd N. Əsədov adına 2 nömrəli tam orta məktəbdə təşkil olunacağı ilə bağlı verdiyi tapşırıqlara məhəl qoymadan həmin gün saat 08:00 radələrində sinif rəhbəri olduğu III-b sinif şagirdlərinin bir qismini təhsildən yayındırıb.
"Müəllim qeyd olunanlarla kifayətlənməmiş, bu prosesi özünün TikTok sosial şəbəkə hesabından canlı videogörüntü paylaşaraq şəxsi mənafeyi naminə şagirdlərdən alət kimi istifadə edib. Bununla da təhsilalanların sağlam və təhlükəsiz şəraitdə təhsil almaq hüquqlarını, həmçinin “Təhsilverənlərin etik davranış Qaydaları”nı kobud şəkildə pozub. Bununla əlaqədar məktəb rəhbərliyi tərəfindən məktəbin ilk həmkarlar təşkilatının rəyi nəzərə alınaraq, Leyla Nəcəfquliyeva ilə bağlanmış əmək müqaviləsinə əmək qanunvericiliyinin müvafiq tələblərinə uyğun olaraq sentyabrın 17-də xitam verilib, - İdarənin məlumatında bildirilib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
“Birliyin Gücü – 2026” təlimində şərti terrorçuların əsas hərbi hədəfləri tam məhv edilib
Azərbaycan Respublikasında keçirilən “Birliyin Gücü – 2026” birgə hərbi təlimində məşqlər uğurla davam edir.Müdafiə Nazirliyindən Citypost.az-a verilən xəbərə görə, müvafiq plana uyğun olaraq, iştirakçı ölkələrin hərbi qulluqçuları müxtəlif təlim-döyüş ssenariləri üzrə praktiki tapşırıqları icra edirlər.Təlimə cəlb edilən artilleriya bölmələri tərəfindən icra olunan dəqiq atəş zərbələri ilə terrorçuların dayaq məntəqələri, sığınacaqları və əsas hərbi hədəfləri tam məhv edilmişdir.“Birliyin Gücü – 2026” birgə hərbi təliminin hazırlıq mərhələsində ordumuzun hərbi qulluqçuları Türkiyə və Özbəkistandan olan şəxsi heyətlə birlikdə qarşıya qoyulan tapşırıqların icrası zamanı peşəkarlıq və yüksək döyüş hazırlığı nümayiş etdirirlər.Video...
24 Sentyabr 2026, 15:59
Nobel mükafatını alanda nə demişdi?
Böyük fransız filosofu Anri Berqson 1927-ci ildə Ədəbiyyat üzrə Nobel mükafatına layiq görülüb. Onun Nobel nitqi günümüzün mövzusudur:“XIX əsr texniki kəşflər sahəsində misli görünməmiş tərəqqi ilə xarakterizə olunduğuna görə bir qayda olaraq belə hesab olunurdu ki, bu kəşflər maddi nemətlərin sadə artımı ilə yanaşı həmçinin bəşəriyyətin mənəvi səviyyəsinin də yüksəlməsi ilə nəticələnməlidir. Əldə olunmuş təcrübə isə əksinə, sübuta yetirirdi ki, texnologiyanın inkişafı cəmiyyətdə yaşayan insanların mənəviyyatının avtomatik yüksəlişi demək deyildir və əgər mənəvi sahədə uyğun nailiyyətlər əldə olunmursa, bəşəriyyətin malik olduğu maddi nemətlər hətta təhlükə təşkil edə bilər. Bizim yaratdığımız maşınlar təbii orqanlarımıza öz funksiyalarını genişləndirməyə imkan verən və beləliklə,...
24 Sentyabr 2026, 15:53
Pezeşkian BMT-dən hansı mesajı verib? -Qulu Məhərrəmlinin ŞƏRHİ
Dünən İran Prezidenti Məsud Pezeşkianın BMT Baş Assambleyasındakı çıxışı çox təsirli idi. O, ABŞ prezidenti D.Trampın hədə dolu çıxışına cavab olaraq bütün dünyaya "İran baş əyməyəcək” mesajını verdi. Bu sözləri açıqlamasında professor Qulu Məhərrəmli bildirib."Onu da bəyan etdi ki, İran nüvə silahına qarşıdır, lakin dinc məqsədli nüvə texnologiyasından və nüvə enerjisinə sahib olmaq hüququndan imtina etməyəcək!M.Pezeşkian BMT-dəki çıxışında həmçinin İranın ali dini rəhbərinin ABŞ və İsrail tərəfindən qətlə yetirilməsini, İsrailin "istədiyi ölkəyə tam cəzasızlıq şəraitində hücum etməsini" pisləyib, onları "terrorçu rejim" adlandırıb",-deyə professor qeyd edib. "İran özünün uzun tarixi ərzində aydın bir dərs öyrənib: güclü olmadan mövcudluq və təhlükəsizlik təmin olunmur"...
24 Sentyabr 2026, 15:35
Baş nazir: “Xarici borcumuz 4,5 milyard dollar təşkil edir”
Hazırda ölkəmizin strateji valyuta ehtiyatları təxminən 91 mlrd. $ təşkil edir.Citypost.az xəbər verir ki, bunu Baş nazir Əli Əsədov Nazirlər Kabinetində “2027-ci il dövlət və icmal büdcə layihələri və növbəti üç il üçün icmal büdcənin göstəriciləri, sosial-iqtisadi inkişaf proqnozları”nın müzakirəsində deyib.Baş nazir bildirib ki, bu göstərici xarici dövlət borcunu 20 dəfəyə yaxın üstələyir: “Birbaşa xarici dövlət borcumuzun səviyyəsi 1 sentyabr tarixinə 4,5 mlrd. $ olmaqla proqnoz ÜDM-in 5,6%-ni təşkil edir. 2026-cı ilin 8 ayında xarici ticarət balansının müsbət saldosu 10 mlrd. $-dan çox olub.2026-cı ilin 8 ayında illik inflyasiya 5,7% olmuşdur. Beynəlxalq təşkilatların ərzaq və əmtəə qiymətləri ilə bağlı proqnozları,...
24 Sentyabr 2026, 15:26
Bakıda Formula 2 yarışında ikinci sıralama turuna yekun vurulub
Formula 2 üzrə Azərbaycan Qran-prisində ikinci sıralama turuna yekun vurulub.Citypost.az xəbər verir ki, yarış saat 15:00-da başlayıb.Ən yaxşı nəticəni "Rodin Motorsport" komandası göstərib. Martinius Stenşorne yarışı lider tamamlayıb.İlk sıralama turunda ən yaxşı nəticəni "Rodin Motorsport" komandası göstərib. Aleks Dann yarışı lider bitirib.Qeyd edək ki, Azərbaycan Qran-prisi sentyabrın 26-da başa çatacaq.
24 Sentyabr 2026, 15:23
Arif Hacılının oğlu və gəlini ABŞ-də həbs edildi
Müsavat Partiyası Məclisinin sədri Arif Hacılının oğlu Orxan Hacılı və gəlini Yaqut Hacılı ABŞ-da həbs edilib.Citypost.az musavat.com-a istinadla xəbər verir ki, Arif Hacılı oğlunun və gəlininin Müsavat Partiyasına xas ənənəvi saxta sənəd taktikasından istifadə etməklə ABŞ-da məskunlaşmasına kömək göstərib.Orxan və Yaqut Hacılı bütün cəhdlərə baxmayaraq, ABŞ-da oturum icazəsi ala bilməyiblər. Onlar ölkədən çıxmaq öhdəliyi götürsələr də, bu tələbə əməl etməyib və ABŞ ərazisində qeyri-qanuni qalmağa davam ediblər.Redaksiyamızın əldə etdiyi məlumata görə, Hacılılar ABŞ-ın aidiyyəti qurumlarına saxta sənədlər təqdim edib, siyasi fəaliyyətləri barədə təhrif olunmuş məlumatlardan ibarət dosye hazırlamaqla oturum hüququ qazanmağa çalışıblar. ABŞ miqrasiya orqanlarının araşdırması zamanı təqdim edilən sənədlərlə...
24 Sentyabr 2026, 15:18
