Fərid Pərdəşünas: “Super intellekt riskləri o qədər böyükdür ki...”

Technote Media şirkətinin rəhbəri, tanınmış texno-bloqer Fərid Pərdəşünas super intellektin inkişafı ilə bağlı təhlükəsizlik risklərinə diqqət çəkib.

Citypost.az xəbər verir ki, F.Pərdəşünas bildirib ki, super intellekt sahəsində fəaliyyət göstərən şirkətlərin təhlükəsizlik komandalarında çalışan bəzi mütəxəssislər bu risklər səbəbindən işlərindən ayrılıblar. O, OpenAI-dan David Robinson, daha əvvəl Anthropic-dən Jacob Coxon və Google DeepMind-dan Josh Engelsin adlarını çəkib.

Onun sözlərinə görə, həmin mütəxəssislərin fərdi fikirləri qiymətləndirildikdə, müəyyən mənzərə ortaya çıxır. Belə ki, kəskin rəqabət və super intellekt hazırlayan şirkətlərin öz imkanlarına həddindən artıq güvənməsi təhlükəsizlik məsələlərinin arxa plana keçməsinə səbəb ola bilər.

“Super intellekt təhlükəsizliyi üzrə mütəxəssislər əllərində olan məlumatlara əsasən bildirirlər ki, super intellektin inkişafı bu qədər rahat getməməlidir. Super intellektlər atom stansiyaları, nüvə silahları, hava limanlarında olan təhlükəsizlik keçidləri kimi sərt qorunmalıdır”, – deyə F.Pərdəşünas qeyd edib.

Texno-bloqer risklərin olduqca böyük olduğunu vurğulayıb. Onun fikrincə, əsas təhlükələrdən biri gələcəkdə super intellektin internetə hücum edə bilməsi ehtimalıdır.

“Bu, zarafat məsələsi deyil. Rəqəmsal mühitə olacaq hücum iqtisadiyyatları, təhlükəsizlik sistemlərini iflic hala gətirə bilər”, – deyə o bildirib.

F.Pərdəşünas daha əvvəl super intellektin bir sıra ixtisasları əvəz edə biləcəyi ilə bağlı fikirlərinin tənqid olunduğunu da xatırladıb. O, süni intellekt sahəsinin daxilində olan mütəxəssislərin daha ciddi və ağır ssenarilərdən danışdığını bildirib.

Həmçinin oxuyun

Azərbaycanda Türkiyə ilə bağlı nə DÜŞÜNÜRLƏR? -SİYASİ ŞƏRH  

Kamran Əliyev Misir Mərdanovun kürəkənini prokuror təyin etdi

"Falcom" MMC-də fəhləninin ölümünün açılmasına KİM MANE OLUR? -ŞOK VİDEO

SEVGİ VƏ HƏYATIN MÜQƏDDƏSLİYİ  

“Mən burada deyəndə ki, super intellekt bu ixtisasları əvəzləyəcək, məni topa tuturlar. İşin mətbəxinin adamları isə daha faciəvi gözləntilərdən danışırlar”, – deyə texno-bloqer vurğulayıb.

O, fikirlərini səsləndirdiyinə görə “təşviş yaratmaqda” ittiham edilməsinə də münasibət bildirib və süni intellekt vasitəsilə ona qarşı arqumentlər hazırlanmasını ironik şəkildə qiymətləndirib.

“Söz deməli deyil. Nə imiş, təşviş yaradırsan. Heç olmasa rəy yazanda mənə cavab kimi hazırladığınız o rəylərdən böyük tireləri silin. Süni intellektlə əks arqument hazırlayırsınızsa, bunun özü elə sizə cavabdır”, – deyə F.Pərdəşünas əlavə edib.

Turan