Əlövsət Ağalarovdan Etibar Əliyevə sərt cavab: “Bir az yekəxana olma”

“Azərbaycan nəşriyyatı”nın baş redaktoru, Əməkdar jurnalist, tanınmış naşir Əlövsət Ağalarov sabiq deputat Etibar Əliyevin dünyaşöhrətli alim Rafiq Əliyev haqqında səsləndirdiyi fikirlərə münasibət bildirib.

Citypost.az xəbər verir ki, Əlövsət Ağalarov bu barədə sosial şəbəkə hesabında paylaşım edib.

Naşir sabiq deputatın mövqeyini tənqid edərək onun vaxtilə Rafiq Əliyevlə münasibətlərini xatırladıb, eyni zamanda, Milli Məclisdəki çıxışlarını və elmi fəaliyyətini də müzakirəyə çıxarıb. Əlövsət Ağalarov paylaşımında Etibar Əliyevin əvvəllər Rafiq Əliyevlə münasibətlərinin fərqli olduğunu iddia edib və sabiq deputatın alim haqqında danışarkən daha diqqətli davranmalı olduğunu vurğulayıb.

O, həmçinin Etibar Əliyevlə bağlı əvvəlki bir hadisəni xatırladaraq yazıb ki, dostları Bahəddin Həzinin kitab təqdimatında tədbirin aparıcısı S. Səxavət sabiq deputata qarşı təhqiramiz ifadələr işlədib. Ağalarovun sözlərinə görə, həmin vaxt Etibar Əliyev buna cavab verməyib, tədbirdə iştirak edən Nazir Əhmədli isə hadisəyə etirazını bildirib.

Həmçinin oxuyun

Azərbaycanda Türkiyə ilə bağlı nə DÜŞÜNÜRLƏR? -SİYASİ ŞƏRH  

Kamran Əliyev Misir Mərdanovun kürəkənini prokuror təyin etdi

"Falcom" MMC-də fəhləninin ölümünün açılmasına KİM MANE OLUR? -ŞOK VİDEO

SEVGİ VƏ HƏYATIN MÜQƏDDƏSLİYİ  

Əlövsət Ağalarov Rafiq Əliyevin Azərbaycan elmini beynəlxalq səviyyədə təmsil edən alimlərdən biri olduğunu qeyd edərək, onun xidmətlərinin yüksək qiymətləndirilməsinin vacibliyini vurğulayıb.

Naşirin paylaşımında deyilir: “Bu uğursuz deputat bir zamanlar Rafiq müəllimin süfrəsində oturub bəy tərifi deyən Etibar Əliyev indi Rafiq müəllimə ağıl öyrədir. Dağıl, a dünya! Milli Məclisdə bir çıxışına baxdım, əttövbə nə dediyini başa düşmədim, dərhal tutdum, qaqam 350-400 sürətlə gəlib iclasa. Gəlsin, öz işidir, amma heç olmasa, həmin gün danışmamalıydı! Xalq deputatına baxıb nümunə götürməlidir. İndi yekə-yekə Nobelçilər haqqında kitab yazmışam, neyləmişəm… adama deyərlər, qaqa, özünün bircə fundamental əsərini ortaya qoy, deyək bərəkallah! Etibar, bilirsən ki, əvvəllər—hələ narsisizm xəstəliyinə tutulmayan vaxtlarda səninlə normal münasibətim olub və çox yerdə səni müdafiə etmişəm. Hətta dostumuz Bahəddin Həzinin kitab təqdimatında tədbirin aparıcısı S. Səxavət səni hamının gözü qarşısında təhqir etdi, mıqq edə bilmədin. Qabaq sırada oturub danışırdın, S. Səxavət qayıtdı ki: “ayə, ayə, ay (yazmaq da ayıbdı, vallah) yeraz, səsini kəs, nolsun ki, bir dəfə hardansa deputat olmusan, inşallah, birdə olmazsan! Səsini kəs!” Cınqırın da çıxmadı, indi dünyaşöhrətli alimimiz haqqında ağzına gələni danışırsan! Yalnız, yanımda oturan Nazir Əhmədli əsəbləşib “Ayə, sözünü de, yekə-yekə danışma! Bu nə sözdür, ayıb olsun sənə”! Mən də əsəbi halda durub zalı tərk etdim, amma çıxanda sənə baxdım, vecinə də deyildi, qımışırdın… Bir az yekəxana olma, danışığına fikir ver. Müasir Azərbaycanı dünya elmi cameəsində beş-altı nəfər şərəflə təmsil edə bilər ki, onlardan biri də Rafiq Əliyevdir! Yusif Məmmədəliyev, Xudu Məmmədov, Hətəm Quliyev, Azad Mirzəcanzadə və digərləri. Sənin hansı əsərin Biləcəridən o yana keçib, ay etibarsız Etibar və uğursuz deputat?!”

Turan