Bakıda qaravolçu özünü həkim kimi təqdim edib qadının dişlərini çəkdi— FOTO +VİDEO
Cəmiyyət 21 Noyabr 2024, 12:17
43978
Bakıda yerləşən diş kliniksında kuryoz hadisə baş verib.
CityPost.az xəbər verir ki, “Dent House Baku” diş klinikasında özünü həkim kimi təqdim edən şəxs xəstənin dişlərini çəkib.
Elnarə Məhərrəmovanın iddiasına görə,sentyabr ayında instagramdan özünü həkim kimi təqdim edən Fərid Əşrəfli ilə əlaqə saxlayıb. Fərid Əşrəfli özünü peşəkar həkim kimi təqdim edərək xanımı “Dent House Baku ” klinikasına dəvət edib.
Fotoda özünü həkim kimi təqdim edən şəxs
“ Özünü həkim kimi təqdim edən Fəridin instagram hesabına baxanda orada məşhurlardan rəqqasə Fatimə Fətəliyevanın, müğənnilər Günay İbrahimli, Nura Surinin,Aygün Səfərovanın şəkillərini gördüm. Elə başa düşdüm ki, bu peşəkar həkimdir,məşhurlar da onun yanına gedir. Həmin görüntülərə aldanıb onun yanına getdim. "Xalqlarda" yerləşən “Dent House Baku ” klinikasında məni qəbul etdi. Özünü həkim kimi təqdim edən şəxs məni klinikanın baş həkimi Anar Əmiraslanovun otağında müayinə etdi. Mənə dedilər ki, sizin 5 dişinizin dibində kist var. Həmin dişlər çəkilməlidir və implant qoyulmalıdır. Mən də onların sözünə inanıb razılıq verdim. Daha sonra başıma oyun gəldi. Mənim 11 sağlam dişimi çəkdilər. Özünü həkim kimi təqdim edən Fəridin bütün bu əməlləri baş həkim Anar Əmiraslanovun kabinetində baş verib. Daha sonra mənim üz və çənə nayihəmdə ağrılar başladı. Araşdırdım,məlum oldu ki,özünü diş həkimi kimi təqdim edən Fərid Əşrəfli NZS-də gözətçi işləyirmiş”,- deyə şikayətçi bildirib.
Elnarə Məhərrəmovanın müsahibəsini aztimes.az saytının Youtube kanalı yayıb.
CityPost.az məsələdə adı hallanan “Dent House Baku ” klinikasının həkimi Anar Əmiraslanovla əlaqə saxlayıb.
Fotoda Anar Əmiraslanov
Həkim Elnarə Məhərrəmovanın fikirlərinin şər-böhtan olduğunu bildirib.
“Bizim klinikada Fərid Əşrəfli adlı həkim işləməyib. Həmin şəxs iş üçün bizə müraciət etmişdi. Biz ondan diplomunu tələb etdik. Bildirdi ki, Ukraynada oxuyub və diplomunun təsdiqini gözləyir. Daha sonra bir neçə dəfə bizim mərkəzə gəldi. Həmin qadın bizim mərkəzə gəlib, Fərid adlı həkimi soruşanda əməkdaşlarımız ona bizim klinikada belə həkim çalışmadığını bildiriblər. Bu məsələdə mənim adımın hallandırılması heç nəyə əsaslanmır”,-deyə Anar Əmiraslanov bildirib.
Araşdırmamız zamanı o da məlum olub ki, özünü Fərid Əşrəfli kimi təqdim edən həmin şəxsin ad,soyadı tamamilə fərqlidir. Onun əsl adı Fərahim Quliyevdir.
CityPost.az yazıda adı hallanan Fərid Əşrəflinin (Fərahim Quliyevin) də mövqeyini təqdim etməyə hazırdır.
Hazırladı: Miri Məcidli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
GÖZÜMÜ TÖKÜR
İlahi bu qızın dərdi nədir ki,Əridib içindən sözünü tökür.Elə ürəyimə yaxın gəlir ki,Vüsalı süzülüb gözümü tökür.Fikrimi,zikrimi alıb aparır,Olduğum dünyadan məni qoparır.Daha lal olmuşam, sözüm qutarır,Abrımı sızladır, üzümü tökür.Bir Mələk donunda gəlib könlümə,Çözür dərdlərimi, nəyin dərdi nə.Məni məftun edir kövrək könlünə,Arxamca ləprimi, izimi sökür.Sadədi,məsumdu,etibarlıdı,Mənə dost deyəndə könlüm darıldı.Şirin sözlərinə elə sarıldım,Olan qürurumu, əzimi sökür.Ömür parçalandı illər boyunca,Çatmadım arzuma gözüm doyunca.Elxan da qocalar ellər duyunca,Həsrəti canımı, dizimi sökür.Elxan Musaoğlu...
18 Oktyabr 2026, 19:42
Fərid Əkbərli: “QHT sektorunun inkişafı üçün real addımlar atılır”
Lənkəranda “QHT-lərin VII İnkişaf və Mübadilə Proqramı” çərçivəsində keçirilən təlimlər qeyri-hökumət təşkilatları sektoru üçün mühüm təcrübə mübadiləsi platformasına çevrilib. Proqramın təşkilatların peşəkar inkişafına, bilik və bacarıqlarının artırılmasına, eləcə də regionlarda fəaliyyət göstərən QHT-lərin imkanlarının genişləndirilməsinə töhfə verdiyi bildirilir.Bu barədə Citypost.az-a açıqlamasında “Naxçıvan Şəhid Ailələri” İctiami Birliyinin üzvü Fərid Ələkbərli bildirib ki, belə proqramlar QHT-lərin peşəkar inkişafında mühüm rol oynayır.Onun sözlərinə görə, QHT Agentliyinin icraçı direktoru Aygün Əliyeva və İdarə Heyətinin sədr müavini Elnur Bağırlının proqrama göstərdiyi diqqət bu təşəbbüsün məqsədinin sadəcə tədbir keçirməkdən ibarət olmadığını, QHT-lərin real ehtiyaclarına cavab verməyə yönəldiyini göstərir.“Rəhbərlik səviyyəsində belə yanaşma iştirakçılara da mühüm mesaj verir....
18 Oktyabr 2026, 19:18
Payız çiçəkləri hələ solmayıb
Yarpaqlar tökülüb xəzəl olmayıb. Bu dağlar heç belə gözəl olmayıb, Belə dalğın, belə gözəl, sevdalı. Belə dalğın, belə gözəl, sevdalı, Könlüm kimi dəli, başı havalı. Xatirələr qızılı cökə balı, Ürəyim titrəyir rüzgar əsincə. Ürəyim titrəyir rüzgar əsincə, Alsın dağ başını buludlar gecə. Bir yağış yağsın incədən incə, Bir uğur mələyi döysün qapımı. Bir uğur mələyi döysün qapımı, Şeirlərimin qaynasın qanı. Girov qoyum burda bu şirin canı, Uğur mələyiylə uçum göylərə... Payız çiçəkləri hələ solmayıb, Yarpaqlar tökülüb xəzəl olmayıb. Bu dağlar heç...
18 Oktyabr 2026, 18:44
Azərbaycanda polis rəisinin müavini faciəli şəkildə öldü
Şuşa Şəhər Polis Şöbəsinin rəis müavini, polis mayoru Fərəc Yusif oğlu Həsrətov ölüb.CityPost.az "Trend"ə istinadən xəbər verir ki, Fərəc Həsrətov bir müddət əvvəl xidməti vəzifəsini yerinə yetirərkən bədbəxt hadisə ilə üzləşib.Daşaltı kəndində oğurluq faktı ilə bağlı əraziyə baxış keçirərkən onu elektrik cərəyanı vurub. Nəticədə polis mayoru ağır xəsarətlər alıb.Xəstəxanaya çatdırılan polis mayorunun həyatını xilas etmək üçün tibbi müdaxilələr edilib. Aldığı xəsarətlər səbəbindən onun qolları amputasiya olunub.Uzun müddət müalicə alan Fərəc Həsrətov bu gün xəstəxanada dünyasını dəyişib....
18 Oktyabr 2026, 18:23
"Burada söhbət Azərbaycanda hicaba qadağadan deyil" - Rəsmi şəxsdən AÇIQLAMA
Məlum olduğu kimi, Nazirlər Kabineti “Dövlət ümumi təhsil müəssisəsində təhsilverənlər üçün geyim ilə bağlı Tələblər”in təsdiq edilməsi və “Dövlət ümumi təhsil müəssisəsi təhsilalanlarının geyim formalarının təsvirləri”ndə dəyişiklik edilməsi haqqında qərar qəbul etmişdir.Qərarlardan da göründüyü kimi, burada söhbət Azərbaycanda hicaba qadağadan deyil, məktəblərdə təhsilalanlar və təhsilverənlər üçün geyim normalarının müəyyənləşdirilməsindən gedir. Bunu Milli Məclisin deputatı Ceyhun Məmmədov bildirib."Ancaq təəssüflə qeyd etmək lazımdır ki, son günlər aparılan müzakirələrdə ciddi yanlışlıqlar var. Birincisi bu müzakirələrdə bütövlükdə İslam dinini hədəf almaq düzgün deyil. İslam dini bizim bayrağımızda öz əksini tapıb. Azərbaycanlı alimlər İslam mədəniyyətinə böyük töhfələr veriblər. Nizami, Füzuli və Nəsimi İslam dinindən İlham alaraq böyük...
18 Oktyabr 2026, 16:55
AZƏRBAYCAN - TANRI YAZAN ÜNVANIM
Əzəlimdən qüdrətimdir bu torpaq,Əzəmətim, qeyrətimdir bu torpaq,Əbədiyyət, qüvvətimdir bu torpaq,Azərbaycan - Tanrı yazan ünvanım! Türk soraqlı qüdsiyyətim - bu torpaq,Qanımdakı heysiyyətim - bu torpaq Qayəmdəki hüsniyyətim - bu torpaq Azərbaycan - Tanrı yazan ünvanım!Əsil-nəsil, nəcabətim - bu torpaq,Ulu yurdum, məmləkətim - bu torpaq,Həqiqətim, ülviyyətim - bu torpaq,Azərbaycan - Tanrı yazan ünvanım!Şəhidlərin əmanəti - bu torpaq,Ərənlərin dəyanəti - bu torpaq,Dühaların səltənəti - bu torpaq,Azərbaycan - Tanrı yazan ünvanım!Ay-ulduzlu bayrağımdır bu torpaq,Hürriyyətim, çırağımdır bu torpaq, Kimliyimdir, ocagımdır bu torpaq,Azərbaycan - Tanrı yazan ünvanım!Şeiriyyət-heyrətimdir bu torpaq,Səcdəgahım, beyətimdir bu torpaq,Məslək-məram, niyyətimdir - bu torpaq,Azərbaycan - Tanrı yazan ünvanım!Baş nəğməmin nəqəratı -...
18 Oktyabr 2026, 16:35
