Sabahdan Bakı metrosunda qatarların hərəkət qrafiki DƏYİŞİR
Cəmiyyət 29 Noyabr 2024, 18:00
25393
"Həzi Aslanov" stansiyasında qatarların dönmə kamerasının əsaslı təmiri və yenidən qurulması ilə əlaqədar Bakı metropoliteninin "yaşıl" və "qırmızı" xətlərində qatarların hərəkət qrafikinə sabahdan etibarən dəyişiklik ediləcək.
Citypost.az xəbər verir ki, təmir müddətində xətlərdə hərəkətin təşkili, eləcə də "Həzi Aslanov" stansiyasının sərnişindaşıma fəaliyyətinin tənzimlənməsi məqsədilə digər texniki məsələlərlə bağlı bir sıra tədbirlər həyata keçirilib. Qatarlar "qırmızı" xətt üzrə ("İçərişəhər" stansiyasından) və "yaşıl" xətt üzrə ("Dərnəgül" stansiyasından) "Əhmədli" stansiyasına qədər hərəkət edəcək.
İş günlərində qatarların hərəkəti ilə bağlı texniki cəhətdən mümkün ən sıx hərəkət qrafiki qüvvədə qalacaq. Gur saatlarda (07:00-10:00 və 17:30-19:30) "28 May" - "Əhmədli" sahəsində qatarların hərəkəti 2 dəqiqəlik intervalla tənzimlənəcək. Həmin sahədə qatarların hərəkət intervalı şənbə günləri səhər 7:00-dan 21:00-a qədər 2.5 dəqiqə, bazar günləri isə eyni vaxtda 3 dəqiqəyə bərabər olacaq.
"Bakmil" istiqamətində hərəkət edən qatarların hərəkət cədvəli də noyabr ayının 30-dan dəyişdiriləcək. Qatarların bu stansiyaya və əksinə hərəkət cədvəli noyabr ayının 29-da "Bakı Metropoliteni" QSC-nin rəsmi "metro.gov.az" internet saytının müvafiq bölməsində yerləşdiriləcək.
"Həzi Aslanov" stansiyası istiqamətində hərəkət edən sərnişinlərin maraqları nəzərə alınaraq, dönmə kamerasında əsaslı təmir işləri başa çatana qədər stansiyanın sərnişindaşıma fəaliyyəti dayandırılmayacaq. Lakin bu stansiyadan qatarların hərəkəti yalnız "Əhmədli" stansiyasına və geri olmaqla təşkil olunacaq. "Əhmədli" və "Həzi Aslanov" stansiyalarından qatarların hərəkət intervalı 10 dəqiqə olmaqla təşkil ediləcək.
Həmçinin oxuyun
"Əhmədli" - "Həzi Aslanov" stansiyalarından qatarların hərəkət cədvəli "Bakı Metropoliteni" QSC-nin rəsmi "metro.gov.az" internet saytının "Sərnişinlər" bölməsinin "Qatarların hərəkət cədvəli" yarımbölməsində yerləşdiriləcək.
Yaşıl xəttin "Xətai" - "Cəfər Cabbarlı" mənzili və "bənövşəyi" xətdə qatarların hərəkət qrafikinə dəyişiklik edilməyəcək.
Qeyd edək ki, iş, şənbə və bazar günləri olmaqla qatarların hərəkət cədvəli "Bakı Metropoliteni" QSC-nin rəsmi internet səhifəsinin müvafiq bölməsində (//metro.gov.az/az/page/muddealar/depo-qatarlarinin-hereket-cedveli) dərc edilir.
Nazirlər Kabinetinin qərarı ilə elan edilən qeyri-iş, habelə bayram günləri ilə bağlı sərnişinlərə əlavə məlumatlar təqdim ediləcək.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
“Bir-birimizə verdiyimiz dəyər fərqlidir” – Dünya çempionu
Azərbaycanlı dünya çempionu, idman mütəxəssisi Anar Süleymanov doğum günü münasibətilə onu təbrik edən hər kəsə təşəkkürünü bildirib.Citypost.az xəbər verir ki, idmançı sosial şəbəkə hesabında paylaşım edərək ünvanına göndərilən təbrik mesajlarından məmnunluğunu ifadə edib.Anar Süleymanov Azərbaycan cəmiyyətində insanların bir-birinə göstərdiyi diqqət və dəyərin xüsusi olduğunu vurğulayıb. O qeyd edib ki, dünyanın heç bir yerində insanların bir-birinə bu qədər çox təbrik mesajı göndərdiyini düşünmür.Dünya çempionu bunu Azərbaycan xalqının nə qədər sosial və mehriban olmasının, insanların bir-birinə verdiyi dəyərin bariz nümunəsi kimi qiymətləndirib.O, paylaşımında bütün təbrik edənlərə ürəkdən minnətdarlığını çatdırıb.Turan ...
02 Noyabr 2026, 09:06
Jurnalistlər niyə hücuma məruz qalır? – Zaur Əhməddən sual
Jurnalist Zaur Əhməd media nümayəndələrinin peşə fəaliyyətlərini həyata keçirərkən zorakılığa məruz qalması hallarına münasibət bildirib.Citypost.az xəbər verir ki, jurnalist sosial şəbəkə hesabında paylaşım edərək son dövrlər jurnalistlərə qarşı hücumların artmasından narahatlığını ifadə edib.Zaur Əhməd qeyd edib ki, daha bir jurnalistin hadisəni işıqlandırarkən döyülməsi artıq belə halların tendensiyaya çevrildiyi təəssüratını yaradır. O, baş verənlərin cəzasızlıq mühitindən qaynaqlandığını, yoxsa cəmiyyətə jurnalistlərə qarşı zorakılığın adi hal kimi təqdim edilməsinə çalışıldığını sual edib.Jurnalist vurğulayıb ki, media nümayəndələrinin əsas vəzifələrindən biri hadisə yerlərinə gedərək araşdırma aparmaq və ictimaiyyəti məlumatlandırmaqdır. Onun sözlərinə görə, jurnalistlərin təhlükəsizliyinə təminat verilmədiyi təqdirdə onların peşə fəaliyyətini sərbəst həyata keçirməsi ciddi sual...
02 Noyabr 2026, 09:04
Nuranə Gülər: “Döyülən jurnalistə dəyən yumruq elə bizim hamımıza dəydi”
Jurnalist Nuranə Gülər son günlər Azərbaycanda media nümayəndələrinin peşə fəaliyyətlərini həyata keçirərkən fiziki zorakılığa məruz qalmasına etiraz edib.Citypost.az xəbər verir ki, jurnalist sosial şəbəkə hesabında paylaşım edərək jurnalistlərə qarşı baş verən hücumların yolverilməz olduğunu və bu halların cəmiyyətdə ciddi narahatlıq doğurmalı olduğunu bildirib.Nuranə Gülər qeyd edib ki, jurnalistin əsas vəzifəsi informasiya toplamaq və baş verən hadisələri ictimaiyyətə çatdırmaqdır. Onun sözlərinə görə, çəkiliş zamanı jurnalistin müxtəlif üsullardan istifadə etməsi, hətta hasarın üzərinə çıxaraq və ya qapı arasından görüntü əldə etməyə çalışması onun peşə fəaliyyətinin bir hissəsidir. Bu, oğurluq deyil, mümkün qədər çox məlumat toplamaq cəhdidir.Jurnalist vurğulayıb ki, çəkilişə mane olmaq istəyən...
02 Noyabr 2026, 08:46
Əfsələddin Ağalarov: “Dövlət jurnalistin yanındadır, onu qoruyur”
"Azxeber.com" saytının baş direktoru Əfsələddin Ağalarov jurnalistlərin peşə fəaliyyətini həyata keçirərkən zorakılığa məruz qalması hallarına münasibət bildirib.Citypost.az xəbər verir ki, Əfsələddin Ağalarov sosial şəbəkə hesabında paylaşım edərək son bir həftə ərzində jurnalistlərə qarşı iki belə hadisənin baş verdiyini vurğulayıb. O qeyd edib ki, bu dəfə APA-nın müxbiri kameralar qarşısında döyülüb və peşə fəaliyyətini yerinə yetirərkən ağır xəsarət alıb. Baş direktor Azərbaycanın çoxsaylı şəhid jurnalistlərinin olduğu ölkələrdən biri olduğunu xatırladaraq, belə bir şəraitdə media nümayəndələrinə qarşı zorakılıq hallarının baş verməsini xüsusilə ağrılı hesab etdiyini bildirib.Əfsələddin Ağalarov onu da diqqətə çatdırıb ki, baş verən hadisələr fonunda bəzi media təmsilçilərinin döyülən jurnalistləri günahlandırmağa...
02 Noyabr 2026, 08:23
Aqil Camal “TOXTA” təklifinə münasibət bildirdi
“Türküstan” qəzetinin və turkustan.info saytının baş redaktoru Aqil Camal deputat Hikmət Babaoğlunun yol nişanlarında “STOP” sözünün “TOXTA” sözü ilə əvəzlənməsi təklifinə münasibət bildirib.Citypost.az xəbər verir ki, Aqil Camal mövzu ilə bağlı fikirlərini bölüşərək təklifin birmənalı qarşılanmadığını, müəyyən ironiya ilə qarşılandığını qeyd edib.Baş redaktor bildirib ki, onun fikrincə, yol nişanlarında “Dayan” sözündən istifadə edilməsi daha məqsədəuyğundur. Bununla yanaşı, o, Qazaxıstanda “Tokta” sözünün işlədildiyini xatırladaraq, Hikmət Babaoğlunun da bu təcrübədən yararlanmış ola biləcəyini ehtimal edib.Qeyd edək ki, deputat Hikmət Babaoğlu “Bizim.Media”ya açıqlamasında yol nişanları lövhələrindəki “Stop” sözünün əvəzinə “Dur” və ya “Toxta” sözlərindən istifadə edilməsini daha məqsədəuyğun hesab etdiyini bildirib.Turan...
02 Noyabr 2026, 08:16
Jurnalistdən APA əməkdaşına hücumla bağlı etiraz
Jurnalist Anar Niftəliyev APA TV-nin əməkdaşının çəkiliş zamanı hücuma məruz qalmasına münasibət bildirib.Citypost.az xəbər verir ki, jurnalist hadisə ilə bağlı sosial şəbəkə hesabında paylaşım edərək baş verənlərə sərt etirazını ifadə edib.Anar Niftəliyev qeyd edib ki, APA əməkdaşına qarşı zorakılığın əks olunduğu videonu izləyib və hadisə zamanı nümayiş etdirilən davranışı qəbuledilməz hesab edir.“APA əməkdaşına qarşı zorakılığın videosunu izlədim. Bu qədər özbaşınalıq, lotuluğu təsəvvür belə etmirəm. Bu, yalnız qapıda dayananın deyil, onu ora təyin edənin də məsuliyyətidir”, – deyə jurnalist bildirib.Qeyd edək ki, APA TV-nin əməkdaşı Bakının Nizami rayonu, Davud Aslan küçəsində yerləşən, hazırda fəaliyyət göstərməyən ət kombinatının ərazisində plastik və taxta...
02 Noyabr 2026, 08:05
