Veysəloğlu Şirkətlər Qrupu Naxçıvanda silsilə market açılışlarını davam etdirir
Cəmiyyət 03 Dekabr 2024, 14:46
36891
Ölkənin pərakəndə sektorunda geniş şəkildə təmsil olunan Veysəloğlu Şirkətlər Qrupu Naxçıvan Muxtar Respublikasında da silsilə market açılışlarını davam etdirir. Yaradılmasının 30 illiyini qeyd edən Veysəloğlu Şirkətlər Qrupu (VŞQ) artıq Naxçıvan ərazisində “Araz” supermarketlər şəbəkəsinin 3, “OBA” marketlər şəbəkəsinin 8 filialını açıb.
VŞQ mağaza açılışları ilə artıq Muxtar Respublikada 150 nəfərin işlə təmin olunmasına öz töhfəsini verib. Şirkətlər Qrupu Naxçıvandakı fəaliyyəti ilə yerli istehsalı stimullaşdırmağı, yeni iş yerləri açmağı və yerli fermerlərin istehsal etdikləri məhsulların geniş satışını təşkil etməyi hədəfləyir.
Şirkətlər Qrupuna daxil olan “Araz” supermarketlər şəbəkəsinin Naxçıvan şəhərində yeni mağazası Nəsrəddin Tusi küçəsi 11 ünvanında yerləşir. Beləliklə də “Siz harada, Araz orada” şüarı ilə fəaliyyət göstərən “Araz”ın Muxtar Respublika ərazisindəki mağazalarının sayı 3-ə çatdı.
“Araz” supermarketlər şəbəkəsinin Naxçıvandakı yeni filialının açılış mərasimində Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli, Veysəloğlu Şirkətlər Qrupunun təsisçisi və baş icraçı direktoru Aydın Talıbov, eləcə də bir sıra dövlət rəsmiləri və ictimaiyyət nümayəndələri iştirak edib. Fuad Nəcəfli Naxçıvanda fəaliyyətə başlayan “Araz” mağazası ilə tanış olub və açılış mərasimində çıxış edərək təbriklərini çatdırıb.
Tədbirdə çıxış edən Veysəloğlu Şirkətlər Qrupunun təsisçisi və baş icraçı direktoru Aydın Talıbov bildirib ki, Şirkətlər Qrupu Naxçıvanda “Araz” və “OBA”nın ümumilikdə 13 mağazasını istifadəyə verib və bununla da Naxçıvanda 150 yeni iş yeri yaradılıb. Aydın Talıbov qeyd edib ki, yeni istifadəyə verilən marketlərin hər birində müasir alış-veriş standartları və yüksək keyfiyyətli xidmət şəraiti yaradılıb: “Veysəloğlu Şirkətlər Qrupu Naxçıvandakı fəaliyyəti ilə yerli istehsalı stimullaşdırmağı, yeni iş yerləri açmağı və yerli fermerlərin istehsal etdikləri məhsulların geniş satışını təşkil etməyi planlaşdırır. Mağazalarımızın sayını artırmaqla biz Muxtar Respublikada yeni iş yerlərinin açılmasına, burada iqtisadiyyatın digər sahələrinin inkişafına töhfələrimizi davam etdirəcəyik”. Yeni “Araz” supertorun açılış lentini Aydın Talıbov və atası Veysəl Talıbov kəsib.
Şirkətlər Qrupuna daxil olan “OBA” marketlər şəbəkəsi isə Naxçıvanın Kəngərli rayonunda fəaliyyətə başlayan yeni mağazasının açılışında şirkətin təsisçisi və baş icraçı direktoru Aydın Talıbovla yanaşı, Kəngərli Rayon İcra Hakimiyyətinin rəhbər heyəti və kənd nümayəndələri iştirak edib. Bununla da “OBA”nın 1500-cü mağazası Naxçıvanda fəaliyyətə başladı. Artıq Naxçıvanın Kəngərli, Babək, Ordubad, Sədərək və Şərur regionlarında “Yaxın və qənaətli qonşunuz” şüarı ilə fəaliyyətə başlayan “OBA” keyfiyyətli məhsulları və sərfəli qiymətlərlə müştərilərinin xidmətindədir.
Həmçinin oxuyun
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Dövlət sərhədini pozmağa cəhd göstərən əcnəbilər saxlanılıb
Dövlət sərhədini pozmağa cəhd göstərən xarici ölkə vətəndaşları saxlanılıb.Dövlət Sərhəd Xidmətinin Mətbuat Mərkəzindən Citypost-ya verilən xəbərə görə, DSX Sərhəd Qoşunlarının "Zaqatala" sərhəd dəstəsinin xidməti ərazisində oktyabr ayının 6-da həyata keçirilmiş əməliyyat-qoşun tədbirləri nəticəsində 1 (bir) nəfər Mərakeş Krallığı vətəndaşı, oktyabrın 7-də isə “Şəmkir” sərhəd dəstəsinin xidməti ərazisində 2 (iki) nəfər Əfqanıstan İslam Əmirliyi vətəndaşı Azərbaycan Respublikasından Gürcüstan istiqamətinə dövlət sərhədini pozmağa cəhd göstərərkən saxlanılıb.Faktlar üzrə əməliyyаt-istintaq tədbirləri dаvаm еtdirilir....
08 Oktyabr 2026, 17:51
“AzerGold” sədri “Yüksəliş” qalibinə tövsiyələr verdi
“AzerGold” QSC-nin İdarə Heyətinin sədri Zakir İbrahimov 5-ci “Yüksəliş” müsabiqəsinin Mentorluq proqramı çərçivəsində müsabiqənin qalibi Toğrul Xəlilov ilə növbəti görüşünü keçirib.“AzerGold”dan Citypost.az-a verilən məlumata görə, fərdi inkişaf prioritetlərinin müəyyənləşdirilməsinə həsr olunan görüşdə əsas müzakirə mövzusu menti tərəfindən hazırlanmış Fərdi İnkişaf Planının təqdimatı və əsaslandırılması olub. Toğrul Xəlilov peşəkar və idarəetmə bacarıqlarının inkişafına yönəlmiş planını təqdim edib, qarşıya qoyduğu hədəfləri və bu hədəflərə nail olmaq üçün nəzərdə tutulan əsas addımları izah edib.İdarə Heyətinin sədri təqdim olunan planı dinləyərək idarəetmə, liderlik və fəaliyyətin səmərəli planlaşdırılması ilə bağlı öz təcrübə və tövsiyələrini bölüşüb. O, inkişaf prioritetlərinin düzgün müəyyənləşdirilməsinin, qarşıya qoyulan hədəflərin sistemli şəkildə...
08 Oktyabr 2026, 17:35
Faiq Quliyev Gürcüstanın İnvestisiya Agentliyinin rəhbəri ilə görüşdü
Azərbaycanın Gürcüstandakı fövqəladə və səlahiyyətli səfiri Faiq Quliyev Gürcüstanın İnvestisiya Agentliyinin baş direktoru Mixeil Xidureli ilə görüşüb."Report"un Gürcüstan bürosu xəbər verir ki, oktyabrın 8-də keçirilən görüşdə Azərbaycan və Gürcüstan arasında iqtisadi və investisiya əməkdaşlığının mövcud vəziyyəti və inkişaf perspektivləri müzakirə olunub.Azərbaycanın uzun illər ərzində Gürcüstan iqtisadiyyatına ən iri sərmayə yatıran ölkələrdən biri olduğu vurğulanıb. Tərəflər Gürcüstanın investisiya mühiti, mövcud imkanlar və qarşılıqlı investisiyaların artırılması perspektivləri barədə fikir mübadiləsi aparıblar.Görüşdə ikitərəfli iqtisadi əməkdaşlığın daha da genişləndirilməsi, yeni investisiya layihələrinin təşviqi və həyata keçirilməsi, həmçinin biznes dairələri arasında əlaqələrin gücləndirilməsi istiqamətində mövcud imkanlar nəzərdən keçirilib.Tərəflər qarşılıqlı maraq doğuran digər məsələlər ətrafında da...
08 Oktyabr 2026, 17:28
Son 7 ildə 923 uşaq övladlığa götürülüb
Azərbaycanda 2019-cu il noyabrın 1-dən bu günədək 923 uşaq övladlığa verilib.Bu barədə Citypost.az Sosial Xidmətlər Agentliyindən məlumat verilib.Bildirilib ki, ötən dövr ərzində övladlığa götürülmə ilə bağlı 2018 müraciət qeydə alınıb.Övladlığa verilən uşaqların 464-ü oğlan, 459-u isə qızdır.
08 Oktyabr 2026, 17:20
Şübhəli maliyyə əməliyyatlarının sayı kəskin artdı
2025-ci ildə Maliyyə Monitorinqi Xidmətinə (MMX) 1 197 şübhəli hesab olunan maliyyə əməliyyatı ilə bağlı hesabat təqdim edilib.Citypost.az bu barədə MMX-ya istinadən xəbər verir.Məlumata görə, bu, 2024-cü illə müqayisədə 53,7 % çoxdur.Ötən il banklar 999 (51,8 % çox), bank olmayan kredit təşkilatı 8, notariuslar 65, investisiya şirkətləri 10, poçt rabitəsinin milli operatoru 2, elektron pul təşkilatları 106, həyatın yığım sığortası fəaliyyəti ilə məşğul olan siğorta təşkilatları 1, ödəniş təşkilatları 5, ödəniş sistem operatorları isə 1 əməliyatla bağlı MMX-nı məlumatlandırıb.Xatırladaq ki, MMX ölkə Prezidentinin 25 may 2018-ci il tarixli fərmanı ilə yaradılıb, dövlət başçısının 18 iyul 2018-ci il tarixli fərmanı ilə...
08 Oktyabr 2026, 17:13
Məleykə Əsədovanın ailəsinə ağır itki – 29 yaşlı bacısı qızı vəfat etdi
Xalq artisti Məleykə Əsədovanın ailəsinə ağır itki üz verib.Citypost.az “Qafqazinfo”ya istinadən xəbər verir ki, sənətçinin bacısı qızı Mina ötən gün İranda uzunsürən xəstəlikdən vəfat edib.Üç qız anası olan 29 yaşlı Mina yenicə oğul övladını dünyaya gətiribmiş.Qeyd edək ki, Məleykə Əsədovanın bacısı İran vətəndaşı ilə ailə qurub. O, 2008-ci ildə iki qızı ilə birlikdə dəm qazından boğulub. Həmin vaxt Mina sağ qalsa da, 13 yaşlı bacısı həyatını itirib....
08 Oktyabr 2026, 16:48
