Mask hökumət işini tərk etmək istəyir-ÇÜNKİ...

ABŞ Hökumətinin Effektivliyi Departamentinin (DOGE) rəhbəri, sahibkar Elon Mask solun hücumlarından bezdiyi üçün ABŞ hökumətindəki işini tərk etmək istəyir.

CityPost.az bildirir ki, bu barədə "Washington Post" anonim mənbəyə istinadən xəbər verir.

Nəşrdə qeyd edildiyi kimi, Maskın xüsusi dövlət işçisi statusu bu ilin may ayında başa çatır və bu müddətin uzadılıb-uzadılmayacağı hələ dəqiq bilinmir.

Qəzet qeyd edib: "Mask getmək istəyir, çünki soldan gələn murdar və qeyri-etik hücumlar axını kimi gördüyü şeylərdən bezmişdir”.

Qəzet yazır ki, eyni zamanda, Mask hazırda rəhbərlik etdiyi DOGE-nin gələcək işi ilə bağlı narahat deyil, çünki onun komandasının üzvləri artıq “bir çox federal qurumlarda” özlərini təsdiq ediblər. Ağ Evin adı açıqlanmayan yüksək rütbəli məmuru Washington Post-a bildirib ki, DOGE “özləri üçün danışan” tarixi nəticələr əldə edib.

ABŞ Prezidenti Donald Tramp tərəfindən yaradılan DOGE “boş xərcləmələri azaltmaq və federal agentlikləri yenidən strukturlaşdırmaq” üçün nəzərdə tutulub. ABŞ Nümayəndələr Palatasının spikeri Mayk Conson daha əvvəl demişdi ki, Hökumətin Effektivliyi İdarəsi ABŞ hökumətinin Konqres tərəfindən təsdiqlənməmiş “şokedici” xərclərini müəyyən edib.

Həmçinin oxuyun

Dünyada bir ilk: Robotlar insanlarla eyni yarışda qaçdılar  

“Oğlum həbs edilməyib, yanımdadır” - Şərurlu İsfəndiyar  

Xaçmazda bataqlıqda boğulan yeniyetmənin meyiti tapılıb 

Ermənistanda İrana məxsus yük maşını aşıb