Pakistan Hindistandan 64 illik su müqaviləsinə əməl etməyi tələb edir

Pakistan Xarici İşlər Nazirliyinin sözçüsü Mümtaz Zehra Bəluç paytaxt İslamabadda keçirilən həftəlik mətbuat konfransında jurnalistlərin suallarını cavablandırıb.

 

CityPost.az xəbər verir  ki,Hind Suları Müqaviləsinin illərdir iki ölkənin mənafeyinə xidmət edən əhəmiyyətli bir razılaşma olduğunu ifadə edən Baluç deyib:

"Biz inanırıq ki, bu, suyun bölüşdürülməsinə dair ikitərəfli sazişlərin qızıl standartıdır. Pakistan sazişin həyata keçirilməsinə tam sadiqdir. Biz Hindistanın da sazişə əməl etməsini gözləyirik".

İki ölkənin "Hind Komissarları" adlı ortaq bir mexanizm olduğunu xatırladan Baluç, "Pakistan ekoloji tarazlığı təmin etmək, ətraf mühitimizi qorumaq və ətraf mühitlə bağlı mənfi addımlardan qaçınmaq üçün ortaq bir məsuliyyət daşıdığımıza inanır. 

Hindistan avqustun 30-da İslamabad administrasiyasını xəbərdar edib və sözügedən sazişə yenidən baxılmasını istəyib.

Hindistanın həm də bəndlərin tikintisi və Tibetdən qaynaqlanan və Hindistanın suvarma ehtiyacının üçdə birini ödəyən Brahmaputra çayının istiqamətinin dəyişdirilməsi ilə bağlı Çinlə su mübahisəsi var.

Hind Suları Müqaviləsi

Dünya Bankının zəmanəti ilə 1960-cı ildə Pakistan və Hindistan arasında imzalanan Hind Suları Müqaviləsinə görə, Hind çayını qidalandıran 6 çaydan Beas, Ravi və Sutlej üzərində nəzarət Hindistana verildi; Hind, Jelum və Çenaba nəzarət də Pakistana verildi.

Hindistana verilən çaylar Hind çayını daha çox qidalandırdığı üçün Pakistana bu çaylar üzərində hüquqlar verildi. Sazişə Hindistanın enerji istehsalı, kənd təsərrüfatı və balıqçılıq hüquqlarına malik olacağına dair maddə də əlavə edilib.

Hindistanın tikdiyi bəndlərə görə Pakistanda su çatışmazlığı və ya daşqın riski var.

Pakistan iqtisadiyyatının 20 faizinin Hind çayı ətrafındakı fəaliyyətlərdən asılı olduğu bildirilir.

 

Miri