Mehman Məmmədovun şikayəti təmin olundu
Hadisə 03 Fevral 2025, 15:42
20296
İbadət Məhərrəmovun barəsində aparılan araşdırma Baş İstintaq İdarəsinə həvalə olundu.
Ağstafa rayon Köçəsgər kənd sakini Mehman Məmmədovun iddiasına görə, tanışı şəmkirli iş adamı İbadət Məhərrəmov ondan oğlu Sərxan Məmmədovun yüngül cəza veriləcəyi adı ilə 58 min manat və 4500 ABŞ dolları pulunu aldatma yolu ilə ələ keçirdiyinə dair dəfələrlə ətraflı məlumat vermişdik.
CityPost.az xəbər verir ki,Mehman Məmmədovun dediyinə görə, aldatma yolu ilə ələ keçirdiyi pulları İbadət Məhərrəmovdan dəfələrlə geri tələb etsə də, O danışıqlar yolu ilə vaxt udmağa çalışmış və nəticədə aldığı pulları geri qaytarmaqdan imtina etmişdir. Əlacsız qalan zərərçəkən Mehman Məmmədov məruz qaldığı dələduzluq əməli ilə bağlı Baş Prokurorluğa müraciət edib.
Baş Prokuror Yanında Korrupsiyaya Qarşı Mübarizə Baş İdarəsinin müstəntiqi Azər Kazımov tərəfindən araşdırılan iş hadisənin baş verdiyi əraziyə -aiddiyatı üzrə Tovuz Rayon Polis Şöbəsinə göndərilmişdir.
Həmçinin oxuyun
Cinayət İşi Tovuz Rayon Polis Şöbəsinin müstəntiqi baş polis leytenantı Elnar Məmmədov tərəfindən yetərincə araşdırılmadığı üçün Tovuz Rayon Prokuroru tərəfindən yenidən hərtərəfli araşdırma üçün istintaq mərhələsinə qaytarılmışdır.
Bu barədə zərəçəkmiş Mehman Məmmədova Tovuz Rayon Prokurorluğu tərəfindən məktub da göndərilib. Müstəntiq Elnar Məmmədovun ləğv edilmiş qərarından ruhlanan İbadət Məhərrəmov zərərçəkmiş Mehman Məmmədovu şərəf və ləyaqətini alçaltdığı üçün Azərbaycan Respublikası Cinayət Məcəlləsinin 147.2 və 148-ci maddələri ilə cinayət məsuliyyətinə dair xüsusi ittiham qaydasında Ağstafa Rayon Məhkəməsinə müraciət edib. İbadət Məhərrəmov tərəfindən verilmiş xüsusi ittiham qaydasında şikayət ərizəsi üzrə iş Ağstafa rayon məhkəməsinin hakimi Natiq Abbasovun sədrliyi ilə keçirilən məhkəmə iclasında araşdırılıb.
Mehman Məmmədov məhkəməyə vəsatət verərək bildirmişdi ki, Tovuz Rayon Prokurorluğu müstəntiq Elnar Məmmədov tərəfindən onun şikayətinə əsasən cinayət işinin başlanmasının rədd olunmasına dair çıxardığı qərar ləğv edildiyi üçün İbadət Məhərrəmovun onun barəsində məhkəməyə verdiyi şikayət ərizəsi baxılmamış saxlanılmalıdır.Hakim Natiq Abbasov tərəfindən vəsatət təmin edilərək və Tovuz Rayon Polis Şöbəsinə müvafiq sorğu göndərilmişdi. Tovuz Rayon Polis Şöbəsindən bildirilib ki, şikayətçi M.Məmmədovun ərizəsi əsasında İbadət Məhərrəmov barədə materiallar toplanıb,araşdırma aparılır. 8 dekabr 2024-cü il tarixdə keçirilən məhkəmə iclasına İ.Məhərrəmovun vəkili Bəxtiyar Muradov elektron qaydada ərizə ilə müraciət edərək müvəkkilinin M.Məmmədov barədə verdiyi xüsusi ittiham qaydasında şikayəti geri götürdüyünü bildirib.
Citypost.az xəbər verir ki,şikayətçi Mehman Məmmədov daxili işlər naziri general-polkovnik Vilayət Eyvazovla İsmayıllı rayonunda vətəndaşlarla keçirilən qəbul zamanı görüşüb.
Görüş zamanı Mehman Məmmədov işin Tovuz Rayon Polis Şöbəsində düzgün aparılmadığını və araşdırmanın ləngidilməsindən narazı olduğunu bildirib.
Mehman Məmmədov Citypost.az-ın əməkdaşı ilə söhbət zamanı bildirib ki, O, nazirə çatdırıb ki, müstəntiq Elnar Məmmədov özünü daha çox İbadət Məhərrəmovun vəkili kimi aparır. Nazir vətəndaşı dinlədikdən sonra məsələnin daha obyektiv və ətraflı araşdırılması üçün müvafiq göstərişlər verib.
İbadət Məhərrəmov barəsində aparılan araşdırma Tovuz Rayon Polis Şöbəsinin İstintaq Bölməsinin müstəntiqi Elnar Məmmədovdan alınaraq DİN-in Baş Təhqiqat və İstintaq İdarəsinə həvalə edilib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Bakıda deputatın oğlunun iştirak etdiyi qətllə bağlı daha iki nəfər həbs edilib
Xətai rayonu, General Şıxlinski küçəsində yerləşən restoranlardan birində 43 yaşlı C. Mirağayevin bıçaq xəsarətləri ilə qətlə yetirilməsi ilə bağlı saxlanılan daha iki nəfər barəsində həbs qətimkan tədbiri seçilib.Citypost.az xəbər verir ki, Binəqədi rayon Məhkəməsində keçirilən prosesdə istintaq orqanının təqdimatı təmin edilib.Rəhimov Emin Qoşqar oğlu və Cəfərov Elmar Şücaət oğlu barəsində 4 ay müddətə həbs qətimkan tədbiri seçilib.Belə ki, Azərbaycan Respublikası CM-in 120.2.1-ci maddəsi ilə təqsirləndirilən şəxs qismində cəlb edilmiş Cəfərov Elmar Şücaət oğlu və Rəhimov Emin Qoşqar oğlu barəsində həbs qətimkan tədbirinin seçilməsinə dair təqdimat və vəsatət təmin edilmiş və barələlərində həbsdə olma müddətinin əvvəli 24 oktyabr 2026-cı il tarixdən...
26 Oktyabr 2026, 18:27
Xətai rayonunda kafedə qətllə bağlı 11 nəfər həbs edilib
Daxili İşlər Nazirliyi və Baş Prokurorluq Bakının Xətai rayonunda kafedə baş verən insidentlə bağlı birgə məlumat yayıb.Citypost.az xəbər verir ki, DİN və Baş Prokurorluğun Mətbuat xidmətlətinin birgə məlumatında deyilir ki, Xətai rayonunda cinayətkar birliyin fəaliyyəti ilə bağlı 11 nəfər saxlanılaraq həbs edilib.Qeyd olunub ki, oktyabrın 23-də saat 00:10 radələrində paytaxtın Xətai rayonu, General Şıxlinski küçəsində yerləşən restoranlardan birində 43 yaşlı C.Mirağayevin bıçaq xəsarətlərindən qətlə yetirilməsi ilə nəticələnən hadisə baş verib.Baş Prokurorluğun və Daxili İşlər Nazirliyinin istintaq qrupu tərəfindən keçirilən əməliyyat-axtarış tədbirləri nəticəsində hadisənin planlı şəkildə təşkilində iştirak etdikləri müəyyən olunan, əvvəllər məhkum olunmuş Ramil Dadaşov, Eldar Eldarov, Əhməd Əlizadə, İsmayıl...
26 Oktyabr 2026, 10:22
Sumqayıtda avtomobil piyadaları vurub, daha sonra yanıb
Sumqayıt şəhərində üç nəfərin xəsarət alması ilə nəticələnən yol-nəqliyyat hadisəsi baş verib."Report"un yerli bürosunun məlumatına görə, hadisə şəhərin Üzeyir Hacıbəyli küçəsində qeydə alınıb.Belə ki, idarəetmədən çıxan "Chevrolet" markalı minik avtomobili yoldan keçən piyadaları vurub, daha sonra səkiyə çırpılıb.Qəza nəticəsində üç nəfər xəsarət alıb. Onlar təcili tibbi yardım briqadalarının köməyi ilə xəstəxanaya çatdırılıblar.Toqquşmadan sonra avtomobildə yanğın baş verib. Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin canlı qüvvəsi və texnikaları cəlb olunub.Yanğın söndürülüb, alovun ətrafdakı digər avtomobillərə keçməsinin qarşısı alınıb.Hadisənin başvermə səbəbləri araşdırılır....
24 Oktyabr 2026, 16:10
Köməksiz vəziyyətdə qalan 7 aylıq körpə belə xilas edildi
Tovuz şəhəri, Xəqani Şirvani küçəsində yerləşən yaşayış binasında körpə mənzildə bağlı qapı arxasında köməksiz vəziyyətdə qalıb.Citypost.az xəbər verir ki, bu barədə Fövqəladə Hallar Nazirliyinin “112" qaynar telefon xəttinə məlumat daxil olub.Məlumatla əlaqədar dərhal əraziyə FHN-in Dövlət Yanğından Mühafizə Xidmətinin Tovuz rayon Dövlət Yanğından Mühafizə Hissəsinin yanğınsöndürən-xilasediciləri cəlb olunub.Yanğınsöndürən-xilasedicilər xüsusi xilasetmə vasitələrinin köməyi ilə beşmərtəbəli yaşayış binasının 3-cü mərtəbəsində yerləşən mənzilin qapısını açaraq 7 aylıq körpəni valideynlərinə təhvil veriblər....
24 Oktyabr 2026, 15:37
Gəncədə qadın əri tərəfindən bıçaqlanıb
Gəncədə bıçaqlanma hadisəsi baş verib.APA-nın yerli bürosunun məlumatına görə, hadisə şəhər ərazisində qeydə alınıb. Belə ki, şəhər sakini 1966-cı il təvəllüdlü X.Məmmədli bıçaqlanma diaqnozu ilə xəstəxanaya yeləşdirilib. Hazırda vəziyyətinin kafi olduğu bildirilir.Məlumata görə, X.Məmmədlini həyat yoldaşı 1965-ci il təvəllüdlü A.Məmmədov aralarında baş verən mübahisə zamanı bıçaqlayıb.Hazırda hadisəni törətməkdə şübhəli bilinən A.Məmmədovun saxlanılması istiqamətində polis əməkdaşları tərəfindən tədbirlər görülür.Faktla bağlı araşdırma aparılır....
24 Oktyabr 2026, 13:10
Bakıda kütləvi dava olub, 9 nəfər saxlanılıb
Bakıda kütləvi dava olub.Bu barədə Citypost.az-a Daxili İşlər Nazirliyinin Mətbuat Xidmətindən məlumat verilib.Bildirilib ki, insidentdə iştirak edən 9 nəfər polis tərəfindən müəyyən olunaraq saxlanılıb.Hazırda əməliyyat-axtarış tədbirləri davam etdirilir.Qeyd edək ki, mediada yayılan məlumata görə, hadisə Xətai rayonu ərazisində baş verib. Bir nəfərin öldüyü bildirilir.
24 Oktyabr 2026, 11:38
