Türkiyəli məşqçi Azərbaycandan deportasiya olundu
İdman 07 Oktyabr 2026, 20:45
3479
Azərbaycanda fəaliyyət göstərən türkiyəli məşqçi Əbubəkir Yoğurtçu "Mingəçevir" klubunda çalışarkən ölkədən deportasiya olunub.
Citypost.az Oxu.az-a istinadla xəbər verir ki, 2025-ci ilin avqustunda UEFA-nın "C" kateqoriyalı məşqçi lisenziyasını alan Yoğurtçu həmin mövsümün ortasında Azərbaycanın I Liqa təmsilçisi "Mingəçevir" klubunda köməkçi məşqçi kimi fəaliyyət göstərib.
Mütəxəssis bildirib ki, "Mingəçevir"ə gəldiyi zaman komanda turnir cədvəlində üçüncü pillədə qərarlaşsa da, mövsümü ikinci sırada başa vurub və Premyer Liqa təmsilçisi ilə pley-off mərhələsində mübarizə aparıb. Lakin komanda elitaya yüksələ bilməyib.
Yoğurtçunun sözlərinə görə, mövsümün ardından Azərbaycanda başqa bir kluba baş məşqçi kimi keçmək imkanı yaranıb. Lakin "Mingəçevir"də yaşayış yeri ilə bağlı sənədləşmədə yol verilən çatışmazlıq səbəbindən ona ikiillik deportasiya cəzası tətbiq olunub.
Məşqçi bildirib ki, klub deportasiya qərarının aradan qaldırılması üçün müraciət edib, lakin proses başa çatana qədər yeni mövsüm başlayıb və o, Azərbaycanda başqa komandada fəaliyyət göstərə bilməyib.
Məsələ ilə bağlı "Mingəçevir" klubunun mətbuat xidməti Yoğurtçunun iddialarına aydınlıq gətirib.
Həmçinin oxuyun
Klubdan bildirilib ki, türkiyəli mütəxəssis "Mingəçevir"ə UEFA "C" kateqoriyalı məşqçi lisenziyası almaq üçün praktiki fəaliyyət göstərmək məqsədilə gəlib. Türkiyə vətəndaşlarının Azərbaycana vizasız daxil olması səbəbindən klub onun ölkəyə bütün zəruri sənədlərlə gəldiyini düşünüb.
"Biz elə bilirdik ki, o, hər şeyə hazır sənədlə gəlib. Türkiyə vətəndaşları vizasız gəlirlər. Ölkəyə gəldikdən sonra müəyyən müddət ərzində miqrasiyaya müraciət edib qeydiyyata düşməli idi. Biz isə onun hər şeyə hazır gəldiyini düşünmüşdük", - deyə klubdan bildirilib.
Mətbuat xidmətindən qeyd olunub ki, klubda ödənişsiz fəaliyyət göstərib. Mütəxəssis Azərbaycanda qalma müddətini keçib və ölkədən çıxarkən onun cəriməsi yaranıb. Daha sonra Yoğurtçunun xahişi ilə klub məsələni həll etmək üçün Miqrasiya Xidməti ilə əlaqə saxlayıb.
"Gedəndə cəriməsi var idi. Sonradan klub olaraq bizdən xahiş etdi. Biz də Miqrasiya Xidməti ilə məsələni həll etdik. Deportasiya məsələsi aradan qaldırılıb. Hazırda bununla bağlı problem yoxdur", - deyə klubdan qeyd edilib.
"Mingəçevir" klubundan həmçinin vurğulanıb ki, Yoğurtçunun deportasiya olunmasının klubun sənədləşmədə yol verdiyi səhvdən qaynaqlandığı barədə iddia düzgün deyil.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
200-dən çox qadın və uşaq karateçilər bir araya gəldi
Azərbaycan Karate Federasiyasının təşkilatçılığı və Avropa çempionu Mədinə Sadıqovanın iştirakı ilə qadın idmançılar üçün seminar keçirilib.Citypost.az xəbər verir ki, bu barədə Azərbaycan Karate Federasiyasının prezidenti, Milli Məclisin deputatı Ülvi Quliyev paylaşım edib.O bildirib ki, tədbirdə müxtəlif yaş qruplarından 200-dən çox qadın karateçi iştirak edib. Seminarın əsas məqsədi qadın karatesinin inkişafına dəstək vermək, idmançılar arasında birlik, həmrəylik və komanda ruhunu gücləndirmək olub.“Gənc nəslin peşəkar idmançılarla ünsiyyətdə olması və təcrübə qazanması onların gələcək nailiyyətləri üçün böyük stimuldur. Federasiya olaraq istedadlı idmançıların üzə çıxarılması və karatenin ölkə üzrə kütləviləşməsi istiqamətində layihələrimizi qətiyyətlə davam etdirəcəyik”, – deyə Ülvi Quliyev qeyd edib.Federasiya prezidenti seminarda fəal...
26 Oktyabr 2026, 15:18
Rəşad Sadıqov "Zirə"nin baş məşqçisi kimi 250-ci oyuna çıxıb
Misli Premyer Liqasının IX turu "Zirə"nin baş məşqçisi Rəşad Sadıqov üçün əlamətdar olub.Citypost.az Peşəkar Futbol Liqasının rəsmi saytına istinadən xəbər verir ki, qəsəbə klubu onun rəhbərliyi dövründə 250-ci oyuna çıxıb."Qartallar" "Sumqayıt"la ev matçında 3:2 hesabı ilə qalib gəlib.2020-ci ilin iyulundan "Zirə"də işləyən R.Sadıqovun rəhbərliyi dövründə 112 qələbə qazanan komanda 76 heç-heçə edib və 62 məğlubiyyət alıb. Top fərqi 316-237-dir. 250 oyundan 206-sı Premyer Liqa, 28-i Azərbaycan Kuboku, 16-sı avrokubok matçı olub.Qeyd edək ki, Rəşad Sadıqovun "Zirə"də debütü 2020-ci il avqustun 23-də Premyer Liqanın "Qəbələ" ilə səfər matçında (1:1) gerçəkləşib....
26 Oktyabr 2026, 12:01
Azərbaycanın veteran cüdoçuları Avropa çempionatında daha iki medal qazanıblar
Portuqaliyanın Portiman şəhərində keçirilən cüdo üzrə veteranlar arasında Avropa çempionatında Azərbaycan təmsilçiləri daha 2 medal qazanıblar.Citypost.az xəbər verir ki, M4 yaş kateqoriyasında Elşən Kərimov (60 kq), M5 yaş kateqoriyasında isə Babək Hacıyev (60 kq) gümüş mükafata sahib olublar.Xatırladaq ki, yarışın ilk günündə Fərhad Rəcəbli (90 kq) M8 yaş kateqoriyasında qızıl medal qazanaraq 12-ci dəfə Avropa çempionu olub.
24 Oktyabr 2026, 09:51
Fərid Qayıbov yeni idman zalının açılışında iştirak edib
Qaradağ rayonunun Lökbatan qəsəbəsində Azərbaycan Peşəkar Döyüş Klubunun yeni idman zalının açılışı olub.Citypost.az xəbər verir ki, açılış mərasimində gənclər və idman naziri Fərid Qayıbov da iştirak edib.Mərasimdə əvvəlcə Azərbaycanın Dövlət Himni səsləndirilib, şəhidlərin xatirəsi bir dəqiqəlik sükutla yad edilib.Daha sonra nazir Fərid Qayıbov gənc idmançıların məşqini izləyib, onlarla söhbət edib. Tədbirin bədii hissəsində gənc idmançıların nümunəvi çıxışları təqdim olunub.
22 Oktyabr 2026, 21:22
Fərhad Rəcəbli 12-ci dəfə Avropa çempionu oldu
Portuqaliyanın Portiman şəhərində veteranlar arasında cüdo üzrə Avropa çempionatına start verilib.Citypost.az xəbər verir ki, Azərbaycan idmançısı Fərhad Rəcəbli (90 kq) M8 yaş kateqoriyasında bütün rəqiblərinə qalib gələrək qitə birinciliyinin qızıl medalını qazanıb.Bununla da 12 qat dünya çempionu olan Fərhad Rəcəbli 12-ci dəfə Avropa çempionu tituluna da yiyələnib.Qeyd edək ki, veteranlar arasında cüdo üzrə Avropa çempionatı oktyabrın 25-dək davam edəcək. Azərbaycanı qitə birinciliyində 15 idmançı təmsil edir....
22 Oktyabr 2026, 20:20
Azərbaycanın cüdo klubu Çempionlar Liqasında iştirak edəcək
Azərbaycanın "Judo Club 2012" klubu oktyabrın 24-də Fransanın paytaxtı Parisdə keçiriləcək cüdo üzrə Çempionlar Liqasında iştirak edəcək.Citypost.az xəbər verir ki, baş məşqçisi İmran İmanovun rəhbərliyi altında Parisə Ülviyyə Babayeva (57 kq), Aytac Qardaşxanlı (70 kq), Diana Semçenko (+70 kq), İbrahim Əliyev (73 kq), Elcan Hacıyev (90 kq), Sübhan Axundov və Əsəd Əsgərov (hər ikisi +90 kq) yollanacaq.Nümayəndə heyətinin tərkibində Azərbaycan Cüdo Federasiyasının üzvü, Cüdo Veteranları Assosiasiyasının prezidenti, "Judo Club 2012" İctimai Birliyinin sədri və klubun təsisçisi, veteran cüdoçular arasında dünya və Avropa çempionatlarının dəfələrlə qalibi və mükafatçısı Azər Əsgərov, həmçinin klubun məşqçiləri Zaur Bağırov və Eldar Kasumov da yer alacaq.Qeyd...
21 Oktyabr 2026, 18:27
