Həmin müəllim işdən çıxarıldı
Cəmiyyət 18 Sentyabr 2024, 11:45
55592
İmişlidə şagirdləri yerdən əyləşdirərək onları təhsildən yayındıran müəllimin əmək müqaviləsinə xitam verilib.
Citypost.az xəbər verir ki, bu barədə Mil - Muğan Regional Təhsil İdarəsi məlumat yayıb.
Qeyd olunub ki, sosial şəbəkələrdə İmişli rayonu Aranlı kənd Y.Sadatxanov adına 1 nömrəli tam orta məktəbin ibtidai sinif müəlliminin məktəbin giriş qapısının qarşısında şagirdləri yerdən əyləşdirərək onları təhsildən yayındırması ilə əlaqədar yayılan videolarla bağlı araşdırma aparılıb.
Həmçinin oxuyun
Məlumata görə, ibtidai sinif müəllimi Leyla Nəcəfquliyeva məktəb rəhbərliyinin sentyabrın 16-da məktəbdə tədrisin İmişli rayon Aranlı kənd N. Əsədov adına 2 nömrəli tam orta məktəbdə təşkil olunacağı ilə bağlı verdiyi tapşırıqlara məhəl qoymadan həmin gün saat 08:00 radələrində sinif rəhbəri olduğu III-b sinif şagirdlərinin bir qismini təhsildən yayındırıb.
"Müəllim qeyd olunanlarla kifayətlənməmiş, bu prosesi özünün TikTok sosial şəbəkə hesabından canlı videogörüntü paylaşaraq şəxsi mənafeyi naminə şagirdlərdən alət kimi istifadə edib. Bununla da təhsilalanların sağlam və təhlükəsiz şəraitdə təhsil almaq hüquqlarını, həmçinin “Təhsilverənlərin etik davranış Qaydaları”nı kobud şəkildə pozub. Bununla əlaqədar məktəb rəhbərliyi tərəfindən məktəbin ilk həmkarlar təşkilatının rəyi nəzərə alınaraq, Leyla Nəcəfquliyeva ilə bağlanmış əmək müqaviləsinə əmək qanunvericiliyinin müvafiq tələblərinə uyğun olaraq sentyabrın 17-də xitam verilib, - İdarənin məlumatında bildirilib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
125 min manatlıq mənimsəmə işi: TƏBİB zərərçəkmiş kimi tanındı
Kürdəmir Rayon Mərkəzi Xəstəxanasının əməkdaşı külli miqdarda mənimsəmədə ittiham edilir.Citypost.az xəbər verir ki, Kürdəmir Rayon Mərkəzi Xəstəxanası Maliyyə şöbəsinin Hesabatlıq bölməsinin hesabatlıq üzrə mütəxəssisi Vüqar Hüseynova Cinayət Məcəlləsinin 179.3.2, 308.2, 313-cü maddələri ilə ittiham irəli sürülüb.İttihama görə, təqsirləndirilən Vüqar Hüseynov işlədiyi dövr ərzində 125 min manatdan çox vəsaiti mənimsəyib.Onun istintaq dövründə ziyanın 45 min manatını ödədiyi bildirilir.İstintaq dövründə onun barəsində polis nəzarəti altına vermə qətimkan tədbiri seçilib.İş üzrə zərərçəkmiş şəxs qismində TƏBİB tanınıb....
04 Noyabr 2026, 10:28
İsrailin ŞOK İRAN PLANI
Yaxın Şərqdə gərginlik yenidən yüksəlir. ABŞ və İran arasında diplomatik təmasların davam etdiyi bir vaxtda İsrailin Baş naziri Benyamin Netanyahunun Vaşinqtonu İrana qarşı yeni hərbi zərbələrə razı salmağa çalışdığı barədə məlumatlar yayılır. İsrail cəmiyyəti isə bir tərəfdən İranın hərbi imkanlarından narahatdır, digər tərəfdən yeni müharibənin ölkəyə nə qazandıracağı və hansı nəticələrə səbəb olacağı barədə ciddi suallar qarşısındadır.Noyabrın 2-də yayılan məlumata görə, Netanyahu ABŞ Prezidenti Donald Trampla telefon danışığında İrana qarşı yeni zərbələrin noyabrın 3-də keçiriləcək ABŞ aralıq seçkilərindən sonra başlanmasını istəyib. Trampın isə hələ yekun qərar vermədiyi, diplomatik imkanları tükətmədən hərbi əməliyyatlara qayıtmaq istəmədiyi bildirilir. ABŞ administrasiyası diplomatiyaya üstünlük verdiyini...
04 Noyabr 2026, 09:34
BDYPİ dumanlı hava ilə əlaqədar yol hərəkəti iştirakçılarına müraciət edib
“Hazırda respublika ərazisində müşahidə olunan dumanlı hava şəraiti ilə əlaqədar Abşeron yarımadası da daxil olmaqla bir sıra bölgələrdə görünüş məsafəsi məhdudlaşıb”.Bu barədə Citypost.az-a Baş Dövlət Yol Polis İdarəsindən məlumat verilib.“Dumanlı hava xüsusilə səhər və axşam saatlarında sürücünün görünüş dairəsini əhəmiyyətli dərəcədə azaldır ki, bu da ağır yol-nəqliyyat hadisələrinə, o cümlədən zəncirvari toqquşmalara zəmin yaradır.Odur ki, sürücülərə belə havalarda daha diqqətli olmaq, sürət həddini hava şəraitinə uyğun seçmək, daha çox ara məsafəsi saxlamaq, xarici işıq cihazlarının sazlığına diqqət yetirmək, ötmə və manevr etmə zamanı təhlükəsizlik qaydalarına ciddi riayət etmək tövsiyə olunur.Piyadalardan isə dumanlı hava şəraitində sürücülərin yolun hərəkət hissəsini və kənarlarını...
04 Noyabr 2026, 09:28
Şahlar Əsgərov: “Kütlə yaradıcı deyil, fərdlər yaradıcıdır”
Yeni Azərbaycan Partiyası Siyasi Şurasının üzvü, professor, ictimai-siyasi xadim Şahlar Əsgərov cəmiyyətdə yaradıcı fərdlərin rolunun və onların əməyinin qiymətləndirilməsinin vacibliyindən danışıb.Citypost.az xəbər verir ki, Şahlar Əsgərov sosial şəbəkə hesabında paylaşım edərək tarixi və mədəni inkişafda ayrı-ayrı şəxsiyyətlərin roluna diqqət çəkib.Professorun fikrincə, yaradıcılıq kütləyə deyil, fərdlərə xas xüsusiyyətdir və cəmiyyət belə insanları vaxtında tanımağı, onların əməyini dəyərləndirməyi bacarmalıdır. O, bu fikrini Azərbaycan ədəbiyyatı və incəsənətinin tanınmış nümayəndələrinin fəaliyyəti ilə əsaslandırıb.Şahlar Əsgərov qeyd edib ki, bütöv bir kütlənin içindən hər kəs şeir yaza və ya qranit daşı sənət əsərinə çevirə bilməz. Lakin Səməd Vurğun kimi şairlər və Ömər Eldarov kimi heykəltəraşlar bunu...
04 Noyabr 2026, 09:16
Elnur Məcidli İTV-də yayımlanan sənədli filmdə jurnalistin davranışını tənqid etdi
Hüquqşünas-jurnalist Elnur Məcidli İctimai Televiziyada yayımlanan sənədli filmdə müsahibə aparan jurnalistin davranışını tənqid edib.Citypost.az xəbər verir ki, Elnur Məcidli sosial şəbəkə hesabında paylaşım edərək Azərbaycanın keçmiş xarici işlər naziri Hüseynağa Sadıqovun fikirləri əsasında ölkənin yaxın tarixinə işıq salan sənədli filmə baxdığını bildirib. O, müsahibə zamanı jurnalistin keçmiş nazirin qarşısında ayağını ayağının üstünə aşırmasını etik baxımdan qəbuledilməz hesab edib. Məcidli qeyd edib ki, verilişin sonunda növbəti proqramın anonsu zamanı eyni jurnalistin bu dəfə Azərbaycanın digər keçmiş xarici işlər naziri Həsən Həsənovun qarşısında da eyni formada əyləşdiyi diqqətini çəkib.Hüquqşünas-jurnalistin fikrincə, bu cür davranış müsahibə aparılan şəxslərə hörmət baxımından düzgün deyil. O vurğulayıb...
04 Noyabr 2026, 08:48
Bakıda bu yollarda sıxlıq var - SİYAHI
Bakıda sıxlıq olan küçə və prospektlər açıqlanıb.Citypost.az xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi (NİİM) məlumat yayıb.Hal-hazırda yollardakı vəziyyət:1. Bakı-Sumqayıt şosesi, "20 Yanvar" metro stansiyası istiqamətində;2. 1-ci Göl kənarı yolu, Ziya Bünyadov prospekti istiqamətində;3. Heydər Əliyev prospekti, köməkçi yol, mərkəz istiqamətində;4. Babək prospekti, mərkəz istiqamətində;5. Yusif Səfərov küçəsi, mərkəz istiqamətində;6. 8 Noyabr prospekti, Süleyman Əhmədov küçəsi ilə kəsişmədən mərkəz istiqamətində;7. Əbdülvahab Salamzadə küçəsi, Ziya Bünyadov prospekti istiqamətində;8. Atatürk prospekti, Ziya Bünyadov prospekti istiqamətində sıxlıq müşahidə olunur....
04 Noyabr 2026, 08:43
