Prezident yeni fərman imzaladı
Siyasət 17 Mart 2025, 11:04
17414
Prezident İlham Əliyev “Azərenerji” Açıq Səhmdar Cəmiyyətinin fəaliyyətinin təmin edilməsi haqqında fərman imzalayıb.
CityPost.az fərmanın mətnini təqdim edir:
1. “Azərenerji” Açıq Səhmdar Cəmiyyətində (bundan sonra – Cəmiyyət) ümumi yığıncağın səlahiyyətlərinin həyata keçirilməsi aşağıdakılara həvalə edilsin:
1.1. Azərbaycan Respublikasının Prezidentinə:
1.1.1. Cəmiyyətin yenidən təşkili və ləğvi;
1.1.2. Cəmiyyətin icra orqanının yaradılması;
1.1.3. Cəmiyyətin İdarə Heyəti sədrinin və onun müavinlərinin vəzifəyə təyin və vəzifədən azad edilməsi;
1.2. Azərbaycan Respublikasının Nazirlər Kabinetinə:
1.2.1. Azərbaycan Respublikasının Prezidenti ilə razılaşdırmaqla, Cəmiyyətin nizamnaməsinin və strukturunun təsdiqi, nizamnamə kapitalının miqdarının müəyyən edilməsi, onlarda dəyişiklik edilməsi;
1.2.2. Cəmiyyətin inkişaf strategiyasının müəyyən edilməsi;
1.2.3. Cəmiyyətin illik hesabatlarının, maliyyə hesabatlarının təsdiq edilməsi, mənfəətinin və zərərinin bölüşdürülməsi;
Həmçinin oxuyun
1.2.4. Cəmiyyətin xalis aktivlərinin dəyərinin 25 (iyirmi beş) faizindən artıq məbləğdə olan əqdin (xüsusi əhəmiyyətli əqdin), eləcə də müstəqil auditorun rəyi ilə aidiyyəti şəxslə dəyəri Cəmiyyətin aktivlərinin 5 (beş) faizini və daha çox hissəsini təşkil edən əqdin bağlanması haqqında qərar qəbul edilməsi;
1.2.5. bu Fərmanın 1.1-ci və 1.3-cü bəndlərində qeyd edilənlər istisna olmaqla, Azərbaycan Respublikasının Mülki Məcəlləsi ilə səhmdarların ümumi yığıncağının səlahiyyətlərinə aid edilmiş digər məsələlərin həlli;
1.3. Azərbaycan Respublikasının İqtisadiyyat Nazirliyinə:
1.3.1. Cəmiyyətin idarə, nümayəndəlik və filiallarının yaradılmasına və ya ləğvinə, törəmə cəmiyyətlərinin yaradılmasına, yenidən təşkilinə və ya ləğvinə razılıq verilməsi;
1.3.2. Cəmiyyətin digər hüquqi şəxslərə kapital qoyuluşu barədə qərarların qəbul edilməsinə razılıq verilməsi;
1.3.3. Cəmiyyətin iştirak etdiyi birgə layihələrə əmlak və (və ya) pul şəklində pay qoyulmasına razılıq verilməsi.
2. Müəyyən edilsin ki, Cəmiyyətin fəaliyyətinə cari rəhbərliyi həyata keçirmək üçün 3 (üç) üzvdən – Azərbaycan Respublikasının Prezidenti tərəfindən vəzifəyə təyin və vəzifədən azad edilən İdarə Heyətinin sədri və onun iki müavinindən ibarət İdarə Heyəti yaradılır.
3. Azərbaycan Respublikasının Nazirlər Kabineti:
3.1. Cəmiyyətin nizamnaməsini və strukturunu Azərbaycan Respublikasının Prezidenti ilə razılaşdırmaqla bir ay müddətində təsdiq etsin;
3.2. bu Fərmandan irəli gələn digər məsələləri həll etsin.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Si Cinpin Pezeşkiyana niyə xüsusi diqqət ayırmadi? Heydər Oğuz səbəbləri AÇIQLADI
Şanxay Əməkdaşlıq Təşkilatının (ŞƏT) Bişkek sammitinin ən gözləniləməz və diqqətdən yayınan hadisəsi Çin Prezidenti Si Cinpinlə İran Prezidenti Məsud Pezeşkiyan arasında keçirilən bir neçə dəqiqəlik görüş olub. İran mediasının iddiasına görə, bu “xala xətrin qalmasın” görüşdə iki lider ölkələri arasında A-dan Z-yə qədər bir çox məsələləri müzakirə ediblər. Çin və Qərb mediası isə başqa şeylər deyir.Çinin rəsmi media orqanları Si Cinpinin digər liderlərlə görüşünə uzun-uzadı yer versələr də Pezeşkiyanla mütəvazi görüş barədə heç nə yazmayıblar. Qərb media orqanları isə etibarlı mənbələrinə istinad edərək bildiriblər ki, İran tərəfi əslində Si Cinpinlə geniş formatlı görüş keçirmək barədə düşünürmişlər. Amma Si Cinpin buna ehtiyac...
03 Sentyabr 2026, 11:34
Baş redaktor: İlham Əliyevi həmkarlarından heç kimlə müqayisə etmək olmaz
Azərbaycan Prezidenti İlham Əliyevin siyasi fəaliyyəti və liderlik keyfiyyətləri onun həmkarlarından fərqləndirən əsas xüsusiyyətlərdəndir.Bu barədə Yeni Azərbaycan qəzetinin baş redaktoru, Əməkdar jurnalist Alqış Musayev sosial şəbəkə hesabında paylaşım edib.Alqış Musayev bildirib ki, İlham Əliyevi digər dövlət başçıları ilə müqayisə etmək mümkün deyil.“İlham Əliyevi öz həmkarlarından kimlə müqayisə etmək olar? Heç kimlə! Onun fəaliyyəti rəsmi statusunun hüdudlarına sığmır. O, Böyük Liderdir”,** – deyə jurnalist qeyd edib.Əməkdar jurnalist paylaşımında “Böyük Lider” anlayışına da toxunaraq bildirib ki, əsl liderin özünəməxsus hekayəsi və keçdiyi yol olur.Onun sözlərinə görə, müasir dövrdə özünəməxsus siyasi hekayəsi olan dövlət rəhbərlərinə demək olar ki, rast gəlinmir. Bu baxımdan İlham...
03 Sentyabr 2026, 10:40
Alqış Musayev: Paşinyanın İlham Əliyev və Putinlə davranışı fərqlidir
Ermənistanın baş naziri Nikol Paşinyanın müxtəlif dövlət liderləri ilə görüşlər zamanı sərgilədiyi davranış diqqət çəkir.Bu barədə Yeni Azərbaycan qəzetinin baş redaktoru, Əməkdar jurnalist Alqış Musayev sosial şəbəkə hesabında paylaşım edib.Alqış Musayev bildirib ki, bu fərq növbəti dəfə Bişkəkdə keçirilən görüşlər zamanı özünü açıq şəkildə göstərib.Onun sözlərinə görə, Paşinyan Azərbaycan Prezidenti İlham Əliyevlə görüşərkən daha təmkinli və ehtiyatlı davranır, özünü yığışdırmağa çalışır. Rusiya Prezidenti Vladimir Putinlə münasibətlərində isə Ermənistan baş nazirinin tamamilə fərqli davranış nümayiş etdirdiyini qeyd edən baş redaktor Paşinyanın daha sərt və iddialı mövqe sərgilədiyini vurğulayıb.Alqış Musayev paylaşımında bunun səbəbini də belə izah edib:“Paşinyan bilir ki, İlham Əliyevin dediklərinə...
03 Sentyabr 2026, 10:31
Heydər Oğuz: Çin-Qırğızıstan “əbədi dostluğu” mübahisə doğurur
Son zamanlar beynəlxalq münasibətlərdə yeni bir ifadə – “əbədi dostluq” termini daha çox işlədilməyə başlanıb.Citypost.az xəbər verir ki, bu sözləri Jurnalist Heydər Oğuz sosial şəbəkədə paylaşdığı fikirlərdə Azərbaycanla Özbəkistan arasında bağlanan “əbədi dostluq” xarakterli müqavilələrin müəyyən mənada başadüşülən olduğunu bildirib.Onun sözlərinə görə, Azərbaycan və Özbəkistan xalqları tarixi, etnik və mədəni baxımdan bir-birinə bağlı olan qardaş xalqlardır və bu münasibətlərin uzunmüddətli olması təbii qarşılanmalıdır.Lakin jurnalist Çin və Qırğızıstan arasında imzalanan “Əbədi Qonşuluq və Dostluq Müqaviləsi”nə diqqət çəkərək, bu ifadənin tarixi münasibətlər fonunda mübahisəli göründüyünü qeyd edib.Heydər Oğuz bildirib ki, tarix boyu Çin və Mərkəzi Asiya xalqları arasında müxtəlif qarşıdurmalar və müharibələr...
03 Sentyabr 2026, 10:16
Ceyhun Məmmədov: Azərbaycan yeni reallıq yaradır
Dünyada geosiyasi proseslərin sürətlə dəyişdiyi, beynəlxalq təhlükəsizlik mexanizmlərinin ciddi sınaqlardan keçdiyi bir vaxtda Prezident İlham Əliyevin Bişkekdə keçirilən Şanxay Əməkdaşlıq Təşkilatının sammitində iştirakı Azərbaycanın xarici siyasətinin mühüm istiqamətlərindən birini nümayiş etdirir.Səfəri yalnız beynəlxalq tədbirdə iştirak kimi qiymətləndirmək düzgün olmaz. Azərbaycan son illərdə müxtəlif siyasi və iqtisadi platformalarda fəallığını artıraraq dəyişən dünya nizamında öz mövqeyini möhkəmləndirir. ŞƏT də bu baxımdan ölkəmiz üçün mühüm əməkdaşlıq imkanları yaradan platformalardan biridir.Sammit çərçivəsində keçirilən görüşlər Azərbaycanın həm regional, həm də daha geniş Avrasiya gündəliyində fəal iştirak etdiyini göstərdi. Ermənistan, Türkiyə, İran, Qırğızıstan və digər ölkələrin rəhbərləri ilə aparılan müzakirələr siyasi dialoqla yanaşı, iqtisadi, nəqliyyat və...
02 Sentyabr 2026, 10:30
Xəqani Cəfərli: Hindistanla strateji tərəfdaşlıq vacibdir
Prezident İlham Əliyevin Şanxay Əməkdaşlıq Təşkilatının Zirvə Görüşü çərçivəsində Bişkekdə Hindistanın Baş naziri Narendra Modi ilə görüşünü zamanında atılmış addım hesab edirəm. Hindistanla münasibətlərin yenidən dəyərləndirilməsinin zəruriliyi haqqında son bir ildə youtebe çıxışlarımda, facebook yazılarımda və ictimai müzakirələrdə dəfələrlə fikir ifadə etmişəm. Citypost.az xəbər verir ki, bu sözləri politoloq Xəqani Cəfərli bildirib.Politoloq əlavə edib ki, Dünyanın böyüyən iqtisadi gücü, yeni texnologiyalar sahəsində öncül dövlətlərdən və “Pax Silka”-nın qurucularından biri olan Hindistanla soyuq münasibətlərin Azərbaycana zərər verdiyinə əmindim. Hindistanla münasibətlər strateji tərəfdaşlığa çevrilə bilər və qənaətimcə çevrilməlidir. Duyğusal topluma bunu izah etmək çətin olsa da, bir daha cəhd edəcəm. Siyasətlə ədəbiyyatın fərqi...
02 Sentyabr 2026, 10:03
