Prezident İlham Əliyev Kaya Kallası qəbul edib - YENİLƏNİB
Siyasət 25 Aprel 2025, 13:30
20718
Azərbaycan Respublikasının Prezidenti İlham Əliyev aprelin 25-də Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallası qəbul edib.
CityPost.az xəbər verir ki, Kaya Kallas Avropa İttifaqının Azərbaycanla əlaqələri yüksək dəyərləndirdiyini və bu münasibətləri daha da inkişaf etdirməkdə maraqlı olduğunu qeyd edib.
Avropa İttifaqı ilə Azərbaycan arasında enerji sahəsində çox uğurlu və səmərəli əməkdaşlığın olduğunu vurğulayan qonaq ölkəmizin Avropanın enerji təhlükəsizliyinin təmin olunmasında etibarlı tərəfdaş rolunda çıxış etdiyini deyib.
O, nəqliyyat bağlantıları mövzusuna toxunaraq, bu xüsusda da çox mühüm regional bir dövlət olan və vacib geosiyasi məkanda yerləşən Azərbaycanın rolunun əhəmiyyətini vurğulayıb.
Prezident İlham Əliyev Azərbaycanın Avropa İttifaqının etibarlı tərəfdaşı olduğunu deyib, Cənub Qaz Dəhlizinin 4 ildir fəaliyyət göstərərək Avropanın qaz təchizatında oynadığı əhəmiyyətli rola toxunub.
Dövlətimizin başçısı vurğulayıb ki, Azərbaycan artıq Avropanın 10 ölkəsini, o cümlədən Avropa İttifaqının 8 üzvünü qazla təchiz edir. Prezident İlham Əliyev qeyd edib ki, Azərbaycan qaz təchizatının coğrafi əhatəsinə görə Avropa məkanını qazla təmin edən ilk ölkələrdən biridir.
Cənub Qaz Dəhlizi Məşvərət Şurası çərçivəsində Azərbaycanla Avropa İttifaqı arasında uğurlu və səmərəli dialoqun mövcud olduğunu deyən dövlətimizin başçısı bərpaolunan enerji sahəsində də əməkdaşlıq üçün böyük imkanların olduğunu bildirib. Prezident İlham Əliyev bu xüsusda qeyd edib ki, ölkəmiz Xəzərin Azərbaycan sektorunda zəngin külək enerji resurslarına malikdir. Dövlətimizin başçısı vurğulayıb ki, eyni zamanda, Azərbaycan Mərkəzi Asiya ölkələri ilə bərpaolunan Transxəzər enerji dəhlizinin inkişaf etdirilməsində və Qara dəniz istiqamətində Gürcüstan, Rumıniya, Macarıstan, son dövrlərdə isə Bolqarıstanın da qoşulduğu layihələrin reallaşdırılmasında mühüm rol oynayır.
Azərbaycan Prezidenti bildirib ki, ölkəmizlə Avropa İttifaqı arasında qazla yanaşı nəqliyyat sahəsində də əməkdaşlıq üçün geniş imkanlar var.
Söhbət zamanı, həmçinin Cənubi Qafqaz regionunda davamlı sabitliyin təmin olunmasına dair fikir mübadiləsi aparılıb.
Dövlətimizin başçısı Ermənistanla Azərbaycan arasında münasibətlərin normallaşdırılması istiqamətində ikitərəfli əsasda addımların atıldığını və müzakirələrin aparıldığını qeyd edib.
Görüşdə qarşılıqlı maraq doğuran digər məsələlərə dair fikir mübadiləsi aparılıb.
***
11:56
Azərbaycan Respublikasının Prezidenti İlham Əliyev aprelin 25-də Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallası qəbul edib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ceyhun Bayramov: TDT daha səmərəli fəaliyyət göstərməlidir
Azərbaycan xarici işlər naziri Ceyhun Bayramov Ankarada TDT-yə üzv olan dövlətlərin Xarici İşlər Nazirləri Şurasının iclasında çıxış edib.XİN-dən Citypost.az-a verilən xəbərə görə, nazir çıxışında ilk olaraq Türkiyəni Cümhuriyyətin yaranmasının 103-cü ildönümü münasibətilə təbrik edib.Ceyhun Bayramov Azərbaycanın TDT-yə sədrliyinin prioritetlərinin əməkdaşlığın inkişaf etdirilməsi, ortaq tarixi və mədəni irsin qorunması, xalqlarımızı birləşdirən əlaqələrin möhkəmləndirilməsi, institusional səmərəliliyin artırılması, iqtisadi və nəqliyyat əlaqələrinin genişləndirilməsi, eləcə də təşkilatın beynəlxalq mövqeyinin gücləndirilməsindən ibarət olduğunu bildirib.O qeyd edib ki, bu prioritetlər 2025-ci ilin oktyabrında Qəbələdə keçirilən TDT Dövlət Başçıları Şurasının sammitində bir daha təsdiqlənib.Nazir qlobal münaqişələrin davam etdiyi, beynəlxalq hüquqa çağırışların artdığı və qlobal təhlükəsizlik arxitekturasının zəifliklərinin...
29 Oktyabr 2026, 12:46
Ceyhun Bayramov Ankarada TDT XİN Şurasının iclasında iştirak edib
Azərbaycan xarici işlər naziri Ceyhun Bayramov Ankarada Türk Dövlətləri Təşkilatı (TDT) Xarici İşlər Nazirləri Şurasının iclasında iştirak edib.Citypost.az xəbər verir ki, bu barədə Azərbaycan Xarici İşlər Nazirliyi məlumat yayıb.Ceyhun Bayramovu Türkiyə xarici işlər naziri Hakan Fidan qarşılayıb.
29 Oktyabr 2026, 12:41
Mehriban Əliyevadan Türkiyəyə bayram təbriki
Birinci vitse-prezident Mehriban Əliyeva sosial media hesablarında Türkiyənin Cümhuriyyət Bayramı münasibətilə paylaşım edib.Citypost.az xəbər verir ki, paylaşımda deyilir:"Türkiyə xalqını Cümhuriyyət Bayramı münasibətilə səmimi-qəlbdən təbrik edirəm!"
29 Oktyabr 2026, 09:59
Nigar Sabirqızı: “Güneyli soydaşlarımız üçün bir gün mütləq Günəş doğacaq”
İTV-nin aparıcısı, tanınmış jurnalist Nigar Sabirqızı son günlər Cənubi Azərbaycan mövzusunun gündəmə gəlməsini müsbət qiymətləndirib və güneyli soydaşlarımızın ana dilində təhsil hüququ ilə bağlı təşəbbüslərə münasibət bildirib.Citypost.az xəbər verir ki, jurnalist bu barədə sosial şəbəkə hesabında paylaşım edib.Nigar Sabirqızı qeyd edib ki, əvvəlcə Elm və Təhsil Nazirliyi iranlı nazirin azərbaycanlı hicablı qızlara müraciətinə lazımi cavab verib. Daha sonra 51 qeyri-hökumət təşkilatı İran Prezidenti Məsud Pezeşkiana müraciət edərək Cənubi Azərbaycanda yaşayan soydaşlarımızın ana dilində təhsil alması üçün addımlar atmağa çağırıb. Bu gün isə Azərbaycan Milli Elmlər Akademiyası (AMEA) da oxşar müraciətlə çıxış edib.Jurnalistin fikrincə, bu təşəbbüslər Azərbaycanın İranda yaşayan soydaşlarının taleyinə...
29 Oktyabr 2026, 09:15
Türkiyə-Azərbaycan əməkdaşlığına dair məsələlər müzakirə edilib
Türkiyə ilə Azərbaycan arasında iqtisadiyyat, ticarət və gömrük sahələrindəki əməkdaşlığa dair məsələlər müzakirə edilib.Citypost.az xəbər verir ki, bu barədə Azərbaycanın Türkiyədəki səfirliyinin "X" sosial şəbəkə hesabında məlumat paylaşılıb.Qeyd edək ki, müzakirələr Azərbaycanın Türkiyədəki səfiri Rəşad Aslanovun bu ölkənin ticarət naziri Ömər Bolatla görüşündə aparılıb:"Görüşdə iki qardaş ölkə arasında iqtisadiyyat, ticarət və gömrük sahələrindəki əməkdaşlığa dair məsələlər müzakirə edilib", - məlumatda bildirilib....
28 Oktyabr 2026, 18:30
Rövşən Muradov: “Azərbaycançılıq cəmiyyətin bütövlüyünü gücləndirir”
Azərbaycanın beynəlxalq dialoq təşəbbüslərinin inandırıcılığı ölkə daxilində formalaşmış birgəyaşayış mədəniyyətindən qaynaqlanır. Fərqli dini və etnik mənsubiyyətli insanların eyni dövlətə bağlılığı cəmiyyətin bütövlüyünü gücləndirir. Bakıda keçirilən yeddinci Ümumdünya Mədəniyyətlərarası Dialoq Forumunun açılışında Prezident İlham Əliyev bu amili dövlətin möhkəmliyi, vətəndaşların təhlükəsizliyi və ölkənin inkişafı ilə qarşılıqlı əlaqədə qiymətləndirdi. Azərbaycan dünyaya öz ictimai münasibətlərində yaşatdığı anlaşma təcrübəsini təqdim edir.Bu sözləri Milli Məclisin deputatı Rövşən Muradov Citypost.az-a saytına açıqlamasında bildirib.Millət vəkilinin sözlərinə görə, Azərbaycançılıq həmin bütövlüyün ideya mənbəyidir. Bu məfkurə vətəndaşların ortaq Vətən duyğusunu, ölkənin taleyinə münasibətini və məsuliyyətini birləşdirir. Hər bir insanın öz mədəni irsinə bağlı qalaraq ümummilli məqsədlərdə iştirak etməsi ictimai...
28 Oktyabr 2026, 14:40
