Şöhrət Eldəniz: “İranın generalı Azərbaycanla yuxarıdan danışa bilməz”

Tehranda baş verən son görüş İran rejiminin mahiyyətini bir daha göstərdi. Özünü "general" adlandıran, əslində isə əli minlərlə günahsız insanın qanına batmış bir terror təşkilatının, SEPAH-ın üz qarası olan Möhsün Rezayi Azərbaycanın Baş nazirinin müavini ilə görüşərkən öz aləmində "üstünlük" nümayiş etdirməyə çalışdı.

Amma mən sizə bu alçağın kim olduğunu deyim.

Bu, murdar məxluq 40 ildir heç bir müharibədə bir döyüş belə qazanmayan, amma öz xalqını güllələməkdə, etirazçı qızları döyməkdə, zorlamaqda, Suriyada uşaqları bombalamaqda "qəhrəman" olan bir qurumun guya simvoludur. 

Möhsün Rezayi İran-İraq müharibəsində yüz minlərlə iranlı gənci "insan dalğası" ilə minaya göndərib məhv edən, sonra isə həmin müharibənin ən böyük uğursuz məxluqu kimi kənara atılan bir "general"dır. Hərbi savadı sıfır, siyasi keçmişi isə tamamilə rüsvayçılıqdır. Prezident seçkilərində dəfələrlə xalq tərəfindən rədd edilib, təhqir olunaraq meydandan qovulubdur.

Bu gün Milli Təhlükəsizlik Şurasının katibi adı altında oturub Azərbaycan kimi  bir dövlətə yuxarıdan aşağı baxmağa çalışan bu şəxs unudur ki, o, dünyanın əksər sivil dövləti tərəfindən terrorçu kimi tanınan bir qurumu təmsil edir. O qurum ki  10 illərdir İranda yaşayan millətlərin  sərvətini talayan, narkotik qaçaqmalçılığı ilə məşğul olan, Livanda Hizbullah, Yəməndə husilər, İraqda Haşdi Şabi kimi terror qruplarını maliyyələşdirən beynəlxalq bir mafiyadır. İndi belə bir qurumun generalı durub Azərbaycanla "böyük dövlət" tonunda danışır. O Azərbaycan ki, 44 gündə İranın və Rusiyanın dayaq durduğu erməni ordusunu darmadağın etdi. Xankəndidə üçrəngli bayrağı sancdı. İran rejimi isə 50 ilə yaxındır ki, İsrailə xəritədən siləcəyik deyir, amma cavabında öz paytaxtında, gözləri qarşısında əziz xələf terrorçu qonaqlarını öldürüləndə belə səsini çıxara bilmir. Şahin Mustafayevlə görüşdəki o alçaldıcı poza, ayaq-ayaq üstə atmaq, yuxarıdan baxmaq əslində tərbiyəsizliyin, şərəfsizliyin və  acizliyin göstəricisidir. Kompleksli adamlar belə edər. Güclü dövlətlər protokolla, hörmətlə davranar.

İran rejimi və onun Möhsün kimi tulaları bilməlidir ki, Azərbaycan artıq 90-cı illərin Azərbaycanı deyil. Sizin SEPAH-ınızın qorxutduğu ərəb ölkələrindən biri də deyil. Biz sizin sərhədinizdə sizin "təlim" adıyla gətirdiyiniz köhnə tanklarınızı elə sizin öz gözünüzə soxan, qarşılıq verib sizi sərhəddən qovan bir millətik. Biz sizin terror siyahınızda olan generallarınızın ucuz şoularını ciddiyə almasaq da unutmuruq da. Və bu əməlləri artıqlaması ilə sizin yadınıza salacaq gün elə də uzaqda deyil. O ki qaldı Möhsün Rezayi və onun kimilərə, bu "generallar" özlərindən əvvəlkilərin aqibətini yadlarına salsalar yaxşı olar.   Azərbaycan dövləti isə bu cür terrorçu qurumların generallarına daim layiq olduğu yeri qapının ağzını göstərməlidir. 

Şöhrət El-Dəniz 

Həmçinin oxuyun

Azərbaycanda Türkiyə ilə bağlı nə DÜŞÜNÜRLƏR? -SİYASİ ŞƏRH  

Kamran Əliyev Misir Mərdanovun kürəkənini prokuror təyin etdi

"Falcom" MMC-də fəhləninin ölümünün açılmasına KİM MANE OLUR? -ŞOK VİDEO

SEVGİ VƏ HƏYATIN MÜQƏDDƏSLİYİ