Səlim Rəhimzadə: Azərbaycan–Kamboca əlaqələri yeni inkişaf mərhələsindədir
Siyasət 14 Oktyabr 2026, 14:35
2863
Azərbaycan-Kamboca əlaqələri yeni inkişaf mərhələsində
Azərbaycanın xarici siyasətində müxtəlif regionlarla qarşılıqlı faydalı əməkdaşlığın genişləndirilməsi, beynəlxalq tərəfdaşlıq əlaqələrinin möhkəmləndirilməsi və yeni iqtisadi imkanların reallaşdırılması mühüm yer tutur. Bu baxımdan Cənub-Şərqi Asiya ölkələri ilə münasibətlərin inkişafı Azərbaycanın xarici siyasətinin coğrafi və iqtisadi imkanlarının genişləndirilməsi baxımından xüsusi əhəmiyyət daşıyır. Azərbaycan ilə Kamboca arasında formalaşmış dostluq münasibətləri, beynəlxalq təşkilatlar çərçivəsində qarşılıqlı dəstək və əməkdaşlığın müxtəlif istiqamətləri üzrə mövcud potensial iki ölkə arasında əlaqələrin yeni mərhələyə yüksəldilməsi üçün əlverişli zəmin yaradır.
Oktyabrın 12-də Kamboca Krallığının Baş naziri Hun Manetin Azərbaycana rəsmi səfəri ikitərəfli münasibətlərin gələcək inkişaf istiqamətlərini aydın şəkildə ortaya qoydu. Müasir beynəlxalq münasibətlər sistemində dövlətlər arasında siyasi dialoqun davamlılığı, qarşılıqlı dəstək və beynəlxalq hüququn prinsiplərinə hörmət əməkdaşlığın möhkəm təməlini təşkil edir. Azərbaycan və Kambocanın beynəlxalq təşkilatlarda təmasları bu baxımdan mühüm əhəmiyyət daşıyır. Xüsusilə Azərbaycanın Asiya ölkələri ilə əlaqələrinin genişləndirilməsi, regional əməkdaşlıq platformalarında iştirakının gücləndirilməsi və müxtəlif coğrafiyalar arasında dialoqun təşviqi xarici siyasətimizin mühüm istiqamətlərindəndir. Kambocanın Azərbaycanın ASEAN Parlamentlərarası Assambleyasında müşahidəçi statusu əldə etməsinə verdiyi dəstək də bu əməkdaşlığın konkret nümunələrindəndir. Bu amil Azərbaycanın Cənub-Şərqi Asiya regionu ilə əlaqələrinin inkişafına, regional təşkilatlarla təmaslarının genişlənməsinə və yeni tərəfdaşlıq imkanlarının yaranmasına töhfə verir. Siyasi və parlamentlərarası münasibətlər iqtisadi əməkdaşlığın inkişafı üçün də əlverişli zəmin formalaşdırır. Azərbaycan Kamboca ilə BMT, Qoşulmama Hərəkatı və Asiyada Qarşılıqlı Fəaliyyət və Etimad Tədbirləri üzrə Müşavirə (AQEM) çərçivəsində fəal əməkdaşlıq edir. Bu əməkdaşlıq münasibətlərin yalnız ikitərəfli əlaqələrlə məhdudlaşmadığını, həm də beynəlxalq platformalarda qarşılıqlı maraqların uzlaşdırılmasına əsaslandığını göstərir.
Azərbaycan–Kamboca əlaqələrinin əsasını təşkil edən siyasi dostluq və qarşılıqlı etimadın iqtisadi, ticari, humanitar və texnoloji əməkdaşlıqla daha da möhkəmləndirilməsi üçün geniş imkanlar mövcuddur. Prezident İlham Əliyev mətbuata bəyanatında da qeyd etdi ki, ölkələrimiz arasında ticarət dövriyyəsi hələlik çox aşağı səviyyədədir. Lakin bir daha əminliyimi ifadə edirəm ki, Baş nazirin rəsmi səfərindən sonra həmin sahədə böyük canlanmanın şahidi olacağıq. Biz, həmçinin sənayenin müxtəlif sahələrində birgə istehsal müəssisələrinin yaradılması imkanlarını, turizm və təhsil sahələrində əməkdaşlıq məsələlərini müzakirə etdik.
Azərbaycan və Kamboca coğrafi baxımdan bir-birindən uzaqda yerləşsələr də, bu məsafə müasir dövrdə iqtisadi əməkdaşlıq üçün həlledici maneə hesab edilə bilməz. Əsas məsələlərdən biri qarşılıqlı bazarlar, iqtisadi prioritetlər və investisiya imkanları haqqında məlumatlılığın artırılmasıdır. Bu baxımdan biznes dairələri arasında birbaşa əlaqələrin qurulması, işgüzar səfərlərin təşkili və iqtisadi forumların keçirilməsi xüsusi əhəmiyyət daşıyır. Səfər çərçivəsində Azərbaycan və Kamboca şirkətlərinin iştirakı ilə biznes forumunun keçirilməsi də məhz bu məqsədə xidmət edir. Belə platformalar sahibkarların bir-birinin bazarlarını daha yaxından tanımasına, potensial tərəfdaşların müəyyənləşdirilməsinə və konkret kommersiya layihələrinin müzakirəsinə imkan yaradır. Sənaye sahəsində birgə istehsal müəssisələrinin yaradılması perspektivi də diqqətəlayiqdir. Tərəflərin qarşılıqlı iqtisadi maraqlarına uyğun sahələrin müəyyənləşdirilməsi, investisiya imkanlarının araşdırılması və özəl sektorun təşəbbüslərinin dəstəklənməsi əməkdaşlığın uzunmüddətli xarakter almasına şərait yarada bilər. Turizm, təhsil, nəqliyyat və rəqəmsal transformasiya da perspektivli istiqamətlər sırasındadır. Prezident İlham Əliyevin bəyanatında xüsusi yer tutan məsələlərdən biri Azərbaycanın innovativ dövlət idarəçiliyi təcrübəsinin Kambocada da maraq doğurmasıdır. Dövlət başçısı Azərbaycanın “ASAN xidmət” sisteminin Kambocada maraq doğurduğunu qeyd etdi. Bu fakt Azərbaycanın yalnız iqtisadi və siyasi sahələrdə deyil, dövlət xidmətlərinin təşkili, idarəetmənin səmərəliliyi və rəqəmsal transformasiya istiqamətlərində də beynəlxalq əməkdaşlıq üçün təcrübə təqdim etdiyini göstərir.
Kamboca Baş nazirinin Azərbaycana səfəri iki ölkə arasında münasibətlərin inkişafında yeni imkanlar açan mühüm siyasi hadisədir. Qarşılıqlı etimada və beynəlxalq platformalarda əməkdaşlığa əsaslanan əlaqələrin iqtisadi məzmununun zənginləşdirilməsi həm Azərbaycan, həm də Kamboca üçün yeni perspektivlər yaradır.
Həmçinin oxuyun
Səlim Rəhimzadə,
“Suraxanı Oyl S.A” Əməliyyat Şirkətinin İctimaiyyətlə əlaqələr şöbəsinin rəisi
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ceyhun Bayramov İƏT-in Baş katibi ilə görüşüb
Azərbaycanın xarici işlər naziri Ceyhun Bayramov Azərbaycanda səfərdə olan İslam Əməkdaşlıq Təşkilatının (İƏT) Baş katibi İsmail Ould Şeyx Əhmədlə görüşüb.Citypost.az xəbər verir ki, bu barədə Ceyhun Bayramov “X” hesabında paylaşım edib.Nazir Baş katibi vəzifəyə təyin olunması münasibətilə bir daha təbrik edib və ona fəaliyyətində uğurlar arzulayıb.Görüşdə Azərbaycan–İƏT əməkdaşlığının gücləndirilməsi, Azərbaycanın Təşkilata qarşıdakı sədrliyinin prioritetləri və 2027-ci ildə Bakıda keçiriləcək İƏT Sammitinə hazırlıq məsələləri müzakirə olunub.Ceyhun Bayramov İƏT-in Azərbaycanın suverenliyinə və ərazi bütövlüyünə uzun illər ərzində göstərdiyi dəstəyə görə minnətdarlığını bildirib.Tərəflər, həmçinin Təşkilatın səmərəliliyinin artırılması, müsəlman dünyasının üzləşdiyi çağırışlara çevik reaksiyanın təmin edilməsi üçün institusional islahatların əhəmiyyətini vurğulayıblar.Görüşdə İƏT-ə üzv dövlətlər...
26 Oktyabr 2026, 19:09
Hikmət Hacıyev: Ermənistan Azərbaycan xalqından üzr istəməlidir
"Müəyyən hadisələr var ki, onu tarixdən silə bilmərik”.Citypost.az xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “Bakı Mədəniyyət və Media Dialoqu Platforması” çərçivəsində keçirilən “Sülhün dili və dezinformasiyaya qarşı mübarizə” mövzusunda xüsusi sessiyada deyib."Amma biz revanş almaq niyyətində deyilik. Əbədi sülhün baş verməsi üçün hələ də addımlar atılmalı, təşəbbüslər irəli sürülməlidir. Ermənistan Azərbaycan xalqından üzr istəməlidir. Ermənistan cəmiyyəti 30 il öz doğma yurduna qayıda bilməyən azərbaycanlılara üzr ünvanlamalıdır”, - Prezidentin köməkçisi deyib....
26 Oktyabr 2026, 16:01
Hikmət Hacıyev: CNN-in Azərbaycanla bağlı məqaləsi tamamilə yanlış idi
CNN-in İran-İsrail müharibəsi dövründə Azərbaycanla bağlı dərc etdiyi məqalə tamamilə yanlış idi.Citypost.az xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “Bakı Mədəniyyət və Media Dialoqu Platforması” çərçivəsində keçirilən “Sülhün dili və dezinformasiyaya qarşı mübarizə” mövzusunda xüsusi sessiyada deyib.Prezidentin köməkçisi bildirib ki, texniki olaraq bu, mümkünsüz idi: “İsrail necə hərbi avadanlığı bura daşıya bilər?! Bu olsa, bunu görmək peykdən və ya başqa qurğulardan görmək çox asandır. Bu iddialar mümkün deyildi. Azərbaycan elə coğrafiyda yerləşirdi ki, bu iddialar mümkün deyildi. Bu yalnız sosial mediada deyil, peşəkar mediada da dezinformasiyalar baş verir.Bu, Azərbaycan əleyhinə...
26 Oktyabr 2026, 15:58
Berendsen: Azərbaycanın sülh prosesində liderliyi təqdir olunur
"Azərbaycanın sülh prosesində liderliyi çox yüksək qiymətləndirilir”.Citypost.az xəbər verir ki, bunu Niderland Krallığının xarici işlər naziri Tom Berendsen Azərbaycan xarici işlər naziri Ceyhun Bayramovla birgə mətbuat konfransında deyib.Nazir bildirib ki, Niderland bir çox ölkələrdə minatəmizləmə fəaliyyətinə dəstək göstərir: “Azərbaycanda da bu imkanı araşdırıb nəzərdən keçirə bilərik”.
26 Oktyabr 2026, 13:33
Ceyhun Bayramov Niderland XİN rəhbəri ilə regional məsələləri müzakirə edib
Azərbaycan Respublikasının xarici işlər naziri Ceyhun Bayramov Niderland Krallığının xarici işlər naziri Tom Berendsen ilə onun Azərbaycana səfəri çərçivəsində geniş tərkibdə görüş keçirib.Citypost.az xəbər verir ki, görüşdə Azərbaycan-Niderland münasibətlərinin mövcud vəziyyəti və perspektivləri, siyasi dialoqun gücləndirilməsi, ticarət və investisiya əlaqələrinin genişləndirilməsi, enerji, nəqliyyat, kənd təsərrüfatı, su idarəçiliyi, innovasiya və təhsil sahələrində əməkdaşlıq üçün yeni imkanların araşdırılması müzakirə olunub.Nazirlər Azərbaycan-Niderland Münasibətlərinin İnkişafına dair 2026–2028-ci illər üzrə Yol Xəritəsinin ikitərəfli əməkdaşlığın irəliləməsi üçün mühüm çərçivə sənədi kimi qəbul edilməsini alqışlayıblar.Həmçinin yüksəksəviyyəli təmasların, mütəmadi siyasi məsləhətləşmələrin və biznes əlaqələrinin daha da sıxlaşdırılmasının əhəmiyyəti vurğulanıb.Müzakirələr, eyni zamanda, beynəlxalq təşkilatlar çərçivəsində əməkdaşlığı, regional inkişafları və...
26 Oktyabr 2026, 13:19
Niderland XİN rəhbəri Azərbaycandan sonra Ermənistana gedəcək
Niderlandın xarici işlər naziri Tom Berendsen Azərbaycandan sonra Ermənistana səfər edəcək.Citypost.az xəbər verir ki, Berendsen bu barədə “X” hesabında paylaşım edib.O bildirib ki, səfər çərçivəsində hər iki ölkə ilə əməkdaşlığın daha da dərinləşdirilməsi, həmçinin Azərbaycan-Ermənistan sülh prosesi müzakirə olunacaq.“Azərbaycan və Ermənistanla əməkdaşlığımızı daha da dərinləşdirmək üçün bu həftə hər iki ölkəyə səfər edirəm. Həmçinin həmkarlarım Ceyhun Bayramov və Ararat Mirzoyanla Azərbaycan-Ermənistan sülh prosesi barədə danışacağam. Niderland davamlı sülhə doğru atılacaq növbəti addımları dəstəkləyir”, – Berendsen qeyd edib.This week, I am visiting Azerbaijan and Armenia to further deepen our cooperation with both countries. I will also discuss the Azerbaijan-Armenia peace process...
26 Oktyabr 2026, 11:53
