Rövşən Muradov: Qubadlının potensialı ölkənin ümumi tərəqqisinə xidmət edəcək
Siyasət 24 Oktyabr 2026, 14:29
2077
Qubadlının inkişaf perspektivlərini qiymətləndirərkən bu bölgənin gələcəyini geniş iqtisadi və coğrafi imkanlar kontekstində nəzərdən keçirmək xüsusi əhəmiyyət daşıyır. Həkəri və Bərgüşad çayları hövzəsində yerləşən rayon təbii sərvətləri, kənd təsərrüfatı ənənələri və nəqliyyat əlaqələri baxımından Şərqi Zəngəzurun sosial-iqtisadi sistemində mühüm mövqeyə malikdir. Qubadlı Şəhəri Günü münasibətilə diqqət yetirilməli əsas məsələlərdən biri məhz azad edilmiş torpaqlarda həyatın uzunmüddətli, dayanıqlı və iqtisadi cəhətdən əsaslandırılmış şəkildə təşkili prosesidir.
Bu sözləri Milli Məclisin deputatı Rövşən Muradov Citypost.az saytına açıqlamasında bildirib.
Deputatın sözlərinə görə, bu baxımdan Nazirlər Kabinetinin 9 sentyabr 2025-ci ildə təsdiq etdiyi Qubadlı şəhərinin 2040-cı ilədək inkişafına dair Baş plan mühüm strateji sənəddir. Şəhərin gələcək məkan quruluşunun müəyyənləşdirilməsi yaşayış məhəllələrinin, ictimai xidmətlərin, mühəndis-kommunikasiya xətlərinin və nəqliyyat şəbəkəsinin əlaqəli planlaşdırılmasını tələb edir. Müasir şəhərçilikdə əsas göstərici tikilən obyektlərin sayı ilə yanaşı, həmin obyektlərin insanların gündəlik həyatını nə dərəcədə rahatlaşdırması, iqtisadi fəaliyyəti nə qədər stimullaşdırması və gələcək nəsillərin tələbatına hansı səviyyədə cavab verməsidir.
R. Muradov qeyd edib ki , Qubadlı şəhərində nəzərdə tutulan ilk yaşayış məhəlləsi bu yanaşmanın əməli ifadələrindəndir. Layihədə 21 yaşayış binasında 176 mənzilin yerləşdirilməsi planlaşdırılır. Mahruzlu kəndində birinci mərhələdə 190 evin inşası və 836 sakinin, Zilanlı kəndində isə 159 evin tikintisi və 772 nəfərin məskunlaşdırılması nəzərdə tutulur. Bu göstəricilər Böyük Qayıdışın yaşayış mühitinin formalaşdırılması ilə paralel aparıldığını göstərir. Məskunlaşma prosesinin davamlı nəticə verməsi üçün məktəb, səhiyyə xidməti, iş yerləri və yerli sahibkarlıq imkanları vahid inkişaf məntiqi daxilində genişlənməlidir. Şəhərdə 600 şagird yerlik məktəb və 91 çarpayılıq Mərkəzi Xəstəxana üçün təməlqoyma mərasimlərinin keçirilməsi sosial infrastrukturun da planlaşdırmanın tərkib hissəsi olduğunu göstərir. İctimai xidmətlərin vaxtında və əlçatan təşkili ailələrin doğma yurdda daimi məskunlaşmasına birbaşa təsir göstərir.Rayonun iqtisadi gələcəyi onun tarixi təsərrüfat təcrübəsi ilə də bağlıdır. Qubadlıda işğaldan əvvəl taxılçılıq, üzümçülük, tütünçülük, bostançılıq və heyvandarlıq geniş yayılmışdı. Məhsuldar əkin sahələri, örüş-otlaq ehtiyatları və çay vadilərinin potensialı kənd təsərrüfatının yenidən təşkilinə əsas verir. Bununla yanaşı, təbii ehtiyatlardan istifadə ekoloji tarazlığın qorunması, suyun səmərəli idarə edilməsi və yerli istehsalın emal imkanları ilə tamamlanmalıdır. Belə əlaqələndirmə kəndlərin iqtisadi dayanıqlığını artırmaq baxımından xüsusi əhəmiyyət daşıyır.
Millət vəkili əlavə edib ki , infrastrukturun qurulması bu inkişaf modelinin dayaq sütunudur. 2021-ci ildə istifadəyə verilmiş “Qubadlı” yarımstansiyası və yeni elektrik ötürücü xətləri bölgənin enerji təminatının möhkəmləndirilməsinə xidmət edir. Rayon üzrə 2040-cı ildə elektrik enerjisinə tələbatın 38 meqavatı ötəcəyi proqnozu təsərrüfat və məskunlaşma miqyasının gələcəkdə genişlənəcəyini göstərir. Bu, kommunal şəbəkələrin əvvəlcədən ehtiyat gücləri nəzərə alınmaqla layihələndirilməsinin vacibliyini artırır. Qubadlı–Eyvazlı avtomobil yolunun tikintisi isə yaşayış məntəqələri arasında əlaqələrin genişlənməsi və iqtisadi hərəkətliliyin artması üçün əlavə imkan yaradır. Enerji, yol və rəqəmsal rabitə şəbəkələrinin birlikdə inkişafı investisiya və məşğulluq baxımından əhəmiyyətli şərtlərdəndir.
Həmçinin oxuyun
Rövşən Muradov vurğulayıb ki, Qubadlı Şəhəri Günü tarixə ehtiramı gələcək qarşısında məsuliyyətlə birləşdirən mühüm ictimai məna daşıyır. Bu gün azad edilmiş ərazilərdə dövlətin uzunmüddətli inkişaf iradəsini, insanların doğma yurdlarında ləyaqətli yaşayış imkanlarının yaradılmasını və regionun iqtisadi potensialının ölkənin ümumi tərəqqisinə inteqrasiyasını əks etdirir. Qubadlının gələcəyi bərpa ilə məskunlaşmanın, məskunlaşma ilə məşğulluğun, iqtisadi inkişafla sosial rifahın bir-birini tamamladığı yanaşma üzərində qurulur.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Hikmət Hacıyev: Ermənistan Azərbaycan xalqından üzr istəməlidir
"Müəyyən hadisələr var ki, onu tarixdən silə bilmərik”.Citypost.az xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “Bakı Mədəniyyət və Media Dialoqu Platforması” çərçivəsində keçirilən “Sülhün dili və dezinformasiyaya qarşı mübarizə” mövzusunda xüsusi sessiyada deyib."Amma biz revanş almaq niyyətində deyilik. Əbədi sülhün baş verməsi üçün hələ də addımlar atılmalı, təşəbbüslər irəli sürülməlidir. Ermənistan Azərbaycan xalqından üzr istəməlidir. Ermənistan cəmiyyəti 30 il öz doğma yurduna qayıda bilməyən azərbaycanlılara üzr ünvanlamalıdır”, - Prezidentin köməkçisi deyib....
26 Oktyabr 2026, 16:01
Hikmət Hacıyev: CNN-in Azərbaycanla bağlı məqaləsi tamamilə yanlış idi
CNN-in İran-İsrail müharibəsi dövründə Azərbaycanla bağlı dərc etdiyi məqalə tamamilə yanlış idi.Citypost.az xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “Bakı Mədəniyyət və Media Dialoqu Platforması” çərçivəsində keçirilən “Sülhün dili və dezinformasiyaya qarşı mübarizə” mövzusunda xüsusi sessiyada deyib.Prezidentin köməkçisi bildirib ki, texniki olaraq bu, mümkünsüz idi: “İsrail necə hərbi avadanlığı bura daşıya bilər?! Bu olsa, bunu görmək peykdən və ya başqa qurğulardan görmək çox asandır. Bu iddialar mümkün deyildi. Azərbaycan elə coğrafiyda yerləşirdi ki, bu iddialar mümkün deyildi. Bu yalnız sosial mediada deyil, peşəkar mediada da dezinformasiyalar baş verir.Bu, Azərbaycan əleyhinə...
26 Oktyabr 2026, 15:58
Berendsen: Azərbaycanın sülh prosesində liderliyi təqdir olunur
"Azərbaycanın sülh prosesində liderliyi çox yüksək qiymətləndirilir”.Citypost.az xəbər verir ki, bunu Niderland Krallığının xarici işlər naziri Tom Berendsen Azərbaycan xarici işlər naziri Ceyhun Bayramovla birgə mətbuat konfransında deyib.Nazir bildirib ki, Niderland bir çox ölkələrdə minatəmizləmə fəaliyyətinə dəstək göstərir: “Azərbaycanda da bu imkanı araşdırıb nəzərdən keçirə bilərik”.
26 Oktyabr 2026, 13:33
Ceyhun Bayramov Niderland XİN rəhbəri ilə regional məsələləri müzakirə edib
Azərbaycan Respublikasının xarici işlər naziri Ceyhun Bayramov Niderland Krallığının xarici işlər naziri Tom Berendsen ilə onun Azərbaycana səfəri çərçivəsində geniş tərkibdə görüş keçirib.Citypost.az xəbər verir ki, görüşdə Azərbaycan-Niderland münasibətlərinin mövcud vəziyyəti və perspektivləri, siyasi dialoqun gücləndirilməsi, ticarət və investisiya əlaqələrinin genişləndirilməsi, enerji, nəqliyyat, kənd təsərrüfatı, su idarəçiliyi, innovasiya və təhsil sahələrində əməkdaşlıq üçün yeni imkanların araşdırılması müzakirə olunub.Nazirlər Azərbaycan-Niderland Münasibətlərinin İnkişafına dair 2026–2028-ci illər üzrə Yol Xəritəsinin ikitərəfli əməkdaşlığın irəliləməsi üçün mühüm çərçivə sənədi kimi qəbul edilməsini alqışlayıblar.Həmçinin yüksəksəviyyəli təmasların, mütəmadi siyasi məsləhətləşmələrin və biznes əlaqələrinin daha da sıxlaşdırılmasının əhəmiyyəti vurğulanıb.Müzakirələr, eyni zamanda, beynəlxalq təşkilatlar çərçivəsində əməkdaşlığı, regional inkişafları və...
26 Oktyabr 2026, 13:19
Niderland XİN rəhbəri Azərbaycandan sonra Ermənistana gedəcək
Niderlandın xarici işlər naziri Tom Berendsen Azərbaycandan sonra Ermənistana səfər edəcək.Citypost.az xəbər verir ki, Berendsen bu barədə “X” hesabında paylaşım edib.O bildirib ki, səfər çərçivəsində hər iki ölkə ilə əməkdaşlığın daha da dərinləşdirilməsi, həmçinin Azərbaycan-Ermənistan sülh prosesi müzakirə olunacaq.“Azərbaycan və Ermənistanla əməkdaşlığımızı daha da dərinləşdirmək üçün bu həftə hər iki ölkəyə səfər edirəm. Həmçinin həmkarlarım Ceyhun Bayramov və Ararat Mirzoyanla Azərbaycan-Ermənistan sülh prosesi barədə danışacağam. Niderland davamlı sülhə doğru atılacaq növbəti addımları dəstəkləyir”, – Berendsen qeyd edib.This week, I am visiting Azerbaijan and Armenia to further deepen our cooperation with both countries. I will also discuss the Azerbaijan-Armenia peace process...
26 Oktyabr 2026, 11:53
Ceyhun Bayramovun Niderland xarici işlər naziri ilə təkbətək görüşü başlayıb
Azərbaycan Respublikasının xarici işlər naziri Ceyhun Bayramov və Niderland Krallığının xarici işlər naziri Tom Berendsenin təkbtək görüşü başlayıb.Citypost.az xəbər verir ki, bu barədə XİN-in "X" hesabında bildirilib.
26 Oktyabr 2026, 11:43
