Şərurlu İsfəndiyar ona da "atdı" — 39 min dollarını itirən vətəndaşın şikayətinə də baxan yoxdur
Cəmiyyət 01 May 2025, 14:31
11683
İş adamı Şərurlu İsfəndiyarın qanunsuz əməllərindən zərər çəkdiyini iddia edən vətəndaş CityPost.az saytına müraciət edib.
Heybətov Mübariz Elimxan oğlu bildirir ki, pul verib ev alsa da,illərdir mənzil üzünə həsrət qalıb. Həm pulu,həm də canı gedən vətəndaş Şərurlu İsfəndiyardan mənzilini ala bilmir.
Söhbət Xətai rayonu,Telnov küçəsi,2347/48 ünvanında yerləşən 16 mərtəbəli binanın 4-cü blokunda,2-ci mərtəbəsində yerləşən 76 kvadrat mənzildən gedir.
Mübariz Heybətovun sözlərinə görə,sözügedən mənzili rəhbəri Quliyev Azər Cəlil oğlu olan “Azərtikinti-ATF “ MMC -dən alıb.
“2008-ci ildə sözügedən şirkətə ümumilikdə 39 min dollar pul ödəsə də, mənzilini bu günə qədər ala bilmir. Evin pulunu ödəməyə gedərkən,gördüm ki, qapını sındırıblar,evə başqa adamlar girib.Mənə dedilər ki,bu tikinti Şərurlu İsfəndiyara məxsusdur.Onunla görüşdüm və problemimi bildirdim. İsfəndiyar məndən mənzil üçün əlavə pul istədi.Mən ona indiyədək 39 min dollar pul ödədiyimi bildirsəm də,qulaq asmadı.Onunla razılıq əldə edə bilmədiyim üçün hüquq-mühafizə orqanlarına müraciət etdim.Saysız-hesabsız şikayətlərimə baxmayaraq bu günədək cavab verən olmayıb.İndi də əlacsız qalmışam.Həm pulum əlimdən çıxıb,həm də mənzilim”,-deyə şikayətçi bildirib.
Həmçinin oxuyun
Qeyd edək ki,sözügedən binanın da daxil olduğu məhkəmə prosesində 2016-cı ildə keçirilən məhkəmədə Şərurlu İsfəndiyar ifadə vermişdi.
İş adamı, "Şərurlu İsfəndiyar" kimi tanınan İsfəndiyar Axundov ibtidai istintaq zamanı ifadəsində göstərib ki, iş adamı Quliyev Azər Cəlil oğlunu təxminən 2007-ci ildən tanıyır, sonuncu ilə ədavəti və düşmənçiliyi olmayıb. Quliyev Azər Cəlil oğlu "Azərtikinti ATF" MMC-nin direktoru olub. 22 may 2007-ci il tarixdə Azər Quliyevlə "Orxan" MMC-nin direktoru Əlizadə Alim Bəhro oğlu arasında birgə təsərrüfat fəaliyyəti haqqında müqavilə bağlanıb. Həmin müqaviləyə uyğun olaraq "Orxan" MMC Bakı şəhəri Telnov küçəsi 2347/48-ci məhəllədə çoxmərtəbəli binaların inşası üçün ayrılmış torpaq sahəsində olan tikintisi yarımçıq qalmış dörd ədəd 16 mərtəbəli binanın yerləşdiyi torpaq sahəsini və tikintiyə icazə verilməsi üçün nəzərdə tutulmuş bütün sənədləri qaydasına salmalı, "Azərtikinti ATF" MMC isə həmin yarımçıq binaların tikintisini tamamlayaraq təhvil verməli və bundan sonra əldə olunmuş mənfəət iki şirkət arasında bölünməli idi.
Müqaviləyə əsasən, "Azərtikinti ATF" MMC-nin tikilmiş binada mənzil satmaq səlahiyyəti olmayıb. Buna baxmayaraq, "Azərtikinti ATF" MMC-nin direktoru Azər Quliyev "Orxan" MMC-nin məlumatı olmadan binanın tikilməmiş mənzillərini satıb. Azər Quliyev binada tikilməmiş eyni mənzilləri bir neçə nəfərə satıb. Bundan başqa, Azər Quliyev Bakı şəhərində "Babək-94" MTK-da da podratçı kimi bina tikintisi ilə məşğul olub. Həmin MTK-da da eyni qaydada mənzilləri bir neçə nəfərə satıb. Həmin faktlara görə zərərçəkmiş şəxslərin şikayəti əsasında DİN-də araşdırma aparılıb və cinayət işi başlanıb.
İfadədə bildirilir ki, "Orxan" MMC tərəfindən müqavilədə nəzərdə tutulmuş öhdəliklər tam yerinə yetirildikdən sonra "Azərtikinti ATF" MMC tərəfindən həmin binalarda tikinti işlərinə başlanılıb. Müqaviləyə əsasən, "Azərtikinti ATF" MMC-nin tikilmiş binada mənzil satmaq səlahiyyəti olmayıb. Buna baxmayaraq, "Azərtikinti ATF" MMC-nin direktoru Azər Quliyev "Orxan" MMC-nin məlumatı olmadan binanın tikilməmiş mənzillərini satıb. Azər Quliyev binada tikilməmiş eyni mənzilləri bir neçə nəfərə satıb. Bundan başqa, Azər Quliyev Bakı şəhərində "Babək-94" MTK-da da podratçı kimi bina tikintisi ilə məşğul olub. Həmin MTK-da da eyni qaydada mənzilləri bir neçə nəfərə satıb. Həmin faktlara görə zərərçəkmiş şəxslərin şikayəti əsasında DİN-də araşdırma aparılıb və cinayət işi başlanıb. Həmin cinayət işinin istintaq zamanı Azər Quliyevin "Orxan" MMC-nin Bakı şəhəri Telnov küçəsi 2347/48-ci məhəllədə yerləşən tikintisi başa çatmamış binalarda yerləşən, tikilməmiş mənzilləri ayrı-ayrı şəxslərə satması faktları aşkara çıxıb. Bundan sonra həmin faktlara görə də istintaq orqanı tərəfindən araşdırmalar aparılıb. Təxminən 2008-ci ilin əvvəllərində "Orxan" MMC təsisçisi olduğu "Şaiq" MTK-ya qoşulub. Bundan sonra Azər Quliyevin qanunsuz olaraq vətəndaşlara satdığı mənzillərdən əldə etdiyi vəsait sonuncunun əvəzindən zərərçəkmiş şəxslərə ödənilib. Hətta tərəfindən ödənilmiş vəsait Azər Quliyevin binanın tikintisinə sərf etdiyi vəsaitdən təxminən 800.000 manat artıq olub.
Bundan sonra binanın tikintisinə dair Azər Quliyevlə bağlanmış müqavilə ləğv edilib və Azər Quliyev tikintidən uzaqlaşdırılıb. "Şaiq" MTK tərəfindən həmin binalarda tikinti işləri davam etdirilərək tikinti başa çatdırılıb, Azər Quliyevin isə barəsində istintaq olunan cinayət işi üzrə barəsində həbs qətimkan tədbiri seçilib. Azər Quliyev barəsində cinayət işi üzrə istintaq başa çatdırıldıqdan sonra iş Bakı Ağır Cinayətlər Məhkəməsinə göndərilib. Məhkəmə Azər Quliyev törətmiş olduğu əməllərə görə təqsirli bilərək 10 il müddətinə azadlıqdan məhrum etmə cəzasına məhkum edib. "Orxan" MTK deyil, MMC olub. Həmin cəmiyyətin Milli Təhlükəsizlik Nazirliyinə heç bir aidiyyəti olmayıb. MMC Naxçıvan MR-da yaradılmaqla orada Ədliyyə Nazirliyində 21.11.2003-cü ildə qeydiyyatdan keçib. Cəmiyyətin təsisçisi Şərur rayonu Düdəngə kənd sakini İbrahimov Asəf Səfəralı oğlu olub. Cəmiyyətin başqa təsisçisi olmayıb, icraçı direktor isə Əlizadə Alim Bəhro oğlu təyin edilib.
İ.Axundov bildirib ki, "Şaiq" MTK və "Orxan" MMC-nin MTN ilə heç bir əlaqəsi olmayıb. Həmin bina MTN-nin sifarişi ilə tikilməyib. Həmin binanın sifarişçisi "Orxan" MMC, podratçısı isə "Azərtikinti ATF" MMC olub. Azər Quliyev həmin tikintidə təxminən 1.300.000 manatlıq iş görüb. Həmin tikintinin Quliyev Azər Cəlil oğluna verəcəyi hansısa bir borcu yoxdur. Əksinə o, əlavə 800.000 manatlıq mənzili zərərçəkmiş şəxslərə verib.
CityPost.az məsələ ilə bağlı iş adamından münasibət öyrənməyə çalışsa da,telefon zənglərinə cavab verən olmadı.Sayt məsələ ilə bağlı hüquq-mühafizə orqanlarının mətbuat xidmətlərinə sorğu ünvanlayıb.
Müəllif: Miri Məcidli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Bir sıra birinci instansiya məhkəmələrinə hakimlər təyin edilib
Bir sıra birinci instansiya məhkəmələrinə hakimlər təyin edilib.CityPost.az xəbər verir ki, Prezident İlham Əliyev bununla bağlı Sərəncam imzalayıb.Sərəncamla aşağıdakı hakimlər birinci instansiya məhkəmələrinin hakimləri təyin ediliblər:ağır cinayətlər məhkəmələri üzrə:Bakı Ağır Cinayətlər MəhkəməsiƏsgərova-Məmmədova Leyla Səyavuş qızıMəmmədzadə Səbinə Adil qızıLənkəran Ağır Cinayətlər MəhkəməsiHüseynov Nahid Nəsir oğluSumqayıt Ağır Cinayətlər MəhkəməsiRzayeva Aynur Tapdıq qızıinzibati məhkəmələr üzrə:Bakı İnzibati MəhkəməsiAlmazova Aysev Mehman qızıMəlikov Tural Rauf oğluŞəki İnzibati MəhkəməsiHacızadə Fəxri Hümmət oğluŞirvan İnzibati MəhkəməsiHüseynova Amilya Aqil qızıNəcəfov Hilal Nəcəfalı oğlukommersiya məhkəmələri üzrə:Bakı Kommersiya MəhkəməsiƏhmədova Nərmin Məzahir qızıGəncə Kommersiya MəhkəməsiQuliyeva Gülnaz Elxan qızıSumqayıt Kommersiya MəhkəməsiAlıyeva Həlimə Rəşid qızıBakı şəhərinin rayon məhkəmələri üzrə:Bakı şəhəri Binəqədi Rayon MəhkəməsiSadıqova Aynurə Vahid...
01 İyul 2025, 16:28
Bakının Kremlə cavabı yeni başlayır: Hələ 355 “yuva” var
Dünən “Sputnik Azərbaycan”da keçirilən əməliyyat və FTX-nin iki agentinin həbsi rəsmi Bakının Kremlə “Rus evi”nin bağlanmasından sonra ikinci mesajıdır. Belə ki, Daxili İşlər Nazirliyinin “Sputnik Azərbaycan”ın ofisində keçirdiyi əməliyyatla bağlı rəsmi açıqlamasında bildirilir: “Rossiya Seqodnya" İnformasiya Agentliyinin Bakı filialının (“Sputnik Azərbaycan”) 2025-ci ilin fevralında akkreditasiyası dayandırılsa da, qanunsuz maliyyələşmə əsasında fəaliyyətini davam etdirməsinə dair daxil olmuş əməliyyat məlumatı əsasında DİN araşdırmalara başlayıb. İyunun 30-da filialın ofisində əməliyyat-axtarış tədbirləri keçirilib, saxlanılanlar var...”CityPost.az Bakupost.az-a istinadla xəbər verir ki, fevralda fəaliyyəti dayandırılan və yalnız bir müxbir vasitəsilə akkreditasiyadan keçməsinə şərait yaradılan “Sputnik Azərbaycan”ın qanunsuz maliyyələşmə ilə fəaliyyət göstərməsi haqda tam 4 aydan...
01 İyul 2025, 14:23
İran Prezidenti Xankəndiyə səfər edəcək
İran Prezidenti Məsud Pezeşkian Azərbaycana səfər edəcək."Report"un əldə etdiyi məlumata görə, onun bu il iyulun 3-4-də Xankəndidə keçirilməsi planlaşdırılan İqtisadi Əməkdaşlıq Təşkilatına (ECO) üzv ölkələrin XVII Zirvə görüşündə iştirakı nəzərdə tutulub.Xatırladaq ki, Prezident İlham Əliyev bu günlərdə iranlı həmkarı Məsud Pezeşkianı Azərbaycanda keçiriləcək ECO Sammitinə dəvət edib.
01 İyul 2025, 11:21
Aran rayonlarında 35 dərəcə isti olub
Azərbaycanda iyulun 1-i saat 10:00-a olan məlumata əsasən ölkə ərazisinin bəzi yerlərində yağıntılı və küləkli hava şəraiti müşahidə olunub.Bu barədə CityPost-a Milli Hidrometeorologiya Xidmətindən məlumat verilib.Qeyd edilib ki, düşən yağıntının miqdarı Gədəbəydə 12, Şahdağda 7, Qusarda (Laza) 6, Göygöldə 3, Naftalan, Qrız, Daşkəsəndə 2, Kəlbəcər, Qubadlı, Laçın, Şuşa, Xankəndi, Gəncə, Şəmkir, Tovuz, Balakən, Qax, Zaqatala, Şəki, İsmayıllı, Oğuz, Quba, Xaltan, Şabran, Mingəçevir, Yevlax, Göyçay, Şahbuzda 1 mm-dir.Bir sıra ərazilərdə şimal-qərb küləyi əsib. Küləyin maksimal sürəti Bakıda və Abşeron yarımadasında 21, Şahdağ və Mingəçevirdə 20, Culfada 18, Naftalanda 16, Şəkidə 15 m/s-dək güclənib.Havanın maksimal temperaturu iyunun 30-da Bakıda və Abşeron yarımadasında...
01 İyul 2025, 10:44
Bu gündən Azərbaycanda qohum evliliyi qadağan edilir
Bu gündən Azərbaycanda əmi, xala, bibi və dayı uşaqlarının evliliyinə qoyulan qadağa qüvvəyə minir.Bu, Prezident İlham Əliyevin təsdiqlədiyi Ailə Məcəlləsinə dəyişiklikdə öz əksini tapıb. Belə ki, iyulun 1-dən nikahın bağlanmasına mane olan halların sayı artırılır.Ailə Məcəlləsinə aşağıdakı hallar əlavə edilir.- qardaşların və (və ya) bacıların ümumi bioloji baba və (və ya) nənəsi olan uşaqları;- bioloji qohumluğu olan əmi (dayı) və qardaş (bacı) qızı, həmçinin bibi (xala) və qardaş (bacı) oğlu;...
01 İyul 2025, 08:52
Qətərdən Qəzza açıqlaması
Qəzza zolağında hərbi əməliyyatların dayandırılması üzrə danışıqlar hazırda davam etmir, lakin vasitəçilərin iştirakı ilə təmaslar var. CityPost.az xəbər verir ki, bu barədə Qətər Xarici İşlər Nazirliyinin rəsmi nümayəndəsi Məcid əl-Ənsari mətbuat konfransında bildirib.“Hazırda Qəzza zolağındakı vəziyyətlə bağlı danışıqlar aparılmır, lakin onlara qayıtmaq üçün təmaslar var”, - diplomat bildirib.Onun sözlərinə görə, son vaxtlar beynəlxalq ictimaiyyətin Qəzzada axan qanlara məhəl qoymaması çox çətinləşib.O, əlavə edib ki, ABŞ ciddi şəkildə danışıqlara qayıtmağa cəhd etmək niyyətindədir, lakin burada çətinliklər var.May ayında RİA Novosti baş nazirin dəftərxanasının müşaviri Dmitri Gendelmana istinadən xəbər vermişdi ki, İsrail 2025-ci ilin aprelində növbəti çıxılmaz vəziyyətə düşmüş Qəzzada vəziyyətlə bağlı...
30 İyun 2025, 17:31
