Maskdan İDDİA: Onu öldürmək istəyirlər?
Dünya 19 Mart 2025, 17:14
13724
ABŞ-da Hökumətin Səmərəliliyi Departamentinin (DOGE) rəhbəri, milyarder iş adamı İlon Mask pis insanların onu öldürmək istədiyini iddia edib.
Citypost.az xəbər verir ki, son həftələrdə federal bürokratiyanı azaltmaq səylərinə görə tənqid hədəfinə çevrilən Mask bu barədə "Fox News"un aparıcısı Sean Hannity ilə danışıb.
Prezident Donald Trampın ikinci dönəmində administrasiyada aktiv rol oynayan Mask müsahibəsində “Belə çıxır ki, insanlar, bildiyiniz kimi, saxta yolla aldıqları pulları əlindən alanda çox əsəbləşirlər” deyib.
"Və onlar əsasən məni öldürmək istəyirlər, çünki mən onların fırıldaqlarını dayandırıram və onlar Teslaya zərər vermək istəyirlər, çünki biz hökumətdəki dəhşətli israfı və korrupsiyanı dayandırırıq və məncə, onlar pis insanlardır. Pis insanlar pis işlər görür", - Mask deyib.
Şirkəti "Tesla"nın sülhsevər olduğunu iddia edən Mask, "Mən heç vaxt zərərli bir şey etməmişəm. Mən yalnız məhsuldar işlər görmüşəm. Düşünürəm ki, burada bir növ ruhi xəstəlik var".
Daha əvvəl ona qarşı heç bir nümayiş keçirilmədiyinə diqqət çəkən Mask, "Məncə, iş başında daha böyük qüvvələr var, bəs bunu kim maliyyələşdirir və kim koordinasiya edir? Çünki bu, çılğınlıqdır. Daha əvvəl belə bir şey görməmişdim",-deyə qeyd edib.
"Tesla" dilerləri qarşısında etirazlar
Ayın əvvəlindən ölkənin müxtəlif yerlərində Maskın Baş İcraçı Direktoru (CEO) olduğu "Tesla"nın avtosalonları qarşısında nümayişlər keçirilir və etirazlar zamanı bəzi şəxslər saxlanılıb.
Prezident Tramp özünün baş məsləhətçisi təyin etdiyi Maska dəstəyini göstərmək üçün "Tesla" avtomobili alıb.
Tramp vurğuladı ki, "Tesla" dilerlərinə qarşı zorakılıq aktları məişət terroru kimi səciyyələndiriləcək və cinayətkarlar üçün ağır nəticələrə səbəb olacaq.
Yeganə
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
İqlim dəyişikliyi Ficidə kəndləri təhlükə altına salır
Dəniz səviyyəsinin yüksəlməsi və güclü siklonlar dünyanın bir çox ada icmalarının gələcəyini təhlükə altına alır. Lakin bəzi sakinlər üçün əcdadlarının torpağını tərk etməkdənsə, təbii fəlakətlərə qarşı mübarizə aparmaq daha vacibdir.Citypost.az xarici KİV-lərə istinadən xəbər verir ki, Ficinin Serua adasının sakinləri iqlim dəyişikliyi ilə bağlı artan təhlükələrə baxmayaraq, kəndlərini başqa yerə köçürmək çağırışlarını rədd edirlər. Onlar evlərini və mədəni irslərini qorumaq üçün adanın müdafiəsini gücləndirməyə üstünlük verirlər.Dəniz səviyyəsinin yüksəlməsi, sahil eroziyası və güclü siklonlar adada yaşayış evlərinə, əkin sahələrinə və qəbiristanlıqlara zərər vurur. 2025-ci ildə hazırlanan risk qiymətləndirməsinə əsasən, adadakı evlərin təxminən 20 faizi kritik vəziyyətdədir, yarıdan çoxunun isə təməlləri, dam...
27 Oktyabr 2026, 09:58
Meqan “Junior MasterChef Australia” verilişində iştirak edəcək
Şou-biznes nümayəndələrinin televiziya layihələrində iştirakı tamaşaçıların diqqətini cəlb etməkdə davam edir. Susseks hersoginyası Meqan da bu dəfə gənc istedadların yarışdığı məşhur kulinariya proqramında görünəcək.Citypost.az xarici KİV-lərə istinadən xəbər verir ki, şahzadə Harrinin həyat yoldaşı Meqan gələn il “Junior MasterChef Australia” verilişinin xüsusi qonağı olacaq.Bu il “MasterChef Australia” layihəsində qonaq münsif kimi iştirak edən Meqan bildirib ki, gənc aşpazlarla işləmək təklifini məmnuniyyətlə qəbul edib. O, öz uşaqları ilə yemək bişirməyi sevdiyini və yarışma iştirakçılarının mətbəxdə yaradacaqları yeməkləri görməkdən zövq alacağını vurğulayıb.Avstraliyanın ABC telekanalının məlumatına görə, verilişin çəkilişləri gələn il Melburnda aparılacaq.Xatırladaq ki, Meqan və şahzadə Harri 2018-ci ildə evləniblər. Cütlük 2020-ci...
27 Oktyabr 2026, 09:55
Eisenkot Netanyahunu hakimiyyətdən uzaqlaşdırmağa çalışır
İsraildə keçirilən seçkilər ölkənin gələcək siyasi kursu və Baş nazir Benyamin Netanyahunun hakimiyyətdə qalması baxımından mühüm əhəmiyyət daşıyır. Müxalifətin əsas namizədlərindən Qadi Eisenkot isə cəmiyyətdəki parçalanmanı aradan qaldırmağı və ölkənin beynəlxalq imicini bərpa etməyi vəd edir.Citypost.az saytı xarici KİV-lərə istinadən xəbər verir ki, İsrail ordusunun keçmiş baş qərargah rəisi, 66 yaşlı Qadi Eisenkot seçkilərdə Netanyahunun əsas rəqiblərindən biri kimi çıxış edir. 2015–2019-cu illərdə İsrail ordusuna rəhbərlik edən Eisenkot ciddi və təmkinli siyasi üslubu ilə hazırkı baş nazirdən fərqlənir.Eisenkot Qəzzada üç il davam edən müharibədən sonra ölkənin beynəlxalq nüfuzunu bərpa edəcəyini, Qərb Sahilində fələstinlilərə qarşı zorakılıq törədən ekstremistlərə qarşı tədbirlər görəcəyini...
27 Oktyabr 2026, 09:53
Mbappe Çində iki böyük brendin reklam əməkdaşlığından kənarlaşdırılıb
Dünya futbolunun ulduzları üçün reklam müqavilələri yalnız idman uğurları ilə deyil, ictimai açıqlamalar və sosial mediada yayılan paylaşımlarla da bağlıdır. Fransalı futbolçu Kilian Mbappe Çində yayılan mübahisəli video səbəbindən iki böyük şirkətlə əməkdaşlığını itirib.Citypost.az saytı AFP-yə istinadən xəbər verir ki, Çinin içki istehsalçısı Dongpeng və süd məhsulları şirkəti Mengniu Mbappe ilə əməkdaşlığı dayandırıb. Qərara futbolçunun keçmiş Çin lideri Mao Zedunla bağlı zarafat etdiyi videonun yayılması səbəb olub.Şirkətlər videodakı ifadələri Çin xalqının milli hisslərinə hörmətsizlik kimi qiymətləndiriblər. Bununla belə, AFP videonun həqiqiliyini müstəqil şəkildə təsdiqləməyib.Əli...
27 Oktyabr 2026, 09:51
İndoneziyada meşə yanğınları minlərlə insanın sağlamlığına zərər vurub
İqlim və ətraf mühit problemləri dünyanın müxtəlif bölgələrində insanların həyatına ciddi təsir göstərir. İndoneziyanın Borneo adasında davam edən meşə yanğınları nəticəsində yayılan zəhərli tüstü sakinlər üçün ciddi təhlükəyə çevrilib.Citypost.az saytı AFP-yə istinadən xəbər verir ki, Mərkəzi Kalimantan əyalətində tüstü səbəbindən 11 mindən çox insan tənəffüs yolu xəstəlikləri ilə bağlı tibbi yardım alıb. Avqust-oktyabr aylarında ölkənin yeddi əyalətində 300 mindən çox tənəffüs yolu infeksiyası qeydə alınıb.Məlumata görə, yanğınlar nəticəsində 1,9 milyon hektardan çox ərazi alovların təsirinə məruz qalıb. Hakimiyyət orqanları zərərçəkənlərə yardım göstərmək üçün pulsuz müalicə məntəqələri və oksigen təmin edən avtobuslar təşkil edib.Turan...
27 Oktyabr 2026, 09:49
Ukraynada hərbi vəziyyət daha 90 gün uzadılıb
Ukrayna Ali Radası ölkədə hərbi vəziyyətin müddətinin daha 90 gün uzadılmasına dair qanun layihəsini qəbul edib.Bu barədə "Ukrinform" məlumat yayıb.Məlumata görə, lehinə 293 deputatın səs verdiyi qərara əsasən, Ukraynada hərbi vəziyyətin müddəti 31 oktyabr 2026-cı ildən 29 yanvar 2027-ci ilədək uzadılıb.Bu, Ukraynada tammiqyaslı müharibənin başlanmasından sonra hərbi vəziyyətin müddətinin 21-ci dəfə uzadılmasıdır.Ukraynada hərbi vəziyyət və ümumi səfərbərlik 24 fevral 2022-ci ildən qüvvədədir.Bundan əvvəl hərbi vəziyyətin müddəti 2 avqust–31 oktyabr 2026-cı il tarixləri üçün 90 gün uzadılmışdı. ...
26 Oktyabr 2026, 16:45
