Barəsində rüşvət qalmaqalı yaranan şəxsə yüksək vəzifə verdi — Nazirlikdən məsələyə reaksiya
Hadisə 14 Aprel 2025, 15:08
36003
Ekspertin öz verdiyi rəyi təkzib etməsi qalmaqala səbəb olub.
Citypost.az saytı xəbər verir ki, Oxu24.com saytına Azərbaycan Respublikası Səhiyyə Nazirliyinin “Məhkəmə Tibbi Ekspertiza və Pataloji Anatomiya Birliyi”, Publik Hüquqi Şəxsin vəzifəli şəxsləri baş direktor, professor Ədalət Həsənov və həmin qurumun hazırda Komisyon Ekspertizalar Şöbəsinin rəisi Cavid Cahangirli barədə maraqlı məlumatlar daxil olub.
Belə ki, məlumatı saytımıza verən şəxs M.Ş.M-nın iddiasına görə 2015-ci ildə Bakı Şəhər Prokrorluğunda onun barəsində istintaq araşdırılması apardığı dövrdə tibbi ekspert Cavid Cahangirli ondan qırx min manat almaqla istintaqa cəlb edilməmək şərti ilə barəsində ağır (xroniki pankreatit, qaraciyərin polikistozu və xroniki hepatit) xəstəliyin daşıyıcı olduğuna dair 174/KEŞ nömrəli, 27 May 2016-cı il tarixli tibbi-ekspert rəyi verilib.
Dərhal onun barəsində açılmış cinayət işinin təqibi həmin tibbi rəyə əsasən dayandırılıb.
Lakin 2017-ci ilin sentyabr ayında cinayət işi Bakı şəhəri Səbail Rayon Polis İidarəsinin istintaq şöbəsindən alınaraq davam etdirilməsi üçün Bakı Şəhər Prokrorluğunun istintaq idarəsinin müstəntiqi Zöhrab Səməndovun icraatına verilib.
Özünün şikayətçiyə dediyi sözlərə görə,Bakı Şəhər Prokrorluğunun təpkisinə dözə bilməyən Cavid Cahangirli M.Ş.M-nın müalicəsinin Ədliyyə Nazirliyinin Penitensiar Xidmətin Mərkəzləşmiş Xəstəxanasında davam etdirilə biləcəyinə dair (öz verdiyi rəyi ləğv etməklə) 276/KEŞ nömrəli, 06 sentyabr 2017-ci il tarixdə yeni tibbi rəy verib.
Cavid Cahangirli M.Ş.M-a baş verənlərin səbəbini aldığı qırx min manatın beş min manatını qaytararaq belə izah edib ki, onun barəsində istintaqı təqib edən Bakı Şəhər Prokrorluğu israrla verdiyi tibbi rəyin ləğv edilməsini tələb etdiyi üçün belə addım atıb.
O qalan pulların baş direktor Ədalət Həsənova, şöbə rəisi Ziyafəddin Məmmədova və digər tibbi ekspert Rafik Nuriyevə çatdığını söyləyib və 10 gün ərzində həmin şəxslərdən qalan pulları alıb qaytaracağına söz verib.
Aralarındakı söhbətdən üç gün sonra M.Ş.M istintaq orqanı tərəfindən həbsə alınıb. M.Ş.M yaxın adamları onun sifarişi ilə Cavid Cahangirlidən qalan pulları tələb etsə də, O, ümumiyyətlə, tələbkarı tanımadığını, aralarında belə bir şey olmadığını bildirib.
Həbs yerindən M.Ş.M dəfələrlə verdiyi pulların qalan hissəsini tələb etməkdən ötrü zəng etsə də, Cavid Cahangirli onun zənglərini cavabsız qoyub. Məcburiyyət qarşısında qalan iddiaçı Cavid Cahangirlinin qanunsuz hərəkətlərindən Baş Prokrorluğa şikayət ünvanlayıb. Cavid Cahangirli bundan sonra istintaqa cəlb olunub. İstintaq zamanı çoxsaylı şahid ifadələri alınmış, sorğular verilmiş, müvafiq ekspertizalar təyin edilmiş, hadisənin baş verdiyi ərəfədə iddiaçının və MTE və PA Birliyinin tibbi eksperti Cavid Cahangirlinin istifadəsində olmuş mobil telefon nömrələrindən çıxarışlar edilmiş, üzləşmə və digər zəruri istintaq hərəkətləri aparılmışdır. Şikayət əsasında tibbi ekspert Cavid Cahangirli barəsində toplanmış materiallar Azərbaycan Respublikası Cinayət Məcəlləsi 126.3 və 309.1-ci maddələri ilə başlanmış 190206051 nömrəli cinayət işinə əlavə edilmişdir.
Oxu24.com araşdırma aparan zamanı bir sıra maraqlı nüaslar ortaya çıxıb. Məlum olub ki, baş direktor Ədalət Həsənov Baş Prokrorluğun barəsində araşdırma apardığı şəxsi – yəni adi tibbi ekspert Cavid Cahangirlinin səlahiyyətlərini məhdudlaşdırmaq əvəzinə, aqibəti bəlli olmayan qalmaqaldan sonra Azərbaycan Respublikasının Əmək Məcəlləsinə məhəl qoymadan onu daha yüksək vəzifəyə -komisyon ekspertizalar şöbəsinə rəis təyin edib.
Mövcud təyinatın Cavid Cahangirlinin hansı müsbət göstəricisinə görə olduğunu öyrənməkdən ötrü “MTE və PAB” phş-nin baş direktoru , professor Ədalət Həsənov KİV haqqında qanun tələblərini pozaraq sorğumuzu cavabsız qoydu.
Həmçinin oxuyun
Sayt baş direktor Ədalət Həsənovun və Komisyon Ekspertizalar Şöbəsinin rəisi Cavid Cahangirlinin də mövqelərini işıqlandırmağa hazırdır.
Qeyd olunan iddialarla bağlı Səhiyyə Nazirliyinə sayt tərəfindən sorğu ünvanlanıb.
Səhiyyə Nazirliyindən verilən məlumata görə,Cavid Cahangirli Məhkəmə-Tibbi Ekspertiza və Patoloji Anatomiya Birliyində vəzifəyə təyin edilməsində hər hansı qanun pozuntusu mövcud deyil.
"Qeyd edək ki, əvvəllər cinayət məcəlləsinin dələduzluq maddəsi ilə məhkum olunan vətəndaşın müraciəti əsasında 2017-ci ildə Prokurorluqda araşdırma başlanılıb. Cavid Cahangirli sorğuda qeyd edilən 190206051 nömrəli cinayət işində təqsirləndirilən şəxs kimi cəlb edilməyib, ondan şahid ifadəsi alınıb. Barəsində hər hansı məhdudiyyət tətbiq olunmayıb",-deyə məlumatda qeyd edilir.
Hazırladı: Miri Məcidli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Xırdalanda 36 yaşlı qadın qəza qurbanı oldu
Bakı-Quba avtomobil yolunun Xırdalan şəhəri ərazisindən keçən hissəsində ölümlə nəticələnən ağır yol qəzası qeydə alınıb.Citypost.az xəbər verir ki, hadisə zamanı yolu keçmək istəyən 36 yaşlı Yasəmən Dadaşovanı "Ford" markalı avtomobil vurub.Zərbənin təsirindən ağır xəsarətlər alan qadın hadisə yerində dünyasını dəyişib.Faktla bağlı hüquq-mühafizə orqanları tərəfindən araşdırma aparılır.
01 Oktyabr 2026, 15:48
Bərdədə 26 yaşlı oğlan qətlə yetirilib, saxlanılan var
Bərdədə şəxsin qəsdən öldürülməsi faktı ilə bağlı cinayət işi başlanıb.Baş Prokurorluğun Mətbuat xidmətindən Citypost.az-a bildirilir ki, sentyabrın 30-da Bərdə rayonu Mollaəhməd kəndi ərazisində 2000-ci il təvəllüdlü Elnur Rüstəmovun üzərində kəsilmiş-deşilmiş xəsarətlər olan meyitinin aşkar edilməsi faktı ilə bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanaraq istintaq aparılır.İlkin araşdırmalarla cinayətin Cavad Hüseynov tərəfindən törədilməsinə əsaslı şübhələr müəyyən edildiyindən o, prokurorluq tərəfindən iş üzrə şübhəli şəxs qismində tutulub.İbtidai istintaq davam edir....
30 Sentyabr 2026, 13:12
Sumqayıtda yük maşınının vurduğu piyada ölüb
Sumqayıtda piyadanın ölümü ilə nəticələnən yol-nəqliyyat hadisəsi baş verib.Citypost.az xəbər verir ki, hadisə Bakı-Quba avtomobil yolunun şəhər ərazisindən keçən hissəsində baş verib.İlkin məlumata görə, 1991-ci il təvəllüdlü Ceyhun Niftəliyevin sükanı arxasında olduğu "Mercedes Atego" markalı yük avtomobili 1973-cü il təvəllüdlü Qəhrəman Həmidovu vurub.Müxtəlif dərəcəli bədən xəsarətləri alan piyada dərhal xəstəxanaya çatdırılsa da, onun həyatını xilas etmək mümkün olmayıb.
30 Sentyabr 2026, 09:06
Bakıda qadın qətlə yetirilib, əri saxlanılıb
Bakıda kişi həyat yoldaşını qətlə yetirməkdə təqsirli bilinir.APA-nın xəbərinə görə, hadisə bu gün günorta saatlarında Binəqədi rayonunda baş verib.42 yaşlı Rafət Ağalarovun həyat yoldaşı 40 yaşlı Esmira Ağalarovanı boğaraq qətlə yetirdiyi bildirilir.Qətli törətməkdə şübhəli bilinən Rafət Ağalarov saxlanılıb. Hadisənin baş verməsinə qadının ərindən boşanmaq istəməsinin səbəb olduğu deyilir.Faktla bağlı Cinayət Məcəlləsinin 120.1-ci (Qəsdən adam öldürmə) maddəsi ilə cinayət işi başlanıb.Araşdırma aparılır....
29 Sentyabr 2026, 19:22
Sumqayıtda iki avtomobil toqquşub, xəsarət alanlar var
Sumqayıt şəhərində yol-nəqliyyat hadisəsi baş verib.Citypost.az xəbər verir ki, şəhər ərazisində "BYD" və "Ford" markalı avtomobillər toqquşub.Qəza nəticəsində "Ford" avtomobili aşıb, xəsarət alanlar var.Faktla bağlı araşdırma aparılır. (Report)
29 Sentyabr 2026, 13:45
Lənkəranda 150 min manatdan çox dələduzluq edən şəxs saxlanılıb
Lənkəranda dələduzluq yolu ilə vətəndaşların 150 min manatdan artıq vəsaitini ələ keçirməkdə şübhəli bilinən H.Məmmədov polis əməkdaşları tərəfindən saxlanılıb.Bu barədə Citypost.az-a Daxili İşlər Nazirliyindən məlumat verilib.Araşdırmalarla müəyyən edilib ki, H.Məmmədov zərərçəkmişlərə özünü müxtəlif qurumlarlarda tanışları olan şəxs kimi təqdim edərək təqaüd düzəltmək, yüksək maaşlı işlə təmin olunma və digər yalan vədlər verib. Bu yolla o, vətəndaşların ümumilikdə 150 min manatdan artıq pul vəsaitini ələ keçirib.Faktla bağlı cinayət işi başlanılıb, H.Məmmədov barəsində məhkəmənin qərarı ilə həbs qətimkan tədbiri seçilib. Araşdırmalar davam etdirilir....
29 Sentyabr 2026, 11:05
