Pentaqonun gizli sənədlərini paylaşan ABŞ əsgəri günahını etiraf edib

ABŞ ordusunun məxfi məlumatlarını özündə əks etdirən sənədləri internetdə paylaşmaqda günahlandırılan Milli Hava Qvardiyasının keçmiş əsgəri Cek Teyşeyra ədalətin gedişinə mane olmaqda günahını etiraf edib.

Citypost.az xəbər verir ki, internetdə məxfi sənədləri paylaşmaqda günahlandırılan və 15 il həbs cəzası alan Teyşeyra yenidən məhkəmə qarşısına çıxıb.

Ədalətin gedişatına mane olmaqda günahını etiraf edən 23 yaşlı əsgər  qeyd edib: "Mənim məqsədim keçmiş ABŞ prezidenti Co Bayden administrasiyasının uydurduğu və əsas medianın Amerika xalqına təqdim etdiyi yalanları ifşa etmək idi”.

Teyşeyra həmçinin Bayden administrasiyasının Rusiya-Ukrayna müharibəsi ilə bağlı ictimaiyyəti çaşdırdığını iddia etdi.

Bildirilir ki, Teyşeyranın indiki cəzasına ədalətin gedişinə mane olmaq ittihamı ilə əlavə 10 il həbs cəzası əlavə oluna bilər.

Massaçusets Milli Hava Qvardiyasının kəşfiyyat qanadının üzvü Cek Teyşeyra 14 aprel 2023-cü ildə ABŞ ordusunun məxfi sənədlərini internetdə dərc etdiyi iddiası ilə saxlanılıb.

Qeyd edilib ki, Teyşeyranın internetə sızdırdığı iddia edilən və üzərində ABŞ-ın Birləşmiş Qərargah Rəisləri Komitəsinin gerbi olan sənədlərdə Rusiya ilə müharibə vəziyyətində olan Ukraynanın müdafiəsində potensial zəifliklər və bu ölkədə aktiv olduğu iddia edilən Böyük Britaniya xüsusi təyinatlılarının sayı barədə məlumatlar yer alıb.

Qeyd olunub ki, sənədlərdə Rusiya, İsrail, Kanada, Cənubi Koreya, Çin və İranın nüvə proqramı ilə bağlı kəşfiyyat fəaliyyətləri də daxil olmaqla mühüm məsələlərə dair hərbi və cari məlumatlar yer alıb.

Teixeira-nın internetdə paylaşdığı sənədlərin ABŞ-ın İraq və Əfqanıstanda törətdiyi cinayətləri sübut edən sənədlərin dərc edildiyi 2010-cu ildə WikiLeaks qalmaqalı və ABŞ Milli Təhlükəsizlik Agentliyinin (NSA) keçmiş əməkdaşı Edvard Snoudenin 2013-cü ildə rəqəmsal müşahidə fəaliyyətlərinin sızdırılması qədər əhəmiyyətli olduğuna diqqət çəkilib.

ABŞ-ın milli müdafiə məlumatlarını saxladığını və bu məlumatları bir neçə dəfə "Discord" sosial media platformasında digər istifadəçilərlə paylaşdığını etiraf edən Teixeira 2024-cü ilin sonunda 15 il həbs cəzasına məhkum edildi.

Yeganə

Həmçinin oxuyun

Sənan Mehdiyevin həbsinə səbəb olan rəydə ekspertlər kobud səhvə yol verib? - SENSASSİON AÇIQLAMA 

İqtisad Universitetində diplom problemi - Nazirlik nəyi araşdırır?

Müğənni qəbiristanlıqda yandırılıb? - Anasından şok ittiham (VİDEO+FOTO)

Moskva ətrafında PUA hücumu zamanı doqquz nəfər yaralanıb, bir nəfər ölüb