Zaxarova NATO baş katibinin Lavrovla  bağlı sözlərinə cavab verib

Rusiya Xarici İşlər Nazirliyinin rəsmi nümayəndəsi Mariya Zaxarova özünün Telegram kanalında NATO-nun baş katibi Marko Ruttenin Rusiya xarici işlər naziri Sergey Lavrov haqqında dediyi sözləri şərh edib.

CityPost.az   xəbər verir   ki, "Sergey Lavrovun bu qədər il işləməsi əbəs deyildi, çünki o, NATO-nun baş katibinə İsa Məsihi xatırlatdı", - diplomat yazıb.

Bundan əvvəl Rutte bildirib ki, Rusiya Xarici İşlər Nazirliyinin rəhbəri “İsa Məsihin doğulduğu gündən vəzifəsini icra edir və o vaxtdan bəri faydalı heç nə deməyib”. O, həmçinin avropalı həmkarlarını “cənab Lavrova çox diqqət yetirməməyə” çağırıb.

İyunun sonunda Lavrov NATO ölkələrinin hərbi büdcəni artırmaq planlarının bu təşkilatın dağılmasına səbəb olacağı fikrini bildirib. Onun sözlərinə görə, Rusiya hərbi xərclər məsələsində alyansda olduğu kimi “uzaqdan gələn təhdidləri” deyil, sağlam düşüncəni rəhbər tutur.

Həmçinin oxuyun

İş adamı Araz Ağalarovun barəsində icraat başlanıb

Türkiyə fındıqdan 2,3 milyard dollar gəlir əldə edib  

Oteldə uşağa təcavüz etdi 

Rusiya ABŞ-nin bu addımını alqışladı 

İyulun 2-də Rusiya xarici işlər nazirinin müavini Aleksandr Qruşko bildirib ki, NATO-ya üzv olan 32 ölkənin hərbi xərclərinin məbləği dünyanın digər 163 ölkəsindən çoxdur və 1,5 trilyon dollar təşkil edir. Alyansın xərcləri iki kateqoriyaya bölünür: birbaşa hərbi xərclər (3,5%) və digər xərclər (1,5%). Diplomat qeyd edib ki, belə bir sistemdə “hər şeyi” hərbi xərclər kimi qələmə vermək olar.

Bundan əvvəl Macarıstan bəyan etmişdi ki, NATO üçüncü dünya müharibəsindən qorxur.

Nigar