BDU-nun rektoru universitetdəki yenilikləri açıqladı
Cəmiyyət 29 İyul 2026, 13:35
3801
Bakı Dövlət Universiteti (BDU) Dövlət İmtahan Mərkəzinin təşkil etdiyi ali təhsil müəssisələrinin sərgisində iştirak edir.Universitet sərgidə abituriyentlərə təhsil proqramları, qəbul imkanları, kampus həyatı və universitetdə həyata keçirilən yeniliklər barədə ətraflı məlumat təqdim edir.
Citypost.az xəbər verir ki, bunu BDU-nun rektoru Elçin Babayev AzEdu.az-a açıqlamasında bildirib.
Rektor qeyd edib ki, Dövlət İmtahan Mərkəzi tərəfindən təşkil olunan bu cür tədbirlər qəbul prosesinin daha səmərəli təşkili baxımından xüsusi əhəmiyyət daşıyır:
"Hər bir ali təhsil müəssisəsi öz strateji inkişaf planına uyğun fəaliyyət göstərir və müxtəlif təqdimatlar həyata keçirir. Lakin universitetlərin eyni məkanda bir araya gələrək öz imkanlarını, nailiyyətlərini və təhsil proqramlarını abituriyentlərə təqdim etməsi onların düzgün seçim etməsinə və qəbul prosesinin daha effektiv təşkilinə mühüm töhfə verir.
Bakı Dövlət Universiteti olaraq bu cür təşəbbüsləri yüksək qiymətləndirir, həm ölkə daxilində, həm də beynəlxalq təhsil sərgilərində mütəmadi iştirak edirik.
Hazırda universitetimizdə yaradılmış yeni imkanlar barədə məlumatlar həm sərgi məkanında, həm də elektron platformalar vasitəsilə təqdim olunur. Abituriyentlərin suallarını operativ cavablandırmaq məqsədilə xüsusi elektron məlumat sistemi istifadəyə verilib. QR kod vasitəsilə sistemə daxil olan istifadəçilər onları maraqlandıran suallara qısa zamanda cavab əldə edə bilirlər.
Bununla yanaşı, universitetimizdə mütəmadi olaraq Açıq Qapı Günləri təşkil edilir. Abituriyentlər universitetə gələrək laboratoriyalar, muzeylər və kampus infrastrukturu ilə yaxından tanış olur, onları maraqlandıran suallara yerində cavab alırlar.
Bu il Bakı Dövlət Universiteti müasir dövrün tələblərinə uyğun formalaşdırılmış bir sıra yeni ixtisaslaşmalar təqdim edir. Təhsil proqramlarının yenilənməsi zamanı əmək bazarının tələbləri, işəgötürənlərin gözləntiləri, eləcə də ölkədə, regionda və dünyada müşahidə olunan inkişaf meyilləri nəzərə alınır.
Həmçinin oxuyun
Növbəti tədris ili universitetin infrastrukturunun inkişafı baxımından da əlamətdar olacaq. Əsaslı təmirə bağlanmış iri tədris korpuslarımızdan birində yenidənqurma işləri yekunlaşmaq üzrədir. Yeni tədris ilindən etibarən tələbələr tamamilə yenilənmiş və müasir tədris infrastrukturu ilə təmin olunmuş binada təhsil alacaqlar.
Eyni zamanda, elmi tədqiqat və innovasiya fəaliyyətlərini əhatə edən Mükəmməllik Mərkəzində yenidənqurma işləri davam etdirilir. Kampus ərazisində tələbələrin sosial həyatını daha da zənginləşdirəcək yeni layihələr həyata keçirilir. Yaşıl kampus konsepsiyası çərçivəsində alternativ enerji mənbələrindən istifadənin genişləndirilməsi, yeni istirahət və ünsiyyət məkanlarının yaradılması istiqamətində işlər görülür.
Tələbələrin elmi-tədqiqat fəaliyyətinə daha fəal cəlb olunması üçün yeni mexanizmlərin tətbiqi nəzərdə tutulur. Eyni zamanda, Bakı Dövlət Universitetinə xarici tələbələrin marağı ildən-ilə artır və növbəti tədris ilində də çoxsaylı əcnəbi tələbələrin universitetimizdə təhsil alacağı gözlənilir.
Təhsil haqları ilə bağlı ciddi dəyişiklik nəzərdə tutulmur. Bu il Bakı Dövlət Universitetində təhsil haqlarında əlavə artım planlaşdırılmayıb. Hesab edirik ki, əsas diqqət keyfiyyətli təhsilin təmin edilməsinə yönəldilməlidir. Təhsil prosesi qarşılıqlı məsuliyyət tələb edir və bu prosesdə həm təhsilverənlərin, həm də təhsilalanların üzərinə mühüm vəzifələr düşür.
Universitetin Strateji İnkişaf Planına uyğun olaraq bakalavriat səviyyəsində qəbul yerlərinin mərhələli şəkildə optimallaşdırılması, magistratura və doktorantura səviyyələrində isə qəbul imkanlarının genişləndirilməsi istiqamətində ardıcıl işlər aparılır. Bu yanaşma universitetin elmi-tədqiqat potensialının daha da gücləndirilməsinə xidmət edir.
2026-2027-ci tədris ili üzrə Bakı Dövlət Universitetində bakalavriat səviyyəsində 76 ixtisas üzrə 5105, magistratura səviyyəsində isə 40 ixtisas üzrə 232 ixtisaslaşma üzrə 1606 plan yeri ayrılıb. Bu göstəricilər universitetin təhsil imkanlarının genişliyini və yüksəkixtisaslı mütəxəssis hazırlığına yönəlmiş strateji inkişaf siyasətini əks etdirir.
Əminik ki, həyata keçirilən bütün bu yeniliklər Bakı Dövlət Universitetinin inkişafına, tələbələrin daha keyfiyyətli təhsil almasına və universitetimizin beynəlxalq nüfuzunun daha da möhkəmlənməsinə mühüm töhfə verəcək".
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Keçmiş köçkünlər Laçında qəbul edildi
Azərbaycan Respublikasının Prezidenti İlham Əliyevin tapşırığına uyğun olaraq, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev oktyabrın 26-da Laçın rayonunda vətəndaşları qəbul edib.Citypost.az xəbər verir ki, görüşdə Laçın və Kəlbəcər rayonlarından olan keçmiş məcburi köçkünlərin qayıdışın təşkili, vahid aylıq müavinət, məşğulluq və sosial müdafiə məsələləri ilə bağlı müraciətləri dinlənilib.Vətəndaşların diqqətinə çatdırılıb ki, Prezident İlham Əliyevin sosial siyasətində məcburi köçkünlərin yaşayış şəraitinin yaxşılaşdırılması və məşğulluğunun artırılması prioritet istiqamətlərdəndir. Birinci vitse-prezident Mehriban Əliyevanın bu kateqoriyadan olan insanlara xüsusi diqqət və qayğı göstərdiyi də xüsusilə vurğulanıb. Həmçinin Böyük Qayıdış çərçivəsində köçürülmənin mərhələli şəkildə davam etdiyi və müvəqqəti məskunlaşma yerlərində daha...
26 Oktyabr 2026, 20:01
Axar-Baxar və İlisu milli parklarının sanitariya-mühafizə zonaları təsdiq edilib
Azərbaycan Respublikası Axar-Baxar və İlisu milli parklarının sanitariya-mühafizə zonaları təsdiq edilib.Citypost.az xəbər verir ki, Nazirlər Kabineti bu barədə qərar verib.Qərara əsasən, Axar-Baxar Milli Parkının sanitariya-mühafizə zonası 11292,91 hektar, İlisu Milli Parkının sanitariya-mühafizə zonası 10108,00 hektar sahədə təsdiq edilib.
26 Oktyabr 2026, 19:49
Baş Prokurorluq WhatsApp istifadəçilərinə xəbərdarlıq edib
WhatsApp hesablarının ələ keçirilməsi məqsədilə istifadəçilərə göndərilən birdəfəlik təsdiqləmə kodları ilə bağlı xəbərdarlıq edilib.Citypost.az xəbər verir ki, Azərbaycan Respublikasının Baş Prokurorluğu bəzi istifadəçilərə WhatsApp hesablarının başqa cihazda aktivləşdirilməsi üçün OTP kodlarının göndərildiyini bildirib.Qurum istifadəçilərə ikimərhələli doğrulamanı aktivləşdirməyi, OTP kodlarını heç kimlə paylaşmamağı və hesablarına qoşulmuş cihazları mütəmadi yoxlamağı tövsiyə edib.Bildirilib ki, təsdiqləmə kodunun gəlməsi hesabın artıq ələ keçirildiyi demək deyil, lakin kodun paylaşılması hesabın təhlükəsizliyini riskə ata bilər....
26 Oktyabr 2026, 19:40
Prezident İlham Əliyev Dünya Turizm Təşkilatının Baş katibini qəbul edib
Azərbaycan Prezidenti İlham Əliyev oktyabrın 26-da Dünya Turizm Təşkilatının Baş katibi xanım Şeyxa Əl Nuveysi qəbul edib.Citypost.az xəbər verir ki, qonaq qəbula görə dövlət başçısına minnətdarlığını bildirdi.Söhbət zamanı Azərbaycanla Dünya Turizm Təşkilatı arasında həyata keçirilən əməkdaşlıqdan məmnunluq ifadə olundu, ölkədə turizmin inkişafına dövlət səviyyəsində göstərilən qayğıdan söhbət açıldı, paytaxtla yanaşı regionlarımızda da müasir turizm infrastrukturunun yaradıldığı vurğulandı. Bütün bunların, eyni zamanda, Azərbaycanda hökm sürən əmin-amanlığın turizmin inkişafı üçün çox mühüm əhəmiyyət kəsb etdiyi qeyd edildi, Azərbaycanın turistlər üçün cəlbedici ölkə olduğu vurğulandı.Görüşdə gələcək əməkdaşlıqla bağlı məsələlər müzakirə olundu....
26 Oktyabr 2026, 18:36
Baş prokuror İƏT Baş katibi ilə görüşüb
Oktyabrın 26-da Baş prokuror Kamran Əliyev Azərbaycanda rəsmi səfərdə olan İslam Əməkdaşlıq Təşkilatının (İƏT) Baş katibi İsmail Uld Şeyx Əhmədin rəhbərlik etdiyi nümayəndə heyəti ilə görüşüb.Baş Prokurorluğun Mətbuat xidmətindən Citypost.az-a verilən məlumata görə, nümayəndə heyəti Fəxri xiyabanda Ümummilli Lider Heydər Əliyevin məzarını, Şəhidlər xiyabanını ziyarət edib.Görüşdə Baş prokuror Prezident İlham Əliyevin rəhbərliyi ilə ölkəmizdə həyata keçirilən hüquq islahatları, eləcə də korrupsiyaya qarşı mübarizə tədbirləri barədə ətraflı məlumat verib. Azərbaycanın Birləşmiş Millətlər Təşkilatı və digər beynəlxalq təşkilatlar çərçivəsində korrupsiyaya qarşı mübarizə sahəsində irəli sürülən təşəbbüslərdə fəal iştirakını, Korrupsiyaya qarşı mübarizə üzrə Komissiyanın fəaliyyətini, Baş prokuror yanında Korrupsiyaya qarşı Mübarizə Baş İdarəsinin...
26 Oktyabr 2026, 18:19
Nazirlər Kabineti hər bir təhsilalana düşən illik təhsil xərclərinin miqdarını təsdiqləyib
Dövlət ümumi təhsil müəssisələrində adambaşına maliyyələşdirmə prinsipinin tətbiqi qaydaları təsdiq edilib.Citypost.az xəbər verir ki, Baş nazir Əli Əsədov bununla bağlı qərar imzalayıb.Adambaşına maliyyələşdirmə prinsipi əsasında maliyyələşdirilməsi həyata keçirilən dövlət ümumi təhsil müəssisələrində ümumi təhsil müəssisələrinin növləri üzrə hər bir təhsilalana düşən illik təhsil xərclərinin miqdarı Ümumi təhsil müəssisələrinin ayrı-ayrı növləri üzrə hər bir təhsilalana düşən illik təhsil xərclərinin miqdarı aşağıdakı kimi müəyyən edilir:1. Tam orta ümumtəhsil məktəbi - 2000 manat2. Lisey - 2200 manat3. Gimnaziya - 2200 manat4. Ümumi təyinatlı internat tipli ümumtəhsil məktəbi - 2500 manat5. İnternat tipli lisey - 3000 manat6. İnternat tipli gimnaziya - 3000 manatQeyd. Bu...
26 Oktyabr 2026, 17:55
