"Vital Hospital"ın fəaliyyəti dayandırıldı
Cəmiyyət 31 İyul 2026, 14:40
4258
Bakıda "Vital Hospital" kimi tanınan “SAĞLAMLIQ VƏ GÖZƏLLİK MƏRKƏZİ” MMC-də keçirilən plandankənar yoxlamalar zamanı insan həyatı və sağlamlığı üçün ciddi təhlükə yaradan kütləvi qanunsuzluqlar üzə çıxıb.
Səhiyyə Nazirliyi Analitik Ekspertiza Mərkəzindən Citypost.az- a verilən məlumata görə, yoxlama “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında“ Qanunun 16.1-ci maddəsinə əsasən, 21-23 iyul tarixlərində sözügedən tibb müəssisəsində həyata keçirilib.
Analitik Ekspertiza Mərkəzinin aşkar etdiyi nöqsanlar müəssisədə sanitariya-gigiyena və normativ tələblərin kobud şəkildə pozulduğunu göstərir. Yoxlamalar zamanı aydın olub ki, klinikada tibbi təyinatlı məmulatların və alətlərin dezinfeksiyası ilə sterilizasiyası müvafiq norma və qaydalara uyğun aparılmayıb. Eyni zamanda müəssisədə yararlılıq müddəti keçmiş dərman və tibbi vasitələr aşkar edilib, onların saxlanma şəraitinə riayət olunmadığı üzə çıxıb.
Bununla yanaşı, klinikada rentgenoloji iş üzrə fəaliyyət göstərilsə də, xüsusi icazə sənədinin müddətinin bitdiyi müəyyən olunub və müəssisə tərəfindən radioloji gigiyenik pasport təqdim edilməyib. Tibbi tullantıların idarə olunmasında da ciddi qayda pozuntularına yol verilib. Belə ki, tullantılar çeşidlənməyib, kəsici və deşici tullantılar üçün nəzərdə tutulan sərt karton qutulardan iynə uclarının kənara çıxdığı müşahid olunub. Həmçinin peyvənd sahəsində məişət tipli soyuducudan istifadə edilib, biomateriallarla reagentlərin eyni soyuducuda bir arada saxlanıldığı təsdiqlənib.
Yoxlamalar zamanı "Lisenziyalar və İcazələr haqqında" Qanunun tələblərinin pozulduğu, müəssisənin lisenziyadan kənar fəaliyyət göstərdiyi də təsdiqlənib. Klinikada lisenziyadan kənar kosmetoloji xidmətlərin göstərildiyi faktı aşkarlanıb. Ambulator xidmət üzrə terapevtik, kardioloji və ginekoloji işlər üçün xüsusi prosedur otaqları təşkil edilməyib, kardioloq və ginekoloq həkimlərin qəbulu eyni otaqda həyata keçirilib. Pediatriya, nefroloji, endokrinoloji, ümumi cərrahiyyə, neyrocərrahiyyə və plastik cərrahiyyə daxil olmaqla onlarla sahə üzrə otaqlar qaydalara uyğunlaşdırılmayıb.
Həmçinin oxuyun
Kadr təyinatında da özbaşınalıqlar müəyyən olunub. İxtisasca laborant olan şəxs baş tibb bacısı, şüa diaqnostikası mütəxəssisi isə radioloq vəzifəsinə təyin edilib, bəzi əməkdaşların isə əmək müqavilələri yoxlamaya təqdim olunmayıb.
Aşkar edilən kütləvi hüquqpozmalar insan həyatı və sağlamlığı üçün birbaşa təhlükə yaratdığı üçün “SAĞLAMLIQ VƏ GÖZƏLLİK MƏRKƏZİ” MMC-də stasionar tibbi xidmətin fəaliyyəti dayandırılıb. Sahibkara nöqsanları aradan qaldırmaq üçün 10 iş günü vaxt verilib. Müddət bitdikdən sonra klinikada təkrar yoxlama keçiriləcək və yekun qərar veriləcək.
Xatırldaq ki, bir müddət əvvəl "Vital Hospital"da ölü doğulan uşağın zirzəmiyə atıldığı iddia edilmişdi.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Allahşükür Paşazadə Vatikanla mühüm sənəd imzalayıb
Oktyabrın 26-da Vatikanda Müqəddəs Taxt-Tacla Azərbaycan arasında Anlaşma Memorandumu imzalanıb.Bu barədə Citypost.az-a Qafqaz Müsəlmanları İdarəsindən məlumat verilib.Bildirilib ki, Memorandumu Müqəddəs Taxt-Tac adından Dinlərarası Dialoq üzrə Dikasteriyanın prefekti Kardinal C.Kuvakad, Azərbaycan tərəfdən isə Qafqaz Müsəlmanları İdarəsinin sədri Allahşükür Paşazadə imzalayıblar.Memorandumun əhəmiyyətini qeyd edən Kardinal Kuvakad sənədin dinlərarası dialoqun dərinləşdirilməsi istiqamətində mühüm addım olduğunu vurğulayıb. O, Azərbaycana səfəri zamanı Prezident İlham Əliyevlə görüşünü xatırladıb və ölkəmizdə sülhün, harmoniyanın yüksək səviyyədə təşviq edildiyini xüsusi vurğulayıb.Bütün Qafqazın şeyxi Allahşükür Paşazadə Prezident İlham Əliyevin salamlarını Müqəddəs Taxt-Tacın Dinlərarası Dialoq üzrə Dikasteriyasının prefektinə çatdırıb. O, Müqəddəs Taxt-Tacla imzalanan sənədin əhəmiyyətini vurğulayaraq hazırda Bakıda inşa edilən və...
26 Oktyabr 2026, 20:20
Keçmiş köçkünlər Laçında qəbul edildi
Azərbaycan Respublikasının Prezidenti İlham Əliyevin tapşırığına uyğun olaraq, Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev oktyabrın 26-da Laçın rayonunda vətəndaşları qəbul edib.Citypost.az xəbər verir ki, görüşdə Laçın və Kəlbəcər rayonlarından olan keçmiş məcburi köçkünlərin qayıdışın təşkili, vahid aylıq müavinət, məşğulluq və sosial müdafiə məsələləri ilə bağlı müraciətləri dinlənilib.Vətəndaşların diqqətinə çatdırılıb ki, Prezident İlham Əliyevin sosial siyasətində məcburi köçkünlərin yaşayış şəraitinin yaxşılaşdırılması və məşğulluğunun artırılması prioritet istiqamətlərdəndir. Birinci vitse-prezident Mehriban Əliyevanın bu kateqoriyadan olan insanlara xüsusi diqqət və qayğı göstərdiyi də xüsusilə vurğulanıb. Həmçinin Böyük Qayıdış çərçivəsində köçürülmənin mərhələli şəkildə davam etdiyi və müvəqqəti məskunlaşma yerlərində daha...
26 Oktyabr 2026, 20:01
Axar-Baxar və İlisu milli parklarının sanitariya-mühafizə zonaları təsdiq edilib
Azərbaycan Respublikası Axar-Baxar və İlisu milli parklarının sanitariya-mühafizə zonaları təsdiq edilib.Citypost.az xəbər verir ki, Nazirlər Kabineti bu barədə qərar verib.Qərara əsasən, Axar-Baxar Milli Parkının sanitariya-mühafizə zonası 11292,91 hektar, İlisu Milli Parkının sanitariya-mühafizə zonası 10108,00 hektar sahədə təsdiq edilib.
26 Oktyabr 2026, 19:49
Baş Prokurorluq WhatsApp istifadəçilərinə xəbərdarlıq edib
WhatsApp hesablarının ələ keçirilməsi məqsədilə istifadəçilərə göndərilən birdəfəlik təsdiqləmə kodları ilə bağlı xəbərdarlıq edilib.Citypost.az xəbər verir ki, Azərbaycan Respublikasının Baş Prokurorluğu bəzi istifadəçilərə WhatsApp hesablarının başqa cihazda aktivləşdirilməsi üçün OTP kodlarının göndərildiyini bildirib.Qurum istifadəçilərə ikimərhələli doğrulamanı aktivləşdirməyi, OTP kodlarını heç kimlə paylaşmamağı və hesablarına qoşulmuş cihazları mütəmadi yoxlamağı tövsiyə edib.Bildirilib ki, təsdiqləmə kodunun gəlməsi hesabın artıq ələ keçirildiyi demək deyil, lakin kodun paylaşılması hesabın təhlükəsizliyini riskə ata bilər....
26 Oktyabr 2026, 19:40
Prezident İlham Əliyev Dünya Turizm Təşkilatının Baş katibini qəbul edib
Azərbaycan Prezidenti İlham Əliyev oktyabrın 26-da Dünya Turizm Təşkilatının Baş katibi xanım Şeyxa Əl Nuveysi qəbul edib.Citypost.az xəbər verir ki, qonaq qəbula görə dövlət başçısına minnətdarlığını bildirdi.Söhbət zamanı Azərbaycanla Dünya Turizm Təşkilatı arasında həyata keçirilən əməkdaşlıqdan məmnunluq ifadə olundu, ölkədə turizmin inkişafına dövlət səviyyəsində göstərilən qayğıdan söhbət açıldı, paytaxtla yanaşı regionlarımızda da müasir turizm infrastrukturunun yaradıldığı vurğulandı. Bütün bunların, eyni zamanda, Azərbaycanda hökm sürən əmin-amanlığın turizmin inkişafı üçün çox mühüm əhəmiyyət kəsb etdiyi qeyd edildi, Azərbaycanın turistlər üçün cəlbedici ölkə olduğu vurğulandı.Görüşdə gələcək əməkdaşlıqla bağlı məsələlər müzakirə olundu....
26 Oktyabr 2026, 18:36
Baş prokuror İƏT Baş katibi ilə görüşüb
Oktyabrın 26-da Baş prokuror Kamran Əliyev Azərbaycanda rəsmi səfərdə olan İslam Əməkdaşlıq Təşkilatının (İƏT) Baş katibi İsmail Uld Şeyx Əhmədin rəhbərlik etdiyi nümayəndə heyəti ilə görüşüb.Baş Prokurorluğun Mətbuat xidmətindən Citypost.az-a verilən məlumata görə, nümayəndə heyəti Fəxri xiyabanda Ümummilli Lider Heydər Əliyevin məzarını, Şəhidlər xiyabanını ziyarət edib.Görüşdə Baş prokuror Prezident İlham Əliyevin rəhbərliyi ilə ölkəmizdə həyata keçirilən hüquq islahatları, eləcə də korrupsiyaya qarşı mübarizə tədbirləri barədə ətraflı məlumat verib. Azərbaycanın Birləşmiş Millətlər Təşkilatı və digər beynəlxalq təşkilatlar çərçivəsində korrupsiyaya qarşı mübarizə sahəsində irəli sürülən təşəbbüslərdə fəal iştirakını, Korrupsiyaya qarşı mübarizə üzrə Komissiyanın fəaliyyətini, Baş prokuror yanında Korrupsiyaya qarşı Mübarizə Baş İdarəsinin...
26 Oktyabr 2026, 18:19
