Avtomobildə kondisioner qazının sızması: Nə vaxt doldurulmalıdır?

Yay aylarında nəqliyyat vasitələrində rahatlığı təmin edən ən vacib sistemlərdən biri avtomobil kondisioneridir. Lakin bir çox sürücü soyutma sisteminin zəifləməsini sadəcə havanın həddən artıq isti olması ilə əlaqələndirir vər nəticədə sistemdəki ciddi texniki nasazlıqları gözərdən qaçırır. Avto-servis mütəxəssislərinin bildirdiyinə görə, kondisionerin tam gücü ilə işləməməsinin əsad səbəbi sistemdəki xüsusi soyuducu qazın (freonun) sızması və ya vaxtında yenilənməməsidir.

Citypost.az xəbər verir ki, kondisioner sistemi tamamilə germetik (qapalı) bir dövrə olsa da, avtomobilin mütəmadi olaraq titrəməsi, temperatur dəyişiklikləri vər rezin boruların, kipləşdirici halqaların zamanla köhnəlməsi səbəbindən qazın təbii şəkildə azalması baş verir. İllik norma daxilində qazın 5-10 faiz itkiyə uğraması təbii hal sayılır. Lakin qazın qısa müddətdə kəskin şəkildə bitməsi artıq sistemdə sızmanın (deşilmənin) olmasından xəbər verir.

Sistemə qaz doldurmaq zamanının gəldiyini vər ya sızmanın olduğunu göstərən əsas simptomlar aşağıdakılardır:

Cihaz ən aşağı dərəcəyə qoyulduğu halda belə, salona kifayət qədər soyuq hava vurulmur. Təzyiq aşağı düşdükdə daxili sensorlar kompressoru qorumaq üçün onu bloklayır. Kompressor qoşulduqda isə mühərrik nahiyəsindən kəskin xışıltı vər ya sürtünmə səsi gəlir. Kapotun altında yerləşən kondisioner borularının üzərində kəskin qarlanma, buzlaşma vər ya sızma olan nöqtələrdə qara yağ ləkələri müşahidə olunur.

Kondisioner qazının doldurulması sadəcə balondan qaz tökməkdən ibarət olmamalıdır. Peşəkar servisdə bu proses vacib texniki mərhələlərdən keçir. İlk növbədə sistemdəki köhnə qaz vər yağ vakuum aparatı ilə tamamilə çəkilib çıxarılır. Daha sonra sistemə xüsusi təzyiq vurularaq deşiklərin olub-olmaması yoxlanılır. Əgər mikro-sızma varsa, sistemə ultrabənövşəyi (UV) boya əlavə olunur vər xüsusi fənərlə deşiyin yeri müəyyənləşdirilir. Yalnız nasazlıq aradan qaldırıldıqdan sonra avtomobilin texniki pasportuna uyğun miqdarda freon vər kompressor yağı doldurulur.

Ekspertlər tövsiyə edirlər ki, heç bir nasazlıq olmasa bile, avtomobil kondisionerinin qaz səviyyəsi və sistemin təzyiqi hər 2 ildən bir profilaktik olaraq yoxlanılmalı və lazım olan qulluqlar olunmalıdır. Bu, həm kompressorun baha başa gələn təmirinin qarşısını alır, həm də yay aylarında yanacaq sərfiyyatını optimal səviyyədə saxlamağa imkan verir.

Səkinə Yusifova/Citypost.az

Həmçinin oxuyun

Azərbaycanda Türkiyə ilə bağlı nə DÜŞÜNÜRLƏR? -SİYASİ ŞƏRH  

Kamran Əliyev Misir Mərdanovun kürəkənini prokuror təyin etdi

"Falcom" MMC-də fəhləninin ölümünün açılmasına KİM MANE OLUR? -ŞOK VİDEO

SEVGİ VƏ HƏYATIN MÜQƏDDƏSLİYİ