Ömrümüzün və Azərbaycanın İlqar Musayeviç sindromu  

“Çinar qələm olsa, Xəzər mürəkkəb

“İlqar” ha yazıla, yenə tükənməz, - İslam Türkayın şeiri olmalıdır.

Həmçinin oxuyun

Azərbaycanda Türkiyə ilə bağlı nə DÜŞÜNÜRLƏR? -SİYASİ ŞƏRH  

Kamran Əliyev Misir Mərdanovun kürəkənini prokuror təyin etdi

"Falcom" MMC-də fəhləninin ölümünün açılmasına KİM MANE OLUR? -ŞOK VİDEO

SEVGİ VƏ HƏYATIN MÜQƏDDƏSLİYİ  

Gəncədə doğulub, Gəncənin 1 saylı məktəbində oxuyub (rəsmi sıra sayı 1 olmasa da, nüfuzu sıra sayında 1-lə ifadə olunan), gəlib Azərbaycanın 1 saylı (qeyd-şərtsiz Azərbaycan ali məktəblərinin Məkkəsi olan) Universitetini bitirib, hazırda (istəsək də, istəməsək də, belə olmasa da belə, faktiki və rəsmi statusuna görə) ölkənin 1 nömrəli qəzetində qənirsiz 1 nömrəli bölgə müxbiri olan İlqar Musa oğlu Həsənov yeni yaşına qədəm qoyub – bu günün gündəm olayları içində ən sanballı, özü də gələcəkdə qeyd olunacaq keçmişin ən şərəfli bir tarixi olacaq bir statistik təntənədir!

“Elə Araz deyə gileylənirsən,

Çayın nə günahı, Araz neyləsin?

Bir çayla ikiyə bölünüb vətən,

Tanrıdır pənahı, Araz neyləsin?” şeirindəki o beytlə ona görə yazıya başladım ki... o beyt... tam da İlqar Musayeviçin əyninə, şaxı ülgüc kimi kəsən ŞƏXSİYYƏTİNƏ BƏY KOSTYUMU KİMİ, KİP OTURUR!

Niyə belə başladım ki, “İlqar” (mətndə “bu dərd” kimidir) ha yazıla, yenə tükənməz”, deyim:

Şükür Allaha, Azərbaycan hətta keçən əsrin əvvəlində Ukraynada “qolodomor” və keçən əsrin ortalarında, Xruşşovun hesabına yaşanan aclıq illərində belə yeyib-içən xalq olub, allah da başacan versin, deməyim o ki, gözəl bilirsiniz: o məclislər olur e, günün günortaçağı başlayır və ta sabahı səhər ertəyəcən davam edir, gedib iki gün leş yatırsan, duranda... yadında mütləq də nəsə qalır!

Bax, İlqar Musayeviçin ömrünün hər ili növbəti ad gününə qədər o “dünən günortadan başlayıb səhər ertəyəcən davam edən yeyib-içmək məclisi”nin iki gündən sonra belə YADDA QALAN o mütləq FAKTIDIR!

İlqar Musayeviç yaşadığı hər ilin izini-faktını qoyan adamdır bizlər üçün!

İlqar Musayeviçin hər ad günündə hər türlü təbriklər, minnətdarlıqlar, təşbehlər, epitetlər, metaforalar səslənir, yazılır, fəqət İlqar Musayeviçə sevgi və təşəkkür tükənmir. Nədənini bilirsiniz?

Bilmirsiniz, mən bilirəm, mən də sizə deyirəm, siz də öz adınızdan deyin, guya ki bilirdiniz: İlqar Musayeviç bu xalqın ədəbiyyatını, ictimai-siyasi, ədəbi-əxlaqi dünyasını, jurnalistika sindikatını və keçmiş və müasir tarixini çox gözəl bilir! İçinəcən-iliyinəcən – çünki hamısının və hər şeyin içindədir! Azərbaycanlılıq iliyindədir İlqar Musayeviçin! Keçmişinəcən – çünki oxuyub, dərk edib, öyrənib, təhlillər aparıb, müqayisələr üstündə bu xalqa layiq olan və həm də doğru variantını müəyyənlşdirib, həm də təbliğ edir!

İlqar Musayeviç istənilən rəsmi törəndə varsa, jurnalist dəstəsinin önündə pyedestala addımlamağı haqq edən imzadır, fəqət, yeganə haqqı olub da haqqını kullanmayan, SUBORDİNASİYA qaydalarını və protokol etiketlərini peşə etkası baxımından ən kübar səviyyədə sərgiləyən bir ARİSTOKRATdır!

Göstərin mənə Azərbaycanda bir JURNALİST ki, vəzifə, mandat və klan mənsubluğu olmadan, İlqar Musayeviç qədər zəngi, gəlişi, qapını döyməsi, xahiş etməsi, problemi çözməsi qıcıq yaratmasın, həm də üzünə və arxasınca xoş söz deyilsin!

Var? Tapsanız, xəbər edərsiniz!

Buna görə də İlqar Musayeviçdən ha yaz, yenə tükənməz: adam nüfuz alveri, etimaddan sui-istifadə eləmir, adam əgər adama – mənsəb sahibinə nəyisə deyirsə (xahiş adı altında belə!), yüz faizdir ki, məmuru iqtidar, vətəndaşı dövlət üçün qoruyur deməkdir!

İlqar Musayeviç o nadir şəxsiyyətlərdəndir ki, hər gün onu biri tanıyır, tanıyan kimi də, özünü ona dost sayır, dost sayan kimi də, ömrünü onunla dost qalmağa sərf edir – İlqar Musayeviçin bu keyfiyyətini yalnız İLDƏ 10 MİN YENİ SÖZLƏ zənginləşən ingilis dili ilə alternativ saymaq olar!

İlqar Musayeviç o nadir şəxsiyyət və ağsaqqallardandır ki, Sözü nə yazıda, nə məmur qapısında, nə düşmənlə davada sınır!

Əgər İlqar Musayeviçi eşitmədilərsə, bu o demək deyil ki, İlqar Musayeviçin Sözü yerə düşdü, Sözü sındı, həyatda İlqar Musayeviçin yaxşı dost, böyük kişi olmağının təsdiqinə şahid olanlar başa düşür ki... qapısına apardığın adam manatı öpüb möhür yerinə səcdə edən kopoludur, arvadından keçər, rüşvətdən keçməz!

Adam həm də bilir ki, İlqar Musayeviç adamı kresloqarışıq Hövsan kanalizasiya quyusuna ata bilər, Bakıda sel olanda bilinər ki, bunu İlqar Musayeviç edib, amma və lakin... Azərbaycanda ən oğraş məmur da, ən qansız rüşvətxor da bilir ki, İlqar Musayeviç KİŞİ ADAMdır, əvvəllər xahiş etdiyi adamla sonradan düşmənçilik etməz və onu o qapıya aparan adama da düşmənçilik etməyə qoymaz! Yoxsa ki, azmı şahid olmuşuq anası, bacısı, arvadı, qızı üçün sürücülük vəsiqəsini xahişlə alıb, məşuqəsi üçün ala bilməyəndə MERO-nu bir-birinə qatanları, yol polisini prokurorluğa şikayət edənləri? Ya da Başçıdan əvvəldən paket alanların “kormut”u kəsiləndən sonra faktları şantaj üçün başqa julik saytlara ötürənləri?

İlqar Musayeviç istisnasız OLARAQ, Azərbaycanın hər rayonunda azı-azı “on dost” bankına malikdir – o rayonlarda işləyib-işləməməsindən asılı olmayaraq!

Və... İlqar Musayeviç miqdarı milyarda çata biləcək bu sərvət mənbələrini Azərbaycan vətəndaşları üçün sərf edir – 40 ildən artıqdır: belə səxavət sahibi tarixdə yalnız və yalnız Hatəm Tai olub!

İlqar Musayeviç çox gəncdir, cavandır, 67 yaş erkən qocalıq – qocalığın ilkin stadiyası sayılır. Kim bilməsə də, görməsə də, İlqar Musayeviç mətbuatdan da, elə indi bögə müxbiri olduğu “Xalq” qəzetində də əməlli-başlı qocalar görüb e – Hacı Həsənov, Əhməd İsayev, Kazım Ələkbərov, Telman Heydərov və b. Hamıya hər şeyi öyrədən İlqar Musayeviçə 67 yaşında öz işlədiyi qəzetdən və qəzetin qocaman əməkdaşlarından 80-i adlamağı, 90-a minməyi öyrənməyi arzu edirəm!

Yaşa, İlqar Musayeviç! – insan çox yaşadıqca, onun ad günlərindən yazmaq asanlaşır, üstəlik də söhbət Sənin kimi Mərd, Böyük Kişilərdən gedirsə!

YAZININ ZARAFATI: qaza bas, qaza, elə bas ki, 99-da dirənsin. “Şərur”da – 68-də görüşənədək! 

Hörmətlə,

Möhtərəm və Möhtəşəm Aydın Can