Trampın Qəzza planı üzrə "Yol xəritəsi" dərc olunub
Dünya 31 İyul 2026, 17:48
4789
Qəzza üzrə Sülh Şurası ABŞ Prezidenti Donald Trampın Qəzza zolağında Hərtərəfli sülh planının həyata keçirilməsinin başa çatdırılması üzrə "Yol xəritəsi"ni dərc edib.
"Report" xəbər verir ki, bu barədə Şuranın "X" sosial şəbəkəsindəki rəsmi səhifəsində bildirilib.
"Yol xəritəsi" hərbi əməliyyatların mərhələli şəkildə dayandırılmasını, zolağın mülki idarəçiliyinin Qəzzanın İdarə Edilməsi üzrə Milli Komitəyə (NCAG) verilməsini və İsrail qüvvələrinin tədricən çıxarılmasını nəzərdə tutur. Yol xəritəsinin icrası beynəlxalq nəzarət altında həyata keçiriləcək.
Təhlükəsizlik məsələlərinə xüsusi diqqət yetirilib. Sənəd "bir hakimiyyət, bir qanun, bir silah" prinsipinin tətbiqini, polis əməkdaşlarının müəyyən edilmiş tələblərə uyğunluğunun yoxlanılmasını, polis silahlarının Qəzzanın İdarə Edilməsi üzrə Milli Komitənin nəzarətinə verilməsini, habelə ağır silahların, silah anbarlarının, hərbi istehsal obyektlərinin və tunellərin tədricən istismardan çıxarılmasını nəzərdə tutur. Silahlı birləşmələrin silahları istifadədən çıxarılmalı və NCAG-nin nəzarəti altında saxlanılmalıdır.
Həmin birləşmələrin üzvləri Fələstin təhlükəsizlik qüvvələri və polisinin tərkibinə daxil ola bilməyəcəklər.
Həmçinin oxuyun
Həmçinin müvəqqəti Beynəlxalq Sabitlik Qüvvələrinin (ISF) yerləşdirilməsi nəzərdə tutulur. ISF atəşkəs rejiminə riayət olunmasına nəzarət etməli, Fələstin polisinin hazırlığına dəstək verməli, humanitar yardımın çatdırılmasını təmin etməlidir. Bununla yanaşı, ISF Fələstin əhalisinə qarşı polis funksiyalarını icra etməyəcək.
Ayrıca bir blok mülki idarəetməyə həsr olunub. NCAG dövlət qurumlarının fəaliyyətinin və xidmətlərin göstərilməsinin fasiləsizliyini təmin etməli, sektorda maliyyə və inzibati fəaliyyətin auditini aparmalı və təchizatçılar, eləcə də podratçılar qarşısında dəyəri 400 milyon dollara qədər olan əsaslandırılmış öhdəlikləri tənzimləməlidir. Bu zaman dövlət qulluqçularının hüquqları Fələstin qanunvericiliyinə uyğun olaraq qorunmalıdır.
"Yol xəritəsi" həmçinin daxili zorakılığa son qoyulmasına, repressiyaların, güc nümayişlərinin və silahlı aksiyaların qarşısının alınmasına yönəlmiş razılaşmanın əldə olunmasını nəzərdə tutur.
Sənədin yekun hissəsi Qəzza zolağının bərpasını nəzərdə tutur. Yenidənqurma və onun maliyyələşdirilməsi Sülh Şurası (BoP) və NCAG-nin hazırladığı və nəzarət etdiyi plan və qrafik əsasında həyata keçirilməlidir
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Ukraynada hərbi vəziyyət daha 90 gün uzadılıb
Ukrayna Ali Radası ölkədə hərbi vəziyyətin müddətinin daha 90 gün uzadılmasına dair qanun layihəsini qəbul edib.Bu barədə "Ukrinform" məlumat yayıb.Məlumata görə, lehinə 293 deputatın səs verdiyi qərara əsasən, Ukraynada hərbi vəziyyətin müddəti 31 oktyabr 2026-cı ildən 29 yanvar 2027-ci ilədək uzadılıb.Bu, Ukraynada tammiqyaslı müharibənin başlanmasından sonra hərbi vəziyyətin müddətinin 21-ci dəfə uzadılmasıdır.Ukraynada hərbi vəziyyət və ümumi səfərbərlik 24 fevral 2022-ci ildən qüvvədədir.Bundan əvvəl hərbi vəziyyətin müddəti 2 avqust–31 oktyabr 2026-cı il tarixləri üçün 90 gün uzadılmışdı. ...
26 Oktyabr 2026, 16:45
Əlcəzair 53 ildən sonra ilk dəfə xaricə hərbi qüvvə göndərir
Əlcəzair parlamenti Nigerə hərbi qüvvələrin göndərilməsini təsdiqləyib. Bu, ölkənin 1973-cü ildən bəri xaricdə ilk hərbi yerləşdirməsi olacaq.Qaynarinfo xəbər verir ki, bu barədə “Reuters” və “Associated Press” məlumat yayıb.Əlcəzair hərbçilərinin Nigerin şimal-şərqində, Liviya ilə sərhəddə yerləşən Madama yaşayış məntəqəsinə göndərilməsi nəzərdə tutulur. Ərazidə əvvəllər Fransanın hərbi bazası fəaliyyət göstərib. Hələlik bölgəyə neçə hərbçinin göndəriləcəyi və əməliyyatın nə vaxt başlayacağı açıqlanmayıb.Nigerin şimalında və qonşu ölkələrin sərhədyanı ərazilərində hökumət qüvvələri ilə silahlı qruplaşmalar, o cümlədən islamçı silahlılar arasında uzun illərdir toqquşmalar davam edir. Əlcəzair senatoru Belkasem Bulqiti bildirib ki, hərbi qüvvələrin göndərilməsində məqsəd ölkənin iqtisadi və strateji maraqlarını, xüsusilə Nigerdəki neft obyektlərini qorumaqdır.“Reuters”in...
26 Oktyabr 2026, 15:40
Oktay Saraldan postunu tərk etməsi barədə - Açıqlama
Oktay Saral Türkiyə Prezidentinin baş müşaviri vəzifəsindən ayrılması barədə açıqlama verib.Citypost.az xəbər verir ki, o bu barədə “X” hesabında paylaşım edib. Onun sözlərinə görə, bu gün 2016-cı ildən bəri icra etdiyi postu tərk etməsi ilə bağlı istefa ərizəsini təqdim edib. Xatırladaq ki, dünən Türkiyə mediasında Oktay Saralın vəzifəsindən uzaqlaşdırılması barədə xəbərlər yayılıb. Daha sonradan türkiyəli jurnalist Talat Atilla O.Saralın vəzifədən ayrıldığını təsdiqlədiyini bildirib....
26 Oktyabr 2026, 14:18
Nigeriyada Ebola ilə bağlı nəzarət tədbirləri gücləndirilir
Afrikada Ebola virusunun yayılması ilə bağlı narahatlıqlar artır. Bir sıra ölkələrdə yoluxma hallarının qeydə alınması səhiyyə qurumlarını qabaqlayıcı tədbirləri gücləndirməyə vadar edir.Citypost.az saytı AFP-yə istinadən xəbər verir ki, Nigeriyada Ebola virusuna yoluxmuş şəxslə təmasda olan daha 9 nəfər müəyyən edilib. Bununla da nəzarətdə saxlanılan əlaqəli şəxslərin sayı 53-ə çatıb. Ölkədə hələlik yalnız bir təsdiqlənmiş yoluxma halı var.Səhiyyə orqanları beynəlxalq hava limanlarında yoxlamaları gücləndirib. Yoluxmuş qadının Uqandaya səfər etdiyi, hazırda isə müalicə aldığı bildirilir.Əli ...
26 Oktyabr 2026, 09:41
ABŞ-da məlumat mərkəzi sakinlərlə şirkət arasında narazılığa səbəb olub
Süni intellekt texnologiyalarının sürətli inkişafı məlumat mərkəzlərinin sayını artırsa da, bu obyektlərin ətraf mühitə və insanların gündəlik həyatına təsiri müzakirələrə yol açır.Citypost.az saytı AFP-yə istinadən xəbər verir ki, ABŞ-ın Massaçusets ştatının Louell şəhərində yerləşən məlumat mərkəzi səs-küy, toz, tüstü və su buxarı səbəbindən sakinlərin narazılığına səbəb olub.Bəzi sakinlər sağlamlıqlarından və əmlaklarının dəyərinin azalmasından narahatdırlar. Şirkət isə mərkəzin yüzlərlə iş yerini dəstəklədiyini və ətraf mühitə təsiri azaltmaq üçün tədbirlər gördüyünü bildirir. Şəhər şurası məlumat mərkəzlərinin tikintisi və genişləndirilməsinə 360 günlük moratorium tətbiq edib....
26 Oktyabr 2026, 09:37
Marin Le Penin tərəfdarları Fransanın gələcəyindən narahatdırlar
Fransada qarşıdan gələn prezident seçkiləri ərəfəsində siyasi gərginlik və təhlükəsizliklə bağlı narahatlıqlar artır. İfrat sağçı qüvvələrin yüksəlişi və immiqrasiya ətrafında müzakirələr ölkənin siyasi gündəminin əsas mövzularındandır.Citypost.az saytı AFP-yə istinadən xəbər verir ki, Marin Le Penin minlərlə tərəfdarı Orlean şəhərində keçirilən mitinqdə iştirak edərək ona dəstək ifadə edib. Təxminən 8500 nəfərin qatıldığı tədbirdə tərəfdarlar artan cinayət və zorakılıqdan narahatlıqlarını bildiriblər.Le Pen çıxışında qanunun aliliyini bərpa edəcəyinə və immiqrasiya siyasətini sərtləşdirəcəyinə söz verib. Sorğular onun gələn il keçiriləcək prezident seçkilərində əsas namizədlərdən biri olduğunu göstərir.Turan ...
26 Oktyabr 2026, 09:25
