Ər alimentə görə keçmiş arvadını məhkəməyə verdi — QALMAQAL
Hüquq 16 May 2025, 15:30
10872
Keçmiş həyat yoldaşının məhkəmə qərarlarını icra etməməsindən şikayətçi olan vətəndaş mətbuat vasitəsi ilə aidiyyatı qurumlara müraciət edib.
CityPost.az saytına müraciət edən Həmidov Rasim Həmid oğlu bildirib ki, 2022-ci ilin oktyabrında Sumqayıt Şəhər Məhkəməsinə müraciət edərək həyat yoldaşı Həmidova Sevinc Baxşeyiş qızı ilə boşanmaq istədiyini və 3 övladı üçün qarşı tərəfindən aliment tələb etdiyini iddia ərizəsində qeyd edib. Ər arvadını boşaya bilsə də, məhkəmənin kəsdiyi alimenti illərdir ondan ala bilmir.
“2006-cı ildə ailə qurdum.Ailəmizin ilk illərindən evimizdə söz-söhbətlər olurdu.Mən özüm Laçın rayonundanam.Özümüz Sumqayıt şəhərində məskunlaşmışıq.Həyat yoldaşımla münasibətlərimiz düz gəlmədiyi üçün məhkəmə qaydasında boşandıq.Hələ evliliyimizin davam etdiyi müddətlərdə keçmiş həyat yoldaşım dəfələrlə uşaqları evdə qoyub ata evinə gedirdi.Bu hal dəfələrlə baş verdiyi üçün uşaqlar da artıq yorulmuşdular. 3 uşağı özüm böyütmüşəm.Bütün baş verənlərdən bezib məhkəməyə müraciət etdim.Sumqayıt Şəhər Məhkəməsinin hakimi Rəşad Qoşqarlının sədrliyi ilə baş tutan məhkəmə prosesində mənim xeyrimə 6 oktyabr 2022-ci il tarixli qətnamə qəbul etdi.Məhkəmənin qərarı ilə nikahımız ləğv olundu,3 uşaq mənim himayəmdə qaldı və uşaqların hər biri üçün hər ay 150 (bir yüz əlli) manat olmaqla,ümumilikdə 450 (dörd yüz əlli) manat miqdarında sabit pul məbləğində alimentin 10.01.2022-ci il tarixdən başlayaraq tutulub mənə verilməsi barədə məhkəmə qərar verdi.Qətnamədə aliment hissəsində dərhal icra edilməsi qeyd olunsa da,bu günədək məhkəmənin qanuni qüvvəyə minmiş qətnamənin keçmiş arvadım tərəfindən icra olunmur”,-deyə şikayətçi bildirib.
Rasim Həmidovun sözlərinə görə,məhkəmə qərarının icra edilməməsindən dəfələrlə aidiyyatı qurumlara şikayətlər edib,rəsmi şəxslərin qəbullarında olub.Buna baxmayaraq Ədliyyə Nazirliyinin Sumqayıt şəhəri üzrə icra idarəsinin və Ağcabədi rayon icra və probasiya şöbəsinin icraçıları bu günədək qanuni qüvvəyə minmiş məhkəmə qərarının icrasını təmin etməyiblər.
“2022-ci ildə qanuni qüvvəsini almış məhkəmə hökmü niyə icra olunmur?Bu məndə haqlı olaraq müəyyən şübhələr yaradır.Qarşı tərəf alimneti ödəməkdən boyun qaçırmaq məqsədi ilə hər yola əl atır. Mənə şər atırlar ki,guya keçmiş yoldaşım gəlin gələrkən bizə 79 min manatlıq cehiz gətirib.Bizim evimiz 79 minlik cehizi tutacaq halda heç vaxt olmayıb.Bu məntiqə kim inanar?Yalandan deyirlər ki, gəlin gələrkən atası bizə 5 baş inək veribmiş.Alimentin məbləği artdıqca “inəklər”in sayı da da artırıldı...Bunlar hamısı ağ yalandır.Atam özü Xaçmazdan bir nəfərdən inək almışdı.Həmin inəyi də artırıb,kiçik təsərrüfat qurmuşdu. Bu faktı təsdiq edən şahidlər və tərtib edilmiş akt var. Qarşı tərəfin alimenti ödəməkdən imtina etməsi üçün uydurduğu bütün bunlar əsası olmayan mənasız bəhanələrdir. Məhkəmə qərarını icra etməkdən yayınmaqdan ötrü gündə min cür yalan arqumentlər gətirirlər”,-deyə Rasim Həmidov bildirib.
Sayt məsələ ilə bağlı araşdırma aparıb.Məlum olub ki,məhkəmə qətnaməsini qəsdən icra etmədiyinə görə,Həmidova Sevinc Baxşeyiş qızına cinayət işi açılıb. Həmidov Rasim Həmid oğlu zərərçəkmiş şəxs kimi,Həmidova Sevinc Baxşeyiş qızı isə təqsirləndirilən şəxs kimi tanınıb. İş hazırda Ədliyyə Nazirliyinin İstintaq İdarəsində araşdırılır.Yaxın günlərdə S.Həmidova barədə Azərbaycan CM-nin 306-cı maddəsinin tələblərinə uyğun olaraq açılmış cinayət işi məhkəməyə göndəriləcək.
Sayt işi aparan müstəntiq Seymur Xəlilovla əlaqə saxlayıb.Müstəntiqin sözlərinə görə,Rasim Həmidov İdarəyə dəvət olunub,ona hüquqları izah olunub və qarşı tərəfə məhkəmə qərarını qəsdən icra etmədiyinə görə cinayət işi açılıb. Ağcabədi Rayon İcra və Probasiya Şöbəsinin icra məmuru Bəhrəm Cəfərovun ifadəsi alınmaqla cinayət işinə əlavə edilib.Hazırda istintaq prosesi davam edir”,-deyə müstəntiq bildirib.
Sayt qanuni qüvvəyə minmiş məhkəmə qərarının icrasının təmin edilməsi üçün təhkim edilmiş Ağcabədi Rayon İcra və Probasiya şöbəsinin icra məmuru,II dərəcəli ədliyyə qulluqçusu Bəhram Cəfərovla da əlaqə saxlayıb. İcra məmuru bildirib ki,Həmidova Sevinc Baxşeyiş qızı qanuni qüvvəyə minmiş məhkəmə qərarını icra etmədiyi üçün barəsində akt tərtib olunub,iki dəfə 500 manat olmaqla cərimə edilib..İş hazırda Ədliyyə Nazirliyinin İstintaq İdarəsindədir.
Sayt iddialarla bağlı qarşı tərəfin də mövqeyini öyrənib.
Sevinc Həmidovanın qardaşı Rəhim Həmidovun sözlərinə görə,bacısı alimenti ödəmək durumunda deyil.
“Bacım hazırda xəstədir.Atam da dünyasını dəyişdi.Hazırda bacımın maddi durumu acınacaqlıdır.İşsiz kimi qeydiyyata düşüb.Bacımın onlarda cehizi qalıb.Onu tələb edirik.Sənədləri məhkəməyə də təqdim etmişik.Laçın Rayon Məhkəməsində hakim Cavad İbrahimovun icraatındadır”,-deyə Rəhim Həmidov bildirib.
Həmçinin oxuyun
CityPost.az məsələnin hüquqi tərəfinə də diqqət yetirib.
Mövzu ilə bağlı saytımıza açıqlama verən vəkil Şəms Mirzəyeva bildirib ki,alimenti ödəməkdən imtina edən şəxsin hüquqi məsuliyyəti yaranır.
“Aliment ödəməli olan şəxs tərəfindən bu və ya digər səbəbdən alimentin ödənilməməsi İcra Haqqında AR Qanununa əsasən məcburi icra tədbirlərinin tətbiqinə səbəb ola bilər. Belə ki, həmin şəxsin əmlakı və ya bank hesabları üzərinə həbs qoyula bilər, onun ölkədən çıxışı məhdudlaşdırıla bilər və s. Məhkəmənin artıq qanuni qüvvəyə minmiş qərarı mövcuddursa lakin şəxs onu icra etməkdən qəsdən və ya qərəzli şəkildə boyun qaçırırsa, bu artıq inzibati hüquq pozuntusudur. Bununla bağlı AR İXM 528-ci maddəsinə əsasən şəxs 500 manatdan 1000 manata qədər cərimə oluna bilər və ya 1 ayadək inzibati qaydada həbs oluna bilər. Eyni zamanda məhkəmə qərarlarının üzrsüz səbəbdən icra olunmaması cinayət məsuliyyətinə də səbəb ola bilər. Bununla bağlı şəxs AR CM 306-cı maddəsinə əsasən cinayət məsuliyyətinə cəlb oluna bilər. Bu zaman şəxs 2000 manatdan 4000 manatadək cərimə, islah işləri, ictimai işlər, 3 ilədək azadlığın məhdudlaşdırılması və ya 3 ilədək azadlıqdan məhrumetmə cəzasına məhkum oluna bilər. AR Ailə Məcəlləsinə əsasən valdeynlərin uşaqlarına münasibətdə aliment öhdəliklərini icra etməməsi valideynlik hüququndan məhrumetməyə belə səbəb ola bilər”,-deyə vəkil Şəms Mirzəyeva bildirib.
Sayt məsələni diqqətdə saxlayacaq.
Hazırladı: Miri Məcidli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Hakimin özü-özünə etirazı təmin olundu
Naxçıvan Muxtar Respublikası Ali Məhkəməsinin cinayət kollegiyası hakimin özü-özünə etirazı ilə bağlı qərar verib.Citypost.az APA-ya istinadən xəbər verir ki, kollegiya hakimin özü-özünə etirazını təmin edib.Qeyd edək ki, Naxçıvan Şəhər Məhkəməsinin sədri Gülnar Səfərəliyevanın Cinayət Məcəlləsinin 147.1-ci maddəsi ilə xüsusi ittiham qaydasında şikayəti Cinayət Prosessual Məcəlləsinin 74.1-ci maddəsinin tələbinə əsasən, aidiyyət qaydalarına riayət edilərək Naxçıvan Şəhər Məhkəməsinə göndərilib.Məhkəmənin hakimi Gülsüm Əliyeva obyektivliyin təmin olunması baxımından işə onun tərəfindən baxılmasına dair öz-özünə etiraz edib. Cinayət-Prosessual Məcəlləsinin 107.2-ci maddəsinə əsasən hakimin, prokurorun, müstəntiqin, təhqiqatçının, müdafiəçinin, zərər çəkmiş şəxsin, (xüsusi ittihamçının), mülki iddiaçının, mülki cavabdehin, yaxud şahidin nümayəndəsinin, eləcə də hal şahidinin, məhkəmə iclası katibinin,...
07 May 2025, 14:44
Bakıda ağacları kəsərək, təbiətə 11 min manatdan çox ziyan vuran şəxs cəzalandırılıb
Nəsimi rayonu, Cavadxan küçəsi Şəki kafesinin ərazisində ağacların kəsilməsi ilə bağlı 11 saylı regional ekologiya və təbii sərvətlər idarəsinə daxil olan şikayət araşdırılıb.İdarənin rəisi Qafar Ağayev bildirib ki, araşdırma zamanı ağacların kafedə təmir-tikinti işləri aparılan zaman kafenin sahibi Famil Səfərovun göstərişi ilə kəsildiyi və təbiətə 11 min 700 manat məbləğində ziyan dəydiyi müəyyən olunub.“Faktla bağlı 2 aprel 2025-ci il tarixində akt tərtib edilib. Təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi üçün toplanmış materiallar Azərbaycan Respublikasının Baş Prokurorluğuna göndərilib”.Q.Ağayev qeyd edib ki, kəsilmiş ağacların əvəzinə ərazidə yeni yaşıllıqların salınması üçün Nəsimi rayon İcra Hakimiyyəti və Yaşıllaşdırma Təsərrüfatı...
07 Aprel 2025, 10:36
Erməniəsilli şəxslər Vardanyanın məhkəməsində ifadə veriblər
Azərbaycan Respublikasının Cinayət Məcəlləsinin sülh və insanlıq əleyhinə cinayətlər, müharibə cinayətləri, habelə terrorçuluq, terrorçuluğu maliyyələşdirmə ilə bağlı maddələri və digər ağır cinayətlərdə təqsirləndirilən Ermənistan vətəndaşı Ruben Vardanyanın barəsində cinayət işi üzrə məhkəmə prosesinin baxış iclası martın 11-də davam etdirilib.APA xəbər verir ki, Bakı Hərbi Məhkəməsində hakimlər Zeynal Ağayevin sədrliyi ilə, Anar Rzayevdən və Camal Ramazanovdan ibarət tərkibdə keçirilən açıq məhkəmə iclasında (ehtiyat hakim Günel Səmədova) təqsirləndirilən şəxs bildiyi dildə, yəni, rus dilində tərcüməçi, habelə müdafiəsi üçün özünün seçdiyi vəkillə təmin olunub.İclasın əvvəlində hakim Zeynal Ağayev bu məhkəmə prosesində ilk dəfə iştirak edən zərərçəkmiş şəxslərə hüquq və vəzifələrini izah edib.Ardınca təqsirləndirilən...
11 Mart 2025, 21:32
Ruben Vardanyanın cinayət işi üzrə məhkəmə baxışı davam etdirilir
Müharibə qanunlarını və adətlərini pozma, terrorçuluq, terrorçuluğu maliyyələşdirmə və digər maddələrlə təqsirləndirilən Ruben Vardanyanın cinayət işi məhkəmənin baxış iclası başlayıb.Bakı Məhkəmə Kompleksində Bakı Hərbi Məhkəməsinin hakimi Zeynal Ağayevin sədrliyi ilə məhkəmə prosesi keçirilir.Qeyd edək ki, ötən prosesdə dövlət ittihamını müdafiə edən prokurorlar təqsirləndirilən şəxsə ittiham olunduğu cinayət əməlləri üzrə suallar veriblər.Xatırladaq ki, Ruben Vardanyan Azərbaycan Respublikası Cinayət Məcəlləsinin 100 (təcavüzkar müharibəni planlaşdırma, aparma), 107 (əhalini deportasiya etmə və ya məcburi köçürmə), 109 (təqib), 112 (beynəlxalq hüquq normalarına zidd azadlıqdan məhrum etmə), 113 (işgəncə), 114 (muzdluluq), 115 (müharibə qanunlarını və adətlərini pozma), 116 (silahlı münaqişə zamanı beynəlxalq humanitar hüquq normalarını pozma),...
11 Mart 2025, 11:50
Bu ittiham Ədalət Verdiyevin üzərindən götürüldü
Bir müddət əvvəl həbs edilən tanınmış hərbi ekspert Ədalət Verdiyevin cinayət işi məhkəməyə göndərilib. Citypost.az Gununsesi.info-ya istinadən xəbər verir ki, hərbi ekspertə qarşı irəli sürülmüş Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə) ilə elan olunan ittiham xitam olunub. Onun işi yalnız Cinayət Məcəlləsinin 284.1-ci maddəsi ilə (dövlət sirrini yayma) məhkəməyə göndərilib. Bu barədə məlumatı ekspertin vəkili Bəhruz Bayramov da təsdiqləyib. Xatırladaq ki, ötən ilin noyabrın 22-də təşkil olunmuş mediaturda hərbi-ekspert qismində iştirak etmiş Ədalət Verdiyevin Azərbaycan Silahlı Qüvvələrinin döyüş məntəqələrinin yerləşdiyi əraziləri lentə alaraq sosial şəbəkə hesabı vasitəsilə yaymasına və Azərbaycanın qanunla qorunan dövlət təhlükəsizliyini və müdafiə qabiliyyətini təmin edən mənafelərinə ağır...
10 Fevral 2025, 12:24
MN-dəki mənimsəməyə görə həbs edilən maliyyə xidmət rəisinə hökm oxunub
Müdafiə Nazirliyinin tabeliyində olan hərbi hissələrdə mənimsəməyə görə həbs edilən, müxtəlif hərbi hissələrdə maliyyə xidmət rəisi olmuş Cəbrayıl Orucovun məhkəmə prosesi yekunlaşıb. Bu gün Bakı Hərbi Məhkəməsində hakim Bilal Məmmədovun sədrliyi ilə keçirilən prosesdə hökm elan olunub. Hökmə əsasən, Cəbrayıl Orucov 2 il vəzifə tutmaq hüququndan məhrum edilməklə, 10 il müddətinə azadlıqdan məhrum olunub. Dövlət ittihamçısı ona 11 il həbs cəzası verilməsini istəmişdi. Qeyd edək ki, N saylı hərbi hissənin maliyyə xidmət rəisi işləmiş Cəbrayıl Orucov Müdafiə Nazirliyinin mənimsəməyə görə tutulmuş Maliyyə və Büdcə İdarəsinin sabiq rəisi general-mayor Nizami Məmmədov, Hərbi Hava Qüvvələrinin Maliyyə Xidmətinin sabiq rəisi, polkovnik Cəlal Kazımov, Quru Qoşunların maliyyə idarəsinin...
16 Yanvar 2025, 20:50
