COP29: Təşkilat Komitəsinin 7-ci iclası keçirildi
İqtisadiyyat 01 Oktyabr 2024, 18:45
4883
Oktyabrın 1-də BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) ilə əlaqədar Təşkilat Komitəsinin yeddinci iclası keçirilib.
Citypost.az xəbər verir ki, Azərbaycan Respublikası Prezidentinin Administrasiyasının rəhbəri, Təşkilat Komitəsinin sədri Samir Nuriyev Prezident İlham Əliyevin tapşırıqlarına uyğun olaraq sonuncu iclasdan keçən müddət ərzində COP29 üzrə Tədbirlər Planının icrası istiqamətində görülmüş işləri qeyd edib.
Prezident İlham Əliyevin COP29-a hazırlıq prosesini daimi olaraq diqqətdə saxladığını qeyd edən Təşkilat Komitəsinin sədri dövlətimizin başçısının sentyabrın 10-da Bakı Olimpiya Stadionunda COP29-a hazırlıqla bağlı görülən işlərlə tanış olaraq müvafiq tapşırıq və göstərişlər verdiyini diqqətə çatdırıb.
Samir Nuriyev sentyabrın 22-23-də Nyu-Yorkda keçirilmiş “Gələcəyin Sammiti”ndə, daha sonra isə BMT Baş Assambleyasının 79-cu sessiyasının ümumi müzakirələri çərçivəsində bir sıra dövlət və hökumət başçılarının öz çıxışlarında COP29-a istinad etməsinə toxunaraq, noyabr ayında bütün dünyanın diqqətinin Azərbaycanda olacağını bildirib.
Prezident Administrasiyasının rəhbəri sentyabr ayında COP29 Sədrliyi tərəfindən Bakıda müxtəlif vacib tədbirlərin təşkil olunduğunu bildirərək, İtki və Zərər Fondunun 3-cü iclasını xüsusi qeyd edib. Təşkilat Komitəsinin sədri hazırda davam edən Bakı İqlim Həftəsinin əldə etdiyi nəticələrin davamlı olacağına inamını ifadə edib, qarşıdan gələn tədbirlər arasında oktyabrın 10-11-də keçiriləcək Pre-COP tədbirinin vacibliyini vurğulayıb.
Samir Nuriyev Prezident İlham Əliyevin inkişaf etməkdə olan kiçik ada dövlətlərinin COP29-da iştirakından irəli gələn məsələlərin həlli ilə bağlı verdiyi tapşırığın həm bu ölkələr, həm də inklüzivliyin təmin olunması nöqteyi-nəzərindən beynəlxalq ictimaiyyət tərəfindən müsbət qarşılandığını bildirib.
Təşkilat Komitəsinin sədri dövlət qurumlarının COP29 çərçivəsində beynəlxalq tərəfdaşlarla birlikdə çoxsaylı tədbirlər keçirəcəklərini qeyd edib.
Samir Nuriyev Azərbaycan QHT-lərinin “Gələcəyin Sammiti”nin işində fəal iştirak etdiklərini və bunun nəticəsi olaraq 22 ölkədən 44 QHT nümayəndəsinin Azərbaycanın COP29-a ev sahibliyi edən ölkə kimi inklüzivliklə bağlı addımlarını dəstəkləyən bəyanat verdiyini bildirib.
Sonra Samir Nuriyev Bakı Olimpiya Stadionunda görülən işlər, nəqliyyatın təşkili, təhlükəsizlik, COP29 vizasının əldə edilməsi, informasiya təhlükəsizliyi ilə bağlı məsələlər haqqında danışaraq, onların həlli istiqamətində müvafiq tapşırıqlar verib.
Həmçinin oxuyun
Ekologiya və təbii sərvətlər naziri, COP29-un müəyyən edilmiş Prezidenti Muxtar Babayev Nyu-York İqlim Həftəsi ərzində keçirilmiş görüşlər də daxil olmaqla, COP29-la bağlı ümumi gedişat barədə məlumat verib.
Azərbaycan Respublikası Prezidentinin köməkçisi Anar Ələkbərov Bakı Olimpiya Stadionunda aparılan işlər və digər təşkilati-logistika məsələləri barədə çıxış edib.
Xarici işlər naziri Ceyhun Bayramov BMT Baş Assambleyasının 79-cu sessiyası çərçivəsində keçirilmiş görüşlər və digər substantiv məsələlər barədə danışıb.
Maliyyə naziri Samir Şərifov iqlim maliyyəsi, bu kontekstdə Beynəlxalq Valyuta Fondu və Dünya Bankı ilə həyata keçirilən əməkdaşlıq barədə çıxış edib.
Elm və təhsil naziri Emin Əmrullayev COP29 zamanı təhsil müəssisələrinin fəaliyyətinin təşkili barədə məruzə edib.
Dövlət Təhlükəsizliyi Xidmətinin rəisi Əli Nağıyev COP29 zamanı təhlükəsizliyin təmin edilməsi məsələləri barədə danışıb.
Mədəniyyət nazirinin müavini Səadət Yusifova COP29 ilə əlaqədar Mədəniyyət Nazirliyi tərəfindən görülmüş işlər, o cümlədən “İqlim naminə mədəniyyət” təşəbbüsü barədə məlumat verib.
Kənd təsərrüfatı nazirinin müavini İlhamə Qədimova COP29 ilə əlaqədar Kənd Təsərrüfatı Nazirliyi tərəfindən görülmüş işlər və “Harmoniya” təşəbbüsü barədə danışıb.
İclasın sonunda COP29 Tədbirlər Planının icrası istiqamətində görülən işlərin davam etdirilməsi və digər aidiyyəti məsələlər üzrə tapşırıqlar verilib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
İqtisadçı: Kraudfandinq qanunu yeni investisiya imkanları açacaq
“İndiyə qədər çox adam pullarını yüksək gəlir vədləri ilə piramida sxemlərində itirib. Bunun əsas səbəblərindən biri isə kiçik məbləğlərlə qanuni və şəffaf investisiya imkanlarının məhdud olması idi. "Kraudfandinq haqqında" yeni qanun bu baxımdan maraqlı yenilikdir."Kraudfandinq" sözü "kütləvi maliyyələşmə" deməkdir”. Citypost.az xəbər verir ki, bunu iqtisadçı Eldəniz Əmirov deyib. O, bildirib ki, mahiyyət etibarilə isə yüzlərlə və ya minlərlə insanın kiçik məbləğlərlə eyni biznes layihəsinə investisiya etməsidir. Məsələn, yeni texnologiya hazırlayan bir startapın 300 min manata ehtiyacı varsa, bunu bir nəfərdən deyil, 1000 nəfərin hər birindən 300 manat cəlb etməklə də əldə edə bilər:“Bu, dünyada uzun illərdir istifadə olunan və həcmi artıq 100...
09 İyul 2026, 10:00
Eldəniz Əmirov: İstehlak düşüncəsi insanı idarə edir
Modernizm insana kənddə qoyun saxlamağı gerilik kimi göstərir, amma şəhərdə it saxlamağı prestij hesab etdirir.Halbuki qoyun iqtisadi dəyər yaradır. Ət verir, süd verir, yun verir, gəlir gətirir. O, istehsalın və əməyin bir hissəsidir. İt isə əksər hallarda sahibinin qazandığı resurs hesabına yaşayır. Məsələ qoyunla itin müqayisəsi deyil.Əsl məsələ dəyərlərin necə dəyişdirilməsidir. Kapitalistlər dünyada elə bir düşüncə formalaşdırır ki, istehsal etmək yox, istehlak etmək daha cəlbedici görünür. "Əmək" gerilik, "mənasız nümayiş" isə müasirlik kimi təqdim edilir. Ona görə də insan qazandığını artırmağa deyil, qazandığını göstərməyə həvəsləndirilir.Bu dəyişiklik bir gündə və ya bir il, iki il ərzində də baş vermir. Onilliklər ərzində insanların...
06 İyul 2026, 09:44
Zaur İbrahimli: İqtisadi inkişafın əsas şərti islahatlara etimaddır
Ekspert Zaur İbrahimli bildirib ki, iqtisadi inkişaf strategiyalarının uğuru ilk növbədə cəmiyyətin və investorların islahatlara olan etimadından asılıdır.Citypost.az xəbər verir ki, onun sözlərinə görə, tarixi təcrübə göstərir ki, Almaniyada Konrad Adenauer dövründə həyata keçirilən sosial bazar iqtisadiyyatı modeli, eləcə də Cənubi Koreyada Park Çon Hinin rəhbərliyi altında baş verən iqtisadi yüksəliş islahatların ədalətli və dürüst şəkildə həyata keçiriləcəyinə dair ictimai inam sayəsində mümkün olub.Z.İbrahimli qeyd edib ki, Sinqapurda Li Kuan Yu və Çində Den Syaopin nümunələri isə etimadla yanaşı, bacarıqlı idarəçilik və nəticəyönümlü icranın vacibliyini ortaya qoyub. Onun fikrincə, bu ölkələrdə dövlət aparatının səmərəli fəaliyyəti və islahatların uğuruna inam investisiyaların...
18 İyun 2026, 09:20
Azərbaycan neftinin qiyməti artıb
Dünya bazarlarında "Azeri Light" (CIF) markalı Azərbaycan nefti bahalaşıb.Citypost.az xəbər verir ki, Azərbaycan neftinin 1 barelə olan qiyməti 0,49 ABŞ dolları və ya 0,51% bahalaşaraq 96,85 ABŞ dolları olub.Qeyd edək ki, Azərbaycan neftinin əvvəlki qiyməti 96,36 ABŞ dolları təşkil edib.Xatırladaq ki, Azərbaycanın builki dövlət büdcəsində “Azeri Light” markalı Azərbaycan neftinin 1 barelinin orta qiyməti 65 ABŞ dollarından hesablanıb.
12 İyun 2026, 09:53
Azərbaycanın xarici dövlət borcu 8 % azalıb
Bu il iyunun 1-nə Azərbaycanın xarici dövlət borcu 4 milyard 642,4 milyon ABŞ dolları təşkil edib.Citypost.az-a bu barədə Dövlət Statistika Komitəsinə istinadən xəbər verir.Məlumata görə, bu, ötən il iyunun 1-nə nisbətən 8 % azdır.Təkcə mayda ölkənin xarici dövlət borcu 36 milyon ABŞ dolları azalıb.Ötən il ölkənin xarici dövlət borcu 6,7 % azalaraq 4 milyard 813,5 milyon ABŞ dollara (8 milyard 183 milyon manata) düşüb....
10 İyun 2026, 12:25
Azərbaycan əhalisinin gəlirləri 10 %-dən çox artıb
Bu ilin yanvar-may aylarında Azərbaycan əhalisinin nominal gəlirləri 37 milyard 699,8 milyon manat təşkil edib.Citypost.az bu barədə Dövlət Statistika Komitəsinə istinadən xəbər verir.Məlumata görə, bu, ötən ilin eyni dövrü ilə müqayisədə 10,2 % çoxdur.
10 İyun 2026, 12:22
