Tez də olsa... Elman Eldaroğlu YAZIR
Söz adamı 17 Avqust 2026, 13:06
4080
Deyir ki:- "Təəssüf edirəm, bu gün televiziyada danışığı ilə insanları yoran, nitqində heç bir məna və informasiya yükü olmayan aparıcılar var. Aparıcı etikasını qoruyaraq ad çəkmək istəmirəm, amma eləsi var ki, kanalı nə vaxt açırsan, ancaq onun səsini eşidirsən. İnsan özü başa düşməlidir ki, tamaşaçını yorur. Təsəvvür edin, verilişə 3-4 qonaq çağırır, amma efir vaxtının 80 faizində özü danışır, qonaqlara isə cəmi 20 faiz vaxt qalır..."
Onun televiziyadakı “Yaddaş” verilişinə sevə-sevə tamaşa edir, radiodakı “Azəri caz” verilişini də eyni şövqlə dinləyirəm. Verilişləri çox maraqlı olur. Yəqin ki, daxili dünyasının zəngin olduğundan irəli gəlir. Bəli, o, yüksək hazırlıqlı, səlist və təmiz nitqi, eləcə də ziyalı davranışı ilə seçilən media xadimidir. Uzun illərdir ki, Azərbaycan efir məkanında özünəməxsus üslubu ilə tanınır...
“Mən Neft və Kimya institutunun energetika fakültəsini bitirmişəm. Hələ də özümü jurnalist hesab etmirəm, mən aparıcıyam. Mənə aparıcı kimi populyarlıq gətirən də "Kiçik Qala" televiziya layihəm olub. Musiqini çox sevirəm, yanvarın 9-da ilk efir günümün 32 ili tamam oldu. Əsasən milli musiqimiz və caz məni daha çox cəlb edir. Amma başqa müasir musiqi istiqamətlərini də, xüsüsən lanjı çox bəyənirəm...”- söyləyir.
O, 1962-ci ildə Bakı şəhərində dünyaya gəlib. Atası mühəndis, anası isə uşaq həkimi işləyib. 1979 -cu ildə orta məktəbi bitirib. Özü jurnalist olmaq istəsə də həmin il atasının istəyi ilə M. Əzizbəyov adına Neft Kimya İnsitutunun energetika fakultəsinə daxil olub. 1984-cü ildə institutu bitirb və 10 il ixtisası üzrə energetik kimi çalışıb. Çalışdığı müddətdə mühəndis vəzifəsindən rəis müavini vəzifəsinə qədər yüksələ bilib. Daha sonra öz istəyi ilə jurnalist fəaliyyətinə başlayıb və Azərbaycanın bir çox televiziya və radio kanallarında çalışıb. Hal-hazırda İctimai TV-də çalışır...
Deyir ki:- “Hər il Vaqif Mustafazadənin anadan olduğu və vəfat etdiyi tarixi qeyd edirəm və bunu özümə borc bilirəm. “ANS”də işlədiyim zamanlarda bir hadisə baş verdi. Dekabrın 16-sı Vaqifin vəfat etdiyi gün idi, mən də verilişi ona həsr etmişdim. Dəyərli dostlarımdan biri mənə zəng etdib dedi ki, gecə yuxuda Vaqifi görmüşəm, çox kədərli idi. Kənardan radiodan sənin səsin gəlirdi və Vaqif gileyləndi ki, bir dənə o yada salır məni. Bir də dedi ki, mənim təşəkkürümü ona bildir. Beləcə dostum gördüyü bu yuxunu mənə danışdı. Onda çox kövrəldim. Bu hadisənin üstündən 3 ay keçirdi və növbəti efirimi bitirəndə məni çağırdılar ki, sənə zəng gəlib. Gördüm həmin dostumdur. Dedim, nolub? Gördüm ki, səsi birtəhərdir. Mənə dedi ki, inanırsınız, mən Vaqifi yuxuda gördüm yenə və mənə gülə-gülə dedi ki, təşəkkürümü ona çatdırdın. Bundan sonra gəl mistikaya inanma. Bir aparıcı kimi özümə bunu borc bilirəm ki, bu cür insanları tez-tez yada salım. Bunu öz tarixi missiyam hesab edirəm.”
Həmçinin oxuyun
Sənət adamlarının, o cümlədən Vaqif Mustafazadə kimi görkəmli şəxsiyyətlərin xatirəsini hər zaman ehtiramla yad edir. Efirdə hər hansı bir ləhcədən uzaq, təmiz, qrammatik düzgün və səlis danışıq qabiliyyətinə malikdir. Radionu televiziyadan daha üstün və səmimi hesab edir, illərdir radio layihələrinə sadiq qalır. Efir mədəniyyətinə önəm verir, mənasız və boş danışıqlardan uzaq duraraq məzmunlu verilişlər təqdim etməyi bacarır. Cəsarətli və ədalətlidir. Televiziya məkanındakı qüsurları və peşə etikasına riayət etməyənləri açıq şəkildə tənqid etməkdən çəkinmir. Onun ən müsbət xüsusiyyətlərindən biri də sadəliyi, xoş ünsiyyət qurmaq bacarığı və dinləyicilərə hər zaman pozitiv əhval-ruhiyyə bəxş etməsidir. Ümumiyyətlə, o, səmimi insandır...
“10 il, Bakı Caz Festivallarının aparıcısı olmuşam. Mən kimləri görmüşəm səhnədə, kimlərlə bir səhnədə dayanmamışam. Bir dəfə Sevda Ələkbərzadə ifa etməli idi, səhnəyə çıxmamışdan öncə mən, daha sonra Sevda özü də xahiş etdi ki, çəngəl-bıçağın səsinə bir qədər diqqət edin, insanın fikrini yayındırır. Ona görə bəziləri caza kübar görünmək xatirinə qulaq asmağa gəlirdilər. Kübarlıqla bağlı mənim bir aforizmim var: “Toylarda geyilən əlbisələrin uzunluğu kübarlıqdan xəbər verən əsas xüsusiyyətdir”. Toyda kübar cəmiyyətin geyindiyi əlbisəni geyinən adam elə bilir ki, kübardır. Amma bəzən kübar bildiyimiz adamlardan elə davranış görürük ki, deyirsən mən bunu normal adam bilirdim.”- söyləyir.
Nə isə, budəfəki söhbətimin qəhrəmanı televiziya və radio verilişlərinin aparıcısı, müxtəlif televiziya və radio verilişlərinin müəllif və tərtibçisi, Əməkdar mədəniyyət işçisi Rahib Azəridir. Avqustun 21-i Rahib bəyin 64 yaşı tamam olur. Onu tez də olsa bu münasibətlə təbrik edir, möhkəm cansağlığı, yaradıcılıq uğurları arzulayıram...
Hörmətlə, Elman Eldaroğlu
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Anna Axmatovaya -Saday Şəkərlinin şeiri
...qalıb ürəyimdə zülmün çatları,bir də qollarımda qandalın yeri,düzgün işləmədi qum saatları,yerimdə sayıramillərdən bəri,hələ də qaradırdamarımda qan, gözlərim dünyanıqanlı görmədə, bir Saday qartaldırazad, firavan, bir Saday hələ dəölür türmədə,elə hey nəmlidirgözlərim, sudur, qurutmaq çətindirbu kəhrizləri, sanki dən səpilmişquş axurudur,qolumda saralanqandal izləri...Saday Şəkərli
26 Oktyabr 2026, 13:29
Samir Feyruzov: Yazıçılıq istedadla yanaşı intellekt də tələb edir
Bizim cəmiyyətdə savadlılıq heç vaxt yüksək səviyyədə olmayıb, kütləvi savadsızlıq həmişə öndə dayanıb. Məhz buna görə də azacıq bicliyi olan, amma heç bir intellekti, savadı və əxlaqı olmayan şəxslər, xüsusilə də yazıçılar bu savadsız cəmiyyəti təəccübləndirə biliblər. Onlara ziyalı deyib efirlərə dırmaşdırırlar. Əyyaş, ailə-uşağını küçələrə atan, kitabdan-mütaliədən uzaq, amma özünü kitab əhli, Kafkadan bir iki əsər oxuyub dərin mütaliəçi kimi göstərən, hökumətdən yararlanmaq üçün hər cür məxfi alçaqlığa imza atan yazıçıların gəlişi gözəl və dərin tülkülüyə əsaslanan fikirləri çoxlarını təəccübləndirir.Bu adamların özlərini qabaqcıl fikir adamı və ziyalı kimi göstərmək üçün Mirzə Cəlilə istinad etmələri də təsadüfi deyil. Çünki Mirzə Cəlillə...
26 Oktyabr 2026, 12:08
Məzarlıqda bitən yovşan... Rüstəm Behrudi
Ətrin öldürdü məni,Bağrım oldu yenə şan-şan.Gördüm ki, boş bir məzaraYenə məndən danışırsan,Məzarlıqda bitən yovşan.Əlim qoynumda gəlmişəm,Əfv et, hönkürüb ağlasam;Öz qəbrim üstə qoyacam,Sənnən bir dəstə bağlasam,Məzarlıqda bitən yovşan.Sən arxasız, mən kimsəsiz,Sənnən axır göz yaşlarım;Burda daşlar daş deyil ki,Bacılarım, qardaşlarım,Məzarlıqda bitən yovşan.Bu son bahar da ölmədim,Ölmədim, yaz, yaz günaha.Mən öz tabutundan tutub,Dönən bir ölüyəm dahaMəzarlıqda bitən yovşan.Məni dərd deyil, adamlar,Adamlar öldürdü; sən, sən...Baş daşıma qoyulacaqÇiçəklərdən də gözəlsən,Məzarlıqda bitən yovşan.Vədə tamamdı, dönəcəm,Gəlim qarışım tüstünə.Gələcəm dua oxuyaq,Ölən bir şairin üstünə,Məzarlıqda bitən yovşan. Ətrin öldürdü məni,Bağrım oldu yenə şan-şan.Gördüm ki, boş bir məzara,Yenə məndən danışırsan,Məzarlıqda bitən yovşan....
20 Oktyabr 2026, 10:59
Bir qızın telləri əsdi üzümə... Vaqif Bayatlı Odərin ŞEİRİ
Gizlicə-gizlicə gəldi buludlar,Gizlicə-gizlicə döndü ümidlər,İndiki buludlar beləcə gəlmir,İndiki yağışlar beləcə yağmır.İllərin o başındanbir qız yaylığı üstdəbir ipək xatirə döndü qəlbimə,bir qızın telləri əsdi üzümə.Gülüm yağış! Çiçəyim yağış!O ipək illərdən,atlaz günlərdən,Gilənar göylərdən dolan yağışım,yollarda yorulubgözümdə, könlümdə qalan yağışım,bir çinar üstündəqoyub gəlmişdim səni,çinarın altında bir gilənar qız.İndiki yağışlar beləcə yağmır...Bu gilənar yağışmənim qəsdimə yağır,O dost çinarın üstündən yağır,On ildən, beş ildən, dünəndən yağır,bütün sevgilərindönən yerindən yağır.Bəlkə də, bəlkə də lal məhəbbətlərindinən yerindən yağır.İllərin altında solmaz o tellər,Hər bulud lələyi ümidlə gələr,O barlı illərin sevgisi qızlarBir də gilə-gilə qızardı bəlkə......
19 Oktyabr 2026, 23:28
Əkrəm Əylisli: “Mən Şeyx Əbdül, Seyran Səxavət deyiləm...”
“İndiki zamanədə zəng edib kiminsə əhvalını soruşmaq çox nadir hallarda olur. Artıq çoxdandır, heç kimlə danışmıram. Xeyli müsahibə istəyən var, heç kimə müsahibə vermirəm. İndiki zəmanədə susmaq daha əlverişlidir”.Citypost.az xəbər verir ki, bu sözləri Pravda.az-a açıqlamasında yazıçı Əkrəm Əylisli deyib.O, “Adamlar və ağaclar” əsərinə görə mükafat alsa da, heç kimin onunla maraqlanmamasından da gileylənib: “O boyda Avropa mükafatı aldım, heç zəng edib təbrik də etmədilər. “Adamlar və ağaclar” əsərim Avropada birinci yerə çıxdı. Heç maraqlanan olmadı. Bu barədə nə yazdılar? Heç nə. Mənim üçün vacib olan belə şeylərdir. Başqa məsələlərə qarışmaq istəmirəm".Ə.Əylisli tədbirlərə dəvət alıb-almaması, hazırda hansı əsəri yazması barədə...
09 Oktyabr 2026, 14:07
İZMİRİ GƏZƏRKƏN
Bu nə sevgidi, ilahi,süzülüb axır üzümə.Baxışlardan leysan kimitökülüb yağır üzümə.Göydən gələn nur selimi,Tanrı dağının yelimi,Ya mən ağılda dəlimi?!.fərəhi sıxır üzümə.Gülə sancılan arıtək,ulu ruhların yarıtək,Min ilin tanışlarıtək-daş-divar baxır üzümə...Mən düşünən kimi bu yer,ləhcə şirin,söhbət şeir.Osmanlı torpağı deyir-duyduğun çıxır üzünə. (Mövlanə məhəlləsi) Avdı Qoşqar
07 Oktyabr 2026, 17:06
