ÜST: Qəzza xəstəxanalarında 2 milyon əhali üçün cəmi 1500 çarpayı var

Ümumdünya Səhiyyə Təşkilatının (ÜST) Fələstin Nümayəndəsi Rik Peeperkorn Qəzzada qismən fəaliyyət göstərən 17 xəstəxanada 2 milyon əhali üçün cəmi 1500 çarpayının olduğunu bildirib.

CityPost.az xəbər verir ki, Peeperkorn öz qiymətləndirmələrini Birləşmiş Millətlər Təşkilatının (BMT) Cenevrə Ofisinin həftəlik mətbuat konfransına onlayn olaraq qatılaraq edib.

İsrailin İrana hücumları ilə başlayan qarşıdurmaya diqqət çəkən qlobal gündəmə baxmayaraq Qəzzada hücumların davam etdiyini vurğulayan Peeperkorn, "Səhiyyə sistemi qırılma nöqtəsindədir. Hazırda Qəzzadakı 36 xəstəxanadan yalnız 17-si qismən fəaliyyət göstərir. Təxminən 17 xəstəxanada bütün əhali üçün 1500 yataq tutumu var" dedi. 

Peeperkorn, Qəzzanın şimalındakı bütün xəstəxana və sağlamlıq mərkəzlərinin xidmətdən çıxdığını bildirdi. 

Həmçinin oxuyun

"İsraili acı aqibət gözləyir" - Xamenei

İsrailin zərbələri nəticəsində İranın Baş Qərargah rəisi və “SEPAH”ın komandanı ölüb

İran İsrailə 100-dən çox PUA buraxıb 

Xırdalanda evlər yanır 

Qəzza ərazisinin yüzdə 80-dən çoxunun İsrail tərəfindən verilən "evakuasiya əmrləri" altında olduğunu bildirən Peeperkorn, tibbi ləvazimatların kritik aşağı səviyyədə olduğunu və ehtiyatların yüzdə 50-dən çoxunun tükəndiyini vurğuladı.

"100 gündən artıqdır ki, Qəzzaya heç bir yanacaq daxil olmayıb və evakuasiya zonalarından ehtiyatların çıxarılması cəhdləri rədd edilib. Yanacağın olmaması su və kanalizasiya xidmətlərinə də təsir edəcək. Bu, həmçinin səhiyyə müəssisələrində infeksiyaların qarşısının alınması və nəzarətə təsir edəcək və Qəzzada xəstəliklərin yayılmasını pisləşdirəcək", - Peeperkorn bildirib.

Yeganə