Tramp və Netanyahunun gizli görüşü – Ağ Evdə nə baş verir?
Dünya 09 İyul 2025, 11:35
250
ABŞ Prezidenti Donald Tramp və İsrailin Baş naziri Benyamin Netanyahu son iki gün ərzində ikinci dəfə Ağ Evdə görüş keçiriblər.
CityPost.az xəbər verir ki, görüş 8 iyul axşamı baş tutub və təxminən iki saat davam edib. Mətbuatın iştirakı olmadan keçirilən bu qapalı görüşdə əsas müzakirə mövzusu Qəzza zolağında davam edən müharibə və mümkün atəşkəs razılaşması olub.
BBC-nin məlumatına görə, Trampın Yaxın Şərq üzrə nümayəndəsi Stiv Uitkoff bildirib ki, İsrail və HƏMAS arasında 60 günlük atəşkəs barədə razılaşma üçün sadəcə bir əsas məsələ qalır.
Netanyahu görüşdən sonra verdiyi açıqlamada atəşkəs imkanlarını istisna etməsə də, İsrailin hərbi kampaniyasını sona çatdırmağa hələ hazır olmadığını deyib:
Həmçinin oxuyun
“Bizim hələ Qəzzadakı işi başa çatdırmağımız, bütün girovları azad etməyimiz və HƏMAS-ın hərbi və siyasi potensialını tamamilə məhv etməyimiz lazımdır,” – deyə Netanyahu vurğulayıb.
O, həmçinin ABŞ Nümayəndələr Palatasının spikeri, respublikaçı Mayk Conson və vitse-prezident Cey Di Venslə də görüşüb. Bu, Netanyahu ilə Tramp arasında Trampın ikinci prezidentliyi dövründə baş tutan üçüncü rəsmi görüşdür.
Xatırladaq ki, Qəzza müharibəsi 2023-cü ilin 7 oktyabrında HƏMAS-ın İsrailə hücumu ilə başlayıb. İsrailin rəsmi məlumatına görə, həmin hücum nəticəsində 1200 nəfər həlak olub, 251 nəfər girov götürülüb. Cavab zərbələri zamanı isə HƏMAS-ın məlumatına görə, Qəzzada 57 min 500-dən çox insan həyatını itirib.
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
İtaliyanın xarici işlər naziri özünü tarixin ən uğursuz naziri adlandırdı
Çoxlu sayda beynəlxalq hadisələr və problemlər, eləcə də iş yükü İtaliyanın xarici işlər naziri Antonio Tajanini “tarixin ən uğursuz nazir”inə çevirib. CityPost.az xəbər verir ki, bu barədə Tajani özü bildirib."Gecikməyə görə üzr istəyirəm, amma təəssüf ki, çətin gün idi... Mən tarixin ən şanssız xarici işlər naziriyəm", - o vurğulayıb.Nazirin sözlərinə görə, son illər beynəlxalq münasibətlər sferasında İtaliya ilə “daim nəsə baş verir”.Bundan əvvəl İtaliyanın baş naziri Giorgia Meloni ANSA agentliyinə Vaşinqtonun Kiyevə silah verməkdən imtina etmədiyini bildirmişdi.Meloninin sözlərinə görə, ABŞ prezidenti Donald Tramp bəzi silah komponentlərinin tədarükü ilə bağlı qərarı yenidən nəzərdən keçirib ki, bu da “vacib faktdır, lakin tədarükdən...
09 İyul 2025, 17:13
Türkiyə İlon Maskın proqramını blokladı
Türkiyə hakimiyyəti amerikalı iş adamı İlon Maska məxsus X sosial şəbəkəsində istifadə edilən süni intellekt (AI) Grok-u bloklayıb. CityPost.az xəbər verir ki, bu barədə “Reuters” məlumat yayıb.Mətbuatda yayılan xəbərlərə görə, Ankaranın bu qərarına neyron şəbəkədən respublika prezidenti Rəcəb Tayyib Ərdoğana ünvanlanan təhqirlər səbəb olub. Türkiyə prokurorluğu hadisə ilə bağlı araşdırmalara başlayıb.Nigar
09 İyul 2025, 14:10
Dolları nə gözləyir?
ABŞ dolları kotirovkalarda kəskin eniş yaşamağa hazırlaşır. CityPost.az xəbər verir ki, bu barədə Deutsche Bank-ın valyuta təhlili departamentinin rəhbəri Corc Saravelos xəbərdarlıq edib. O hesab edir ki, Amerika valyutası öz dəyərinin təxminən 30-35 faizini itirəcək. Öz növbəsində Harvard professoru Kennet Roqoff təklif edib ki, 25 ildən sonra dollar qlobal pul sistemində əsas rolunu itirəcək.Bu, Çin və digər ölkələrin ABŞ-dan asılılığından tədricən qurtulması ilə bağlıdır.Bununla bağlı nəşr qeyd edib ki, dollar heç vaxt, məsələn, İsveçrə frankı ilə müqayisə etsək, xüsusilə güclü valyuta olmayıb. Hazırda dollar kotirovkalarının aşağı düşməsi xarici kreditorlara ciddi ziyan vuracaq, onların aktivləri əhəmiyyətli dəyər itirəcək.Nigar...
09 İyul 2025, 13:40
Husilərin hücumundan sonra Yunanıstan yük gəmisi batıb
Liberiya bayrağı altında üzən Yunanıstana məxsus Eternity C yük gəmisi üsyançı Yəmənin Ənsar Allah hərəkatının döyüşçüləri husilərin hücumundan sonra Qırmızı dənizdə Yəmən sahillərində batıb.CityPost.az xəbər verir ki,bu barədə dörd müstəqil mənbəyə istinadən Reuters agentliyi məlumat yayıb.Agentliyin iki mənbəsinin verdiyi məlumata görə, hazırda bölgədə axtarış-xilasetmə əməliyyatı aparılır. Hazırda 5 ekipaj üzvünün xilas edildiyi məlumdur. Bəzi dənizçilər suda xilasedici jiletlərdə tapıldı.Liberiyanın Beynəlxalq Dəniz Təşkilatındakı daimi nümayəndəsi Robert Vilmot Kpade hücum nəticəsində iki nəfərin öldüyünü təsdiqləyib. Daha sonra Yunanıstanın ERT-News telekanalı aydınlıq gətirib: ölənlərin sayı 3-ə çatıb, yaralılar arasında Rusiya vətəndaşı da var.Gəminin operatoru Cosmoship Management Reuters agentliyinə bildirib ki, iki dənizçi ağır...
09 İyul 2025, 13:14
Ukrayna üçün daha 100 milyard ayrıldı
Bloomberg mənbələrə istinadən yazır ki, Avropa İttifaqı Ukraynaya dəstək üçün daha 100 milyard avro ayırmağı düşünür.CityPost.az xəbər verir ki, qərar təsdiqlənərsə, yeni fond iyulun sonunda təqdim edilməli olan növbəti yeddiillik Aİ büdcəsinin bir hissəsi ola bilər. Ödənişlər 2028-ci ildə başlaya bilər.Üç il yarım əvvəl Rusiyanın Ukraynaya genişmiqyaslı işğalı başlayandan bəri Aİ Kiyevə qrant və kredit şəklində demək olar ki, 160 milyard avro ayırıb.Agentliyin mənbəsinin sözlərinə görə, Avropa bu variantı nəzərdən keçirir, çünki Rusiya-Ukrayna müharibəsi “bitmək əlaməti göstərmir”. Üzv dövlətlər büdcə danışıqları çərçivəsində bu qərarı verərsə, Kiyev üçün maliyyə ayrılmağa başlayacaq.Miri...
09 İyul 2025, 10:53
Şəmkirdə minik maşınının aşması nəticəsində bir nəfər ölüb, 3 nəfər xəsarət alıb
Şəmkir rayonunda ağır yol-nəqliyyat hadisəsi baş verib.Qəza rayonun Şiştəpə kəndi ərazisində qeydə alınıb.Belə ki, Şəmkir şəhər sakini, 1992-ci il təvəllüdlü A.Atakişizadə idarə etdiyi "KIA" markalı minik avtomobili ilə hərəkətdə olarkən sükan arxasında idarəetməni itirib və nəticədə avtomobil aşıb.Qəza zamanı sürücü və avtomobildə olan sərnişinlər - Şiştəpə kənd sakinləri, 1993-cü il təvəllüdlü O.Atakişiyev, 1993-cü il təvəllüdlü C.İbadullayev və 1968-ci il təvəllüdlü İ.Atakişiyev müxtəlif dərəcəli bədən xəsarətləri alaraq xəstəxanaya yerləşdiriliblər.Xəstəxanaya yerləşdirilən yaralılardan biri, 1968-ci il təvəllüdlü İ.Atakişiyev aldığı xəsarətlərdən vəfat edib.Faktla bağlı araşdırma aparılır....
09 İyul 2025, 09:00
