Yüksək təzyiq yuxudan başlayır?

Bir çox insan düşünür ki, arterial təzyiq yalnız gündüz saatlarında yüksəlir. Halbuki bəzi insanlarda səhər yuxudan oyanan kimi təzyiq yüksək olur və bu vəziyyət ürək-damar sağlamlığı üçün ciddi risk yarada bilər.

Citypost.az xəbər verir ki, mütəxəssislərin sözlərinə görə, normal şəraitdə insan yatarkən orqanizm istirahət rejiminə keçir. Bu zaman ürək daha sakit işləyir, damarlar boşalır və arterial təzyiq gündüz göstəricilərinə nisbətən təxminən 10–20 faiz aşağı düşür. Tibbdə bu hal "gecə təzyiqinin enməsi" adlanır və ürək-damar sisteminin qorunması üçün olduqca vacib hesab olunur.Lakin hər kəsdə bu proses normal getmir. Əgər insan gecələr tez-tez oyanırsa, gec yatırsa, yuxusu parçalanırsa, güclü xoruldayırsa və ya yuxu apnesi – yəni yuxuda nəfəsin qısa müddət dayanması problemi yaşayırsa, orqanizm tam istirahət edə bilmir. Belə hallarda beyin vəziyyəti təhlükə siqnalı kimi qəbul edir və stress hormonlarının ifrazı davam edir. Nəticədə damarlar boşalmır, ürək daha sürətli işləyir və arterial təzyiq gecə boyu yüksək qala bilir.

Mütəxəssislər bildirirlər ki, bu vəziyyət uzun müddət davam etdikdə səhər saatlarında təzyiqin yüksək olması adi hala çevrilə bilər. Bu isə infarkt, insult və digər ürək-damar xəstəliklərinin riskini artıran amillərdən biri hesab olunur.Elmi araşdırmalar da bunu təsdiqləyir. PubMed bazasında dərc olunan tədqiqatlardan birində 478 nəfərin ev şəraitində arterial təzyiq göstəriciləri izlənilib. Araşdırmanın nəticələrinə əsasən, gecə 7 saatdan az yatan şəxslərdə səhər saatlarında həm arterial təzyiq, həm də ürək döyüntüsü kifayət qədər yuxu alan insanlarla müqayisədə daha yüksək olub.

Mütəxəssislər vurğulayırlar ki, əgər səhərlər təzyiqiniz tez-tez yüksək çıxırsa, problemi yalnız dərman qəbulunun vaxtı ilə əlaqələndirmək düzgün deyil. Yuxunun keyfiyyəti, gecə neçə dəfə oyandığınız, xoruldama və nəfəs dayanması kimi problemlərin olub-olmaması da mütləq qiymətləndirilməlidir.Yuxunun keyfiyyətini artırmaq üçün bir sıra sadə qaydalara əməl etmək tövsiyə olunur. Yatmazdan əvvəl təxminən 20–30 dəqiqə açıq havada gəzmək, axşam saatlarında telefon, planşet və televizordan istifadəni minimuma endirmək, yataq otağını qaranlıq və sərin saxlamaq, gec saatlarda çay, qəhvə, enerji içkiləri və ağır yeməklərdən uzaq durmaq faydalı hesab edilir.Əgər bütün bunlara baxmayaraq yuxuya getməkdə çətinlik çəkirsinizsə, beyninizdə fikirlər dayanmaq bilmir, stress səbəbindən rahat yata bilmirsinizsə, həkim məsləhəti ilə əlavə vasitələrdən də istifadə oluna bilər.

Mütəxəssislərin sözlərinə görə, Dream Drop bitki tərkibli qida əlavələrindən biridir. Məhsul dərman deyil. Tərkibində pasiflora, melisa, valeriana, qlisin, B6 vitamini və yuxu hormonu kimi tanınan melatonin mövcuddur. Bu komponentlər sinir sisteminin sakitləşməsinə, yuxuya getmənin asanlaşmasına və yuxu rejiminin tənzimlənməsinə dəstək ola bilər.İstifadə qaydasına görə, məhsul adətən yatmazdan təxminən 30 dəqiqə əvvəl 10–20 damcı qəbul edilir. Lakin hər bir qida əlavəsində olduğu kimi, istifadə etməzdən əvvəl həkimlə məsləhətləşmək tövsiyə olunur. Gün ərzində qəbul edildikdə yuxululuq yarada biləcəyi üçün avtomobil idarə edən və diqqət tələb edən işlə məşğul olan şəxslər ehtiyatlı olmalıdırlar.

Həmçinin oxuyun

Azərbaycanda Türkiyə ilə bağlı nə DÜŞÜNÜRLƏR? -SİYASİ ŞƏRH  

Kamran Əliyev Misir Mərdanovun kürəkənini prokuror təyin etdi

"Falcom" MMC-də fəhləninin ölümünün açılmasına KİM MANE OLUR? -ŞOK VİDEO

SEVGİ VƏ HƏYATIN MÜQƏDDƏSLİYİ  

Mütəxəssislər xatırladırlar ki, yüksək arterial təzyiq yalnız dərmanla deyil, sağlam yuxu rejimi, düzgün qidalanma, fiziki aktivlik və stressin idarə olunması ilə birlikdə nəzarətdə saxlanılmalıdır. Əgər səhərlər təzyiqiniz mütəmadi olaraq yüksək olursa, bunu adi hal hesab etməyin və mütləq həkim-kardioloqa müraciət edin.

Yeganə