Ürəkdöyünmə həmişə təhlükəlidirmi? HƏKİM AÇIQLADI
Tibb 30 İyul 2026, 11:15
4043
Bəzi insanlar qəfil üzlərinin qızardığını, bədənlərində istilik hiss etdiklərini, ürəkdöyünmə, tərləmə və narahatlıq yaşadıqlarını deyirlər. Çox vaxt bu əlamətləri birbaşa ürək xəstəliyi ilə əlaqələndirirlər. Halbuki hər ürəkdöyünmə və ya qızarma ürəkdə struktur problem olduğu anlamına gəlmir.
Citypost.az xəbər verir ki, kardioloqlar bildirirlər ki, bəzi insanlarda allergiyaya meyillilik olur. Müxtəlif qoxular, ətirlər, kimyəvi maddələr, toz, polen və ya digər allergenlərlə təmas zamanı üzdə qızarma, dəridə səpkilər, qaşınma, öskürək və nəfəs darlığı yarana bilər. Bu hallar bəzən ürək problemi ilə səhv salınsa da, əsl səbəb allergik reaksiyalar ola bilər.Digər tərəfdən, ürəkdöyünmə və təzyiqin dəyişməsi yalnız ürək xəstəliklərindən qaynaqlanmır. Güclü stress, həyəcan, panik atak, yuxusuzluq, artıq kofein qəbulu, enerji içkiləri, siqaret, hormonal dəyişikliklər və bəzi dərmanlar da ürəyin daha sürətli döyünməsinə səbəb ola bilər.Xüsusilə qadınlarda menopauza dövründə estrogen hormonunun azalması nəticəsində qəfil istilik basmaları, üz və boyun nahiyəsində qızarma, tərləmə, ürəkdöyünmə və təzyiq dəyişiklikləri tez-tez müşahidə olunur. Bu əlamətlər hər zaman ürəyin xəstə olması demək deyil, lakin qiymətləndirilməsi vacibdir.
Mütəxəssislər qeyd edirlər ki, bəzən yüksək arterial təzyiq illərlə davam etdikdə ürək əzələsi daha çox işləməyə məcbur qalır. Nəticədə ürəyin sol mədəciyinin divarında qalınlaşma – tibbi dildə sol mədəcik hipertrofiyası inkişaf edə bilər. Bu artıq ürəyin özünü qorumaq üçün verdiyi cavab reaksiyasıdır.Lakin ürək divarının qalınlaşması yalnız ultrasəs müayinəsi (Exokardioqrafiya) ilə müəyyən edilir. Sadəcə ürəkdöyünmə, təzyiqin qalxması və ya sinədə narahatlıq hissi əsasında "ürəyim qalınlaşıb" demək düzgün deyil.
Ürək divarında qalınlaşma adətən aşağıdakı hallarda müşahidə olunur:
Uzun müddət nəzarətsiz qalan yüksək arterial təzyiq;
Bəzi ürək qapağı xəstəlikləri;
Anadangəlmə ürək xəstəlikləri;
Hipertrofik kardiomiopatiya kimi irsi xəstəliklər.
Həmçinin oxuyun
Belə xəstələrdə bəzən nəfəs darlığı, tez yorulma, döş qəfəsində ağrı, ürəkdöyünmə və başgicəllənmə kimi əlamətlər də yarana bilər. Ancaq bəzi insanlarda heç bir şikayət olmadan da ürək divarında qalınlaşma aşkarlanır.Əgər sizdə tez-tez ürəkdöyünmə, səbəbsiz qızarma, təzyiq dəyişiklikləri, sinə ağrısı və ya nəfəs darlığı olursa, bunu yalnız yaşla və ya stresslə əlaqələndirmək düzgün deyil. Kardioloq müayinəsi, elektrokardioqram (EKQ), Exokardioqrafiya və lazım gəldikdə 24 saatlıq Holter monitorinqi problemin səbəbini müəyyən etməyə kömək edir.
Həkimlər vurğulayırlar ki, ürək xəstəliklərinin erkən aşkarlanması gələcək ağırlaşmaların qarşısını almaqda mühüm rol oynayır. Buna görə də özbaşına diaqnoz qoymaq və ya sosial şəbəkələrdə oxunan məlumatlara əsaslanmaq əvəzinə, mütəxəssis müayinəsindən keçmək daha doğru yanaşmadır.
Yusif
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Mədə yanması sadə problem deyil: Cərrahdan reflüks xəbərdarlığı
Mədə turşusunun və mədə möhtəviyyatının qida borusuna geri qayıtması ilə xarakterizə olunan qastroezofageal reflüks xəstəliyi müasir dövrdə geniş yayılmış həzm sistemi problemlərindən biridir. Sinədə yanma, boğaza doğru acı və turş mayenin gəlməsi, udma zamanı narahatlıq, xroniki öskürək və ağızda xoşagəlməz dad bu xəstəliyin əsas əlamətləri sırasındadır. Bəzi hallarda simptomlar xüsusilə yeməkdən sonra, əyilərkən və ya uzanarkən güclənir. İnsanlar bu şikayətləri bəzən adi mədə yanması hesab edərək uzun müddət həkimə müraciət etmirlər. Lakin davamlı və nəzarətsiz reflüks qida borusunda ciddi fəsadlara səbəb ola bilər.Citypost.az-a açıqlama verən uzman cərrah Elman Qaffarov bildirib ki, qastroezofageal reflüks xəstəliyi, onun əlamətləri, mümkün fəsadları və müalicə...
26 Oktyabr 2026, 10:30
Yatmazdan əvvəl edilən səhvlər yuxu keyfiyyətini necə azaldır? Həkim AÇIQLADI
Keyfiyyətli yuxu insanın həm fiziki, həm də psixoloji sağlamlığının qorunmasında mühüm rol oynayır. Lakin gün ərzində qəbul edilən qidalar, kofeinli içkilərin istehlakı, yatmazdan əvvəl telefondan istifadə və yataq otağının temperaturu yuxunun keyfiyyətinə birbaşa təsir göstərə bilər. Bəzi insanlar kifayət qədər yatdıqlarını düşünsələr də, səhər yorğun, halsız və enerjisiz oyanırlar. Bunun səbəbi isə bəzən yanlış yuxu vərdişləri ilə bağlı olur.Citypost.az-a açıqlama verən Tutu Zeynalova bildirib ki,yatmazdan əvvəl diqqət edilməli məqamlarla bağlı açıqlama verib. O bildirib ki, yuxu rejimini qaydaya salmaq üçün ilk növbədə qidalanma saatlarına, kofeinli içkilərin qəbuluna, yataq otağının temperaturuna və elektron cihazlardan istifadəyə diqqət yetirmək lazımdır.Dietoloqun sözlərinə görə, yatmazdan dərhal...
26 Oktyabr 2026, 09:30
Gecə yuxudan oyadan əl keyiməsi nəyin əlamətidir? Nevroloqdan xəbərdarlıq
Əllərdə keyimə, barmaqlarda uyuşma və gecə yuxudan oyadan ağrılar bəzən yorğunluq və ya əl-ayağın yanlış vəziyyətdə qalması ilə əlaqələndirilir. Lakin bu şikayətlər mütəmadi təkrarlanırsa, xüsusilə də əsasən ilk üç barmaqda hiss olunursa, bu, karpal tunel sindromunun əlaməti ola bilər. Vaxtında müayinə və düzgün müalicə aparılmadıqda bəzi hallarda əllərdə zəiflik, əşyaları tutmaqda çətinlik və digər problemlər yarana bilər.Nevroloq Nihad Mustafayev Citypost.az-a açıqlamasında bildirib ki, əllərdə keyimə və uyuşmanın xarakteri, hansı barmaqlarda meydana gəlməsi və günün hansı vaxtında güclənməsi problemin səbəbini müəyyənləşdirmək baxımından mühüm əhəmiyyət daşıyır.Həkimin sözlərinə görə, əgər uyuşma əsasən baş barmaqda, şəhadət barmağında və orta barmaqda hiss olunursa, gecələr güclənərək...
26 Oktyabr 2026, 08:30
Pediatrdan valideynlərə qızdırmasalıcı dərmanlarla bağlı xəbərdarlıq
Uşaqlarda hərarət yüksəldikdə valideynlərin ən çox yol verdiyi səhvlərdən biri qızdırmasalıcı dərmanları müəyyən saat intervalına uyğun olaraq, hərarətin olub-olmamasından asılı olmayaraq verməkdir. Bəzi valideynlər dərmanın təlimatında "4-6 saatdan bir" ifadəsini gördükdə bunu preparatın mütləq həmin müddətdən bir qəbul edilməli olduğu kimi başa düşürlər. Digər hallarda isə uşağa eyni təsiredici maddəni ehtiva edən həm sirop, həm də şam verilir. Bu isə dozanın bilmədən artırılmasına və arzuolunmaz təsirlərin yaranmasına səbəb ola bilər.Pediatr Aytən İsmayılzadə Citypost.az-a açıqlamasında bildirib ki, uşaqlara qızdırmasalıcı dərman verərkən yalnız saat intervalına deyil, uşağın hazırkı vəziyyətinə, hərarətin səviyyəsinə, narahatlığının olub-olmamasına və preparatın dozasına diqqət yetirilməlidir. Onun sözlərinə görə, təlimatda...
23 Oktyabr 2026, 10:30
Kardioloqdan ürək xəstəlikləri ilə bağlı xəbərdarlıq: Bu simptomları gözardı etməyin
Bəzi sağlamlıq problemləri ilkin mərhələdə zəif əlamətlərlə özünü göstərsə də, müəyyən simptomlar ciddi xəstəliklərin xəbərçisi ola bilər. Xüsusilə döş qəfəsində sıxıcı və təzyiq hissi yaradan ağrılar, fiziki fəaliyyət zamanı təngnəfəslik, adi işlərdən sonra həddindən artıq yorğunluq, başgicəllənmə və bayılma diqqətdən kənarda qalmamalıdır. İnsanlar bəzən bu əlamətləri yorğunluq, stress və ya yuxusuzluqla əlaqələndirərək həkimə müraciəti gecikdirirlər. Halbuki belə şikayətlər bəzi hallarda ürək-damar sistemi ilə bağlı ciddi problemlərin göstəricisi ola bilər.Kardioloq Natavan İsmayılova Citypost.az-a açıqlamasında bildirib ki, orqanizmdə baş verən dəyişikliklərə, xüsusilə əvvəllər müşahidə edilməyən və təkrarlanan əlamətlərə diqqətlə yanaşmaq vacibdir. Onun sözlərinə görə, döş qəfəsində sıxıcı və təzyiqedici ağrılar, fiziki aktivlik...
23 Oktyabr 2026, 09:30
Hamiləlik zamanı genetik analizlər nə vaxt aparılmalıdır? Genetik izah etdi
Hamiləlik dövründə dölün sağlamlığının qiymətləndirilməsi, mümkün xromosom anomaliyalarının vaxtında müəyyənləşdirilməsi və gələcək valideynlərin məlumatlandırılması üçün müxtəlif müayinə üsullarından istifadə olunur. Müasir tibbdə ultrasəs müayinəsi ilə yanaşı, ikili, üçlü və dördlü skrininq testləri, eləcə də son illərdə geniş yayılan qeyri-invaziv prenatal testlər xüsusi əhəmiyyət daşıyır. Bu müayinələr hamiləliyin müxtəlif mərhələlərində dölün inkişafı və müəyyən genetik pozuntuların ehtimalı barədə məlumat əldə etməyə imkan verir.Genetik Bayram Bayramov Citypost.az-a açıqlamasında bildirib ki, hamiləlik zamanı genetik analizlərin aparılması mümkündür və müayinənin növü hamiləliyin müddətinə, tibbi göstərişlərə və qiymətləndirilməli olan risklərə uyğun seçilməlidir. Onun sözlərinə görə, bu prosesdə ultrasəs müayinəsi mühüm rol oynayır, çünki dölün inkişaf...
23 Oktyabr 2026, 08:30
