Boyun və qoltuqaltında qaralma nəyin əlamətidir? – Endokrinoloqdan xəbərdarlıq
Tibb 02 Oktyabr 2026, 08:30
2991
Bədəndə, xüsusilə boyun, qoltuqaltı və qasıq nahiyələrində dərinin tündləşməsi və qaralması bir çox insan tərəfindən sadəcə kosmetik problem kimi qəbul edilir. Lakin bəzi hallarda dəridə yaranan bu dəyişikliklər orqanizmdə gedən metabolik proseslərlə bağlı ola bilər. Mütəxəssislər bildirirlər ki, boyun nahiyəsində və dəri büküşlərində müşahidə olunan müəyyən tip qaralmalar insulin müqavimətinin əlamətlərindən biri kimi ortaya çıxa bilər.
Endokrinoloq Hidayət Məmmədzadə Citypost.az-a açıqlamasında bildirib ki, tibbdə akantoz nigrikans adlandırılan bu vəziyyət xüsusilə boyun, qoltuqaltı, qasıq və digər dəri büküşlərində tündləşmiş, bəzən isə qalınlaşmış dəri sahələri ilə özünü göstərə bilər.
Mütəxəssisin sözlərinə görə, akantoz nigrikans cəmiyyətdə geniş yayılmış insulin müqavimətinin xarici əlamətlərindən biri ola bilər. İnsanların bir qismi bu dəyişiklikləri yalnız estetik problem hesab etdiyi üçün ilk olaraq dermatoloqa müraciət edir. Lakin belə hallarda problemin yalnız dəri səviyyəsində qiymətləndirilməsi kifayət etməyə bilər.
“Boyun nahiyəsində və dəri büküşlərində olan qaralmalara tibbdə akantoz nigrikans deyirik. Bu, əhali arasında daha çox insulin müqavimətinin, insulin səviyyəsinin yüksəkliyinin gizli əlamətlərindən biri kimi qarşımıza çıxır. Akantoz nigrikans bəzən kosmetik defektlərə səbəb olaraq insanların həkimə müraciət etməsinə gətirib çıxarır. Boyun nahiyəsində, qoltuqaltında, qasıqda və digər dəri büküşlərində tünd rəngli qaralmalar insanları narahat edə bilər”, – deyə Hidayət Məmmədzadə bildirib.
Endokrinoloq qeyd edib ki, belə dəyişikliklərin müalicəsində əsas diqqət yalnız dəridəki qaralmanın aradan qaldırılmasına deyil, problemin yaranmasına səbəb olan metabolik faktorların müəyyənləşdirilməsinə yönəldilməlidir. Çünki insulin müqaviməti və maddələr mübadiləsindəki pozuntular davam etdiyi müddətdə dəri əlamətləri də uzun müddət qala bilər.
Onun sözlərinə görə, akantoz nigrikans müşahidə olunan şəxslərdə insulin müqavimətinin, qan şəkərinin və digər metabolik göstəricilərin qiymətləndirilməsi məqsədəuyğun ola bilər. Həkim müayinəsindən sonra pasiyentin vəziyyətinə uyğun olaraq əlavə laborator müayinələrə ehtiyac müəyyənləşdirilə bilər.
“Daha çox bunun müalicəsi daxildən başlanmalıdır. Yəni bu xəstələrin müalicəsi yalnız dəri həkimləri tərəfindən aparılmamalıdır. Endokrinoloq və metabolizma üzrə mütəxəssisin yanaşması vacibdir. Metabolik vəziyyət düzəldikcə bu ləkələr də tədricən solub yox ola bilər”, – deyə mütəxəssis vurğulayıb.
Həmçinin oxuyun
Həkim bildirib ki, dəridə belə dəyişikliklərin olması hər zaman şəkərli diabetin mövcudluğu anlamına gəlmir. Lakin akantoz nigrikans bəzi insanlarda insulin müqavimətinin və gələcəkdə metabolik problemlərin xəbərçisi ola bilər. Buna görə də xüsusilə qaralmalar yeni yaranıbsa, getdikcə artırsa və ya dəri qalınlaşması ilə müşayiət olunursa, səbəbin araşdırılması vacibdir.
Mütəxəssis əlavə edib ki, insulin müqaviməti uzun müddət heç bir ciddi şikayət yaratmadan davam edə bilər. Bu səbəbdən bədəndə yaranan xarici dəyişikliklərə diqqət yetirmək və onları yalnız kosmetik problem kimi qiymətləndirməmək lazımdır.
“Bədəninizdə bu cür ləkələr görürsünüzsə, xüsusilə boyun, qoltuqaltı və qasıq nahiyələrində tündləşmə müşahidə edirsinizsə, endokrinoloqa və ya metabolizma üzrə mütəxəssisə müraciət etməyinizi tövsiyə edirik. Əsas məqsəd yalnız ləkəni aradan qaldırmaq deyil, onun arxasında dayanan səbəbi müəyyənləşdirməkdir”, – deyə Hidayət Məmmədzadə qeyd edib.
Həkimin sözlərinə görə, sağlam qidalanma, fiziki aktivlik, artıq çəkinin azaldılması və metabolik göstəricilərin nəzarətdə saxlanılması insulin müqavimətinin idarə olunmasında mühüm rol oynaya bilər. Bununla belə, konkret müalicə və həyat tərzi dəyişiklikləri hər bir şəxsin sağlamlıq vəziyyətinə uyğun olaraq həkim tərəfindən müəyyənləşdirilməlidir.
Əli
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Mədə yanması sadə problem deyil: Cərrahdan reflüks xəbərdarlığı
Mədə turşusunun və mədə möhtəviyyatının qida borusuna geri qayıtması ilə xarakterizə olunan qastroezofageal reflüks xəstəliyi müasir dövrdə geniş yayılmış həzm sistemi problemlərindən biridir. Sinədə yanma, boğaza doğru acı və turş mayenin gəlməsi, udma zamanı narahatlıq, xroniki öskürək və ağızda xoşagəlməz dad bu xəstəliyin əsas əlamətləri sırasındadır. Bəzi hallarda simptomlar xüsusilə yeməkdən sonra, əyilərkən və ya uzanarkən güclənir. İnsanlar bu şikayətləri bəzən adi mədə yanması hesab edərək uzun müddət həkimə müraciət etmirlər. Lakin davamlı və nəzarətsiz reflüks qida borusunda ciddi fəsadlara səbəb ola bilər.Citypost.az-a açıqlama verən uzman cərrah Elman Qaffarov bildirib ki, qastroezofageal reflüks xəstəliyi, onun əlamətləri, mümkün fəsadları və müalicə...
26 Oktyabr 2026, 10:30
Yatmazdan əvvəl edilən səhvlər yuxu keyfiyyətini necə azaldır? Həkim AÇIQLADI
Keyfiyyətli yuxu insanın həm fiziki, həm də psixoloji sağlamlığının qorunmasında mühüm rol oynayır. Lakin gün ərzində qəbul edilən qidalar, kofeinli içkilərin istehlakı, yatmazdan əvvəl telefondan istifadə və yataq otağının temperaturu yuxunun keyfiyyətinə birbaşa təsir göstərə bilər. Bəzi insanlar kifayət qədər yatdıqlarını düşünsələr də, səhər yorğun, halsız və enerjisiz oyanırlar. Bunun səbəbi isə bəzən yanlış yuxu vərdişləri ilə bağlı olur.Citypost.az-a açıqlama verən Tutu Zeynalova bildirib ki,yatmazdan əvvəl diqqət edilməli məqamlarla bağlı açıqlama verib. O bildirib ki, yuxu rejimini qaydaya salmaq üçün ilk növbədə qidalanma saatlarına, kofeinli içkilərin qəbuluna, yataq otağının temperaturuna və elektron cihazlardan istifadəyə diqqət yetirmək lazımdır.Dietoloqun sözlərinə görə, yatmazdan dərhal...
26 Oktyabr 2026, 09:30
Gecə yuxudan oyadan əl keyiməsi nəyin əlamətidir? Nevroloqdan xəbərdarlıq
Əllərdə keyimə, barmaqlarda uyuşma və gecə yuxudan oyadan ağrılar bəzən yorğunluq və ya əl-ayağın yanlış vəziyyətdə qalması ilə əlaqələndirilir. Lakin bu şikayətlər mütəmadi təkrarlanırsa, xüsusilə də əsasən ilk üç barmaqda hiss olunursa, bu, karpal tunel sindromunun əlaməti ola bilər. Vaxtında müayinə və düzgün müalicə aparılmadıqda bəzi hallarda əllərdə zəiflik, əşyaları tutmaqda çətinlik və digər problemlər yarana bilər.Nevroloq Nihad Mustafayev Citypost.az-a açıqlamasında bildirib ki, əllərdə keyimə və uyuşmanın xarakteri, hansı barmaqlarda meydana gəlməsi və günün hansı vaxtında güclənməsi problemin səbəbini müəyyənləşdirmək baxımından mühüm əhəmiyyət daşıyır.Həkimin sözlərinə görə, əgər uyuşma əsasən baş barmaqda, şəhadət barmağında və orta barmaqda hiss olunursa, gecələr güclənərək...
26 Oktyabr 2026, 08:30
Pediatrdan valideynlərə qızdırmasalıcı dərmanlarla bağlı xəbərdarlıq
Uşaqlarda hərarət yüksəldikdə valideynlərin ən çox yol verdiyi səhvlərdən biri qızdırmasalıcı dərmanları müəyyən saat intervalına uyğun olaraq, hərarətin olub-olmamasından asılı olmayaraq verməkdir. Bəzi valideynlər dərmanın təlimatında "4-6 saatdan bir" ifadəsini gördükdə bunu preparatın mütləq həmin müddətdən bir qəbul edilməli olduğu kimi başa düşürlər. Digər hallarda isə uşağa eyni təsiredici maddəni ehtiva edən həm sirop, həm də şam verilir. Bu isə dozanın bilmədən artırılmasına və arzuolunmaz təsirlərin yaranmasına səbəb ola bilər.Pediatr Aytən İsmayılzadə Citypost.az-a açıqlamasında bildirib ki, uşaqlara qızdırmasalıcı dərman verərkən yalnız saat intervalına deyil, uşağın hazırkı vəziyyətinə, hərarətin səviyyəsinə, narahatlığının olub-olmamasına və preparatın dozasına diqqət yetirilməlidir. Onun sözlərinə görə, təlimatda...
23 Oktyabr 2026, 10:30
Kardioloqdan ürək xəstəlikləri ilə bağlı xəbərdarlıq: Bu simptomları gözardı etməyin
Bəzi sağlamlıq problemləri ilkin mərhələdə zəif əlamətlərlə özünü göstərsə də, müəyyən simptomlar ciddi xəstəliklərin xəbərçisi ola bilər. Xüsusilə döş qəfəsində sıxıcı və təzyiq hissi yaradan ağrılar, fiziki fəaliyyət zamanı təngnəfəslik, adi işlərdən sonra həddindən artıq yorğunluq, başgicəllənmə və bayılma diqqətdən kənarda qalmamalıdır. İnsanlar bəzən bu əlamətləri yorğunluq, stress və ya yuxusuzluqla əlaqələndirərək həkimə müraciəti gecikdirirlər. Halbuki belə şikayətlər bəzi hallarda ürək-damar sistemi ilə bağlı ciddi problemlərin göstəricisi ola bilər.Kardioloq Natavan İsmayılova Citypost.az-a açıqlamasında bildirib ki, orqanizmdə baş verən dəyişikliklərə, xüsusilə əvvəllər müşahidə edilməyən və təkrarlanan əlamətlərə diqqətlə yanaşmaq vacibdir. Onun sözlərinə görə, döş qəfəsində sıxıcı və təzyiqedici ağrılar, fiziki aktivlik...
23 Oktyabr 2026, 09:30
Hamiləlik zamanı genetik analizlər nə vaxt aparılmalıdır? Genetik izah etdi
Hamiləlik dövründə dölün sağlamlığının qiymətləndirilməsi, mümkün xromosom anomaliyalarının vaxtında müəyyənləşdirilməsi və gələcək valideynlərin məlumatlandırılması üçün müxtəlif müayinə üsullarından istifadə olunur. Müasir tibbdə ultrasəs müayinəsi ilə yanaşı, ikili, üçlü və dördlü skrininq testləri, eləcə də son illərdə geniş yayılan qeyri-invaziv prenatal testlər xüsusi əhəmiyyət daşıyır. Bu müayinələr hamiləliyin müxtəlif mərhələlərində dölün inkişafı və müəyyən genetik pozuntuların ehtimalı barədə məlumat əldə etməyə imkan verir.Genetik Bayram Bayramov Citypost.az-a açıqlamasında bildirib ki, hamiləlik zamanı genetik analizlərin aparılması mümkündür və müayinənin növü hamiləliyin müddətinə, tibbi göstərişlərə və qiymətləndirilməli olan risklərə uyğun seçilməlidir. Onun sözlərinə görə, bu prosesdə ultrasəs müayinəsi mühüm rol oynayır, çünki dölün inkişaf...
23 Oktyabr 2026, 08:30
