Şirvanda döyülən qazi anasına cinayət işi açılıb? - RƏSMİ CAVAB
Hadisə 22 Oktyabr 2024, 14:52
3112
Şirvan Şəhər Xəstəxanasında Vətən müharibəsi qazisinin anasının döyülməsi barədə məlumat vermişdik.
Həkim Günel Səfərova tərəfindən döyüldüyünü iddia edən Şirvan Şəhər sakini Arzu Abdullayeva CityPost.az saytına müraciətində bildirib ki, hadisədən 4 aya yaxın vaxt keçsə də,bu günə qədər məsələyə hüquqi qiymət verilməyib.Qazi anası olduğunu bildirən Arzu Abdullayeva Şirvan Şəhər Polis Şöbəsinin müstəntiqi İlqar Novruzov tərəfindən işin düzgün aparılmadığı və işə səhlənkar yanaşıldığını qeyd edib.
“2024-cü ilin iyulun 23-də Şirvan Şəhər xəstəxanasında göz həkimi Günel Səfərova tərəfindən insanların gözü qarşısında döyüldüm.Xəsarətlər aldım.Şikayətim əsasında Şirvan Şəhər Polis Şöbəsində müstəntiq İlqar Novruzov araşdırma apardı.Mənim xəsarətlərim gözlə görünən idi.Günel Səfərova şəxsi tanışlığından istifadə edərək saxta ekspert rəyi aldı.Guya mən də ona xəsarət yetirmişəm.Ona saxta rəyi verən şəxsi tanıyıram.Onun tanışıdır. Həmin saxta rəydə Günel Səfərovanın xəsarət almasına dair heç bir sübut,foto,video çəkiliş yoxdur. İndi mən sual verirəm.Həmin ekspert nəyin əsasında Günel Səfərovanın xəsarət aldığı barədə rəy verib?.İlk dəfədən müstəntiqə bildirdim ki, həmin rəy saxta və əsassızdır. Mənə dedilər ki, Sizə qarşılıqlı davaya görə cinayət işi açılıb.Döyülən də mən,cinayət işi açılan da mən? Belə ədalət olar? Necə deyərlər,yanan da mən,yaman da mən... Günel Səfərova kimə, nəyə güvənir? Mən qazi anasıyam. Oğlum Elturan Abdullayev Vətən müharibəsində qəhrəmanlıq göstərib.Bu gün onun anasının döyülməsinə kimlər göz yuma bilər?Mən bu işin sonuna qədər gedəcəyəm.Lazım gələrsə,Ölkə Prezidenti Cənab İlham Əliyevə və birinci-vitse prezident Mehriban Əliyevaya səslənəcəm”,-deyə Arzu Abdullayeva bildirib.
Arzu Abdullayeva həmçinin qeyd edib ki, həmin ekspert rəyi ilə bağlı Baş Prokurorluğa və digər qurumlara rəsmi şikayət edib.
“Günel Səfərovanın aldığı saxta rəyin araşdırılması ilə bağlı rəsmi şikayət etmişəm”,-deyə o bildirib.
Həmçinin oxuyun
CityPost.az məsələ ilə bağlı Daxili İşlər Nazirliyi ilə əlaqə saxlayıb.
DİN-in Mətbuat Xidmətinin Şirvan regional qrupunun baş inspektoru polis baş leytenantı Nizam Həmidov sorğumuza cavab olaraq bildirib ki, vətəndaşın müraciəti ilə bağlı Şirvan ŞPŞ-də müvafiq araşdırmalar aparılıb və toplanmış materiallar hüquqi qiymət verilməsi üçün şəhər məhkəməsinə göndərilib.
Müşərrəfxanım
Ən son xəbərləri bizim Facebook kanalımızda izləyin
Ən son xəbərləri bizim Instagram kanalımızda izləyin
Adəm Məmmədov həbsdən çıxdı
Xüsusi ittiham qaydasında məhkum edilmiş Adəm Məmmədov azadlığa buraxılıb.Onun 6 aylıq həbs cəzası bu gün başa çatıb.Bu yaxınlarda vəkilliyinə xitam verilmiş A.Məmmədov bir az əvvəl 9 saylı cəzaçəkmə müəsissəsindən azadlığa çıxıb.Qeyd edək ki, keçmiş vəkil həmkarına böhtan atmaqda təqsirli bilinərək 6 aylıq azadlıqdan məhrum edilmişdi. Eyni cinayətlə bağlı keçmiş vəkilin qardaşı Xəyyam Məmmədov da cəzalandırılıb. Ona islah işləri cəzası verilib.
05 Sentyabr 2025, 11:58
Bakıda yeniyetmə bacısı oğluna işgəncə verməkdə ittiham olunan qadın həbs olunub
Bakıda yetkinlik yaşına çatmayan azyaşlının fiziki zorakılığa məruz qalması ilə bağlı ittiham olunan şəxs həbs olunub.CityPost.az xəbər verir ki, 14 yaşlı bacısı oğluna işgəncə verməkdə təqsirləndirilən Günay Novruzova barəsində Sabunçu Rayon Məhkəməsinin qərarı ilə həbs qətimkan tədbiri seçilib.Daxili İşlər Nazirliyinin Mətbuat xidmətinin rəisi polkovnik-leytenant Elşad Hacıyev cinayət işi üzrə Sabunçu Rayon Polis İdarəsində istintaq tədbirlərinin davam etdirildiyini bildirib.Qeyd edək ki, azyaşlının fiziki zorakılığa məruz qalması ilə bağlı Sabunçu rayon Polis İdarəsinin 13-cü Polis Bölməsində hazırda təhqiqat araşdırması aparılır.Xəsarətlərin dərəcəsini müəyyən etmək məqsədilə müvafiq ekspertizalar təyin edilib.Xatırladaq ki, Sabunçu rayonunda xalanın azyaşlı bacısı oğluna işgəncə verməsi barədə görüntülər yayılıb. Azyaşlının ata-anasının...
04 Sentyabr 2025, 12:28
Maştağada 34 yaşlı qadını avtomobil vuraraq öldürüb
Maştağada 34 yaşlı qadını avtomobil vuraraq öldürüb.CityPost.az xəbər verir ki, 2005-ci il təvəllüdlü Zeynalov Tofiq Hacıdadaş oğlu istifadəsində olan "Ford Tranzit" markalı avtomobillə Maştağa qəsəbəsi istiqamətində hərəkətdə olan zaman yolu soldan sağa keçmək istəyən piyada 1991-ci il təvəllüdlü Əsgərova Elnurə Həbulla qızını vurub.Nəticədə qadın xəsarətlərdən hadisə yerində ölüb.Faktla bağlı cinayət işi başlanaraq istintaq aparılır.
04 Sentyabr 2025, 10:35
Sabunçuda uşağa işgəncə verən qəyyum saxlanılıb, cinayət işi açılıb
Qəyyumu tərəfindən zorakılığa məruz qalan uşaqla bağlı prosessual tədbirlər DİN-in nəzarətinə götürülməklə davam etdirilir.CityPost.az-a DİN-in Mətbuat Xidmətindən verilən məlumata görə, fakta görə Sabunçu RPİ-də Cinayət Məcəlləsinin əzab vermə maddəsi ilə cinayət işi başlanılıb. Yetkinlik yaşına çatmayan şəxsin qəyyumu Günay Ramiz qızı Novruzova cinayət məsuliyyətinə cəlb olunaraq saxlanılıb.Cinayət işi üzrə istintaq tədbirləri davam etdirilir.
02 Sentyabr 2025, 21:46
Masazırda yanaraq ölənlər ana və qızı imiş
Bu gün sübh vaxtı Abşeron rayonu Masazır qəsəbəsində fərdi yaşayış evinin yanması nəticəsində ölən şəxslərin kimliyi müəyyənləşib.“Qafqazinfo”nun əldə etdiyi məlumata görə, evdə yanaraq ölən şəxslərin 1949-cu il təvəllüdlü Xanım Əliyeva və qızı 1967-ci il təvəllüdlü Reyhan Əliyeva olması müəyyən edilib. Onların nəşi aidiyyəti üzrə təhvil verilib.Qeyd edək ki, hadisə vaxtı hər mərtəbəsi 40 m² olan ikimərtəbəli ev tamamilə yanıb. Yanğınla əlaqədar müvafiq qurumlar tərəfindən araşdırma aparılır....
02 Sentyabr 2025, 10:31
Azərbaycanda kriptovalyuta üzərinə həbs qoyulub
Dövlət Təhlükəsizliyi Xidmətində (DTX) başlanılmış cinayət işi üzrə mütəşəkkil dəstənin törətdiyi cinayətin predmeti olan kriptovalyuta üzərinə həbs qoyulub.CityPost.az xəbər verir ki, bu barədə Səbail Rayon Məhkəməsi qərar qəbul edib.İstintaq materiallarında qeyd edilir ki, Cinayət Məcəlləsinin 99-1-ci maddəsinə əsasən, xüsusi müsadirə cinayət hüquqi tədbiri cinayət törədilərkən istifadə edilən alət və vasitələrin, cinayət yolu ilə əldə edilən əmlakın məcburi və əvəzsiz olaraq dövlət nəfinə alınmasını nəzərdə tutur.“Cinayət yolu ilə əldə edilmiş əmlakın leqallaşdırılması və terrorçuluğun maliyyələşdirilməsinə qarşı mübarizə haqqında” qanunun 1.1-ci maddəsinə əsasən, cinayət yolu ilə əldə edilmiş əmlak dedikdə Cinayət Məcəlləsində təsbit edilmiş cinayətlərin törədilməsi nəticəsində birbaşa və ya dolayı yolla...
27 Avqust 2025, 10:40
