Bayden və Papa arasında telefon danışığı olub

ABŞ prezidenti Co Bayden və Roma Papası Fransisk telefon danışığında sülhün bərqərar edilməsi səylərini müzakirə ediblər.

Citypost.az xəbər verir ki, bu barədə Ağ Evin mətbuat katibi Karine Jan-Pyerin yazılı bəyanatında deyilir.

Onun sözlərinə görə, Bayden və Papa Fransisk bayramlar zamanı dünyada sülhün bərqərar edilməsi səyləri haqqında danışıblar.

“Prezident dünyada iztirabların azaldılması, o cümlədən insan hüquqlarının və dini azadlıqların qorunması istiqamətində davamlı fəaliyyətinə görə Papaya minnətdarlığını bildirib”, - Jan-Pyer əlavə edib.

O, qeyd edib ki, Bayden gələn ay Papanın Vatikana səfər etmək dəvətini də qəbul edib. Ağ Ev dekabrın 19-da bildirib ki, Bayden 9-12 yanvar tarixlərində Romaya səfər edəcək, o, İtaliyanın baş naziri Giorgia Meloni, eləcə də Roma Papası ilə görüşəcək.

Yeganə