Xoşqədəm Hidayətqızı məhkəməyə verilir  —  Efirdə nə baş verib? (VİDEO)

"ARB" kanalında yayımlanan “Səni Axtarıram” proqramının efirində hüquqlarının pozulduğunu iddia edən  qadın mətbuat vasitəi ilə  şikayətini ünvanlayıb.

Bu barədə CityPost.az   saytına  müraciət edən  Pərvanə  Məhərrəmova  özü  məlumat verib.

Qadının  sözlərinə  görə  Xoşqədəm  Hidayətqızının  müəllif  və aparıcısı olduğu “Səni Axtarıram”proqramında onun xərçəng  xəstəsi  olması barədə efirdə həqiqətə uyğun olmayan məlumat  səsləndirilib.  Bu saxta  məlumatdan  sonra  ailə dərin  sarsıntı keçirib .Daha  sonra  isə  əsl  həqiqət üzə çıxanda,ailə sözün əsl mənasında şok keçirib.Qadının sözlərinə görə,təkrar müayinələrdən sonra onun xərçəng xəstəsi olmaması üzə çıxıb.

“Mən ailə məsələlərimlə bağlı Xoşqədəm Hidayətqızının müəllifi və aparıcısı olduğu “Səni Axtarıram” verilişinə müraciət etdim. Verilişdə  problemlər müzakirə olunan  zaman  16 noyabr 2024-cü il tarixdə “Səni Axtarıram” proqramının yayımlanmış növbəti bölümü zamanı Xoşqədəm Baxşəliyeva mənim 4-cü dərəcə qarın boşluğuna yayılmış xərçəng xəstəsi olduğumu canlı yayımda bildirdi.  Bu xəbərdən sonra studiyada  olan valideynlərim,ekran başında efiri izləyən övladlarım şok keçirdilər.  Mən özüm  də bu xəbərdən çox sarsıldım. O anda nə edəcəyimizi bilmirdik. Qoyulan diaqnoz əsasında  iki ay ərzində  məni 5 dəfə “kimyaterapiya” etdilər. Terapiya aldığım müddətdə halsız olmağıma rəğmən efirə çıxmağa məcbur edilirdim.Sən demə Xoşqədəm Hidayətqızı yaratdığı saxta xəstəlik şousu ətrafında reytinq qazanırmış”,- deyə şikayətçi  bildirib.

Pərvanə Məhərrəmovanın sözlərinə görə,ona xərçəng diaqnozu qoyulandan sonra Gürcüstana qayıdıb. Orada müayinələrdən keçən zaman məlum olub ki,onda heç bir xərçəng xəstəliyi yoxdur.

Məlumat üçün qeyd edək ki, xəstənin ilkin müayinəsi “MedEra” Hospitalının  həkimləri  tərəfindən edilib.  Daha sonra həmin müayinələr və analizlər əsasında çıxarılan tibbi nəticələr  əsasında  Milli Onkologiya  Mərkəzinin  həkimi  Anar Məmmədov xəstəni qəbul edib. Ona ağır xərçəng xəstəsi  olması  diaqnozunu qoyub və “kimyaterapiya” proseslərinə başlayıb.

Sayt   Gürcüstanda  Pərvanə  Məhərrəmovanı  müayinə  edən  klinika  ilə  əlaqə  saxlayıb.

Həmçinin oxuyun

Dünyada bir ilk: Robotlar insanlarla eyni yarışda qaçdılar  

“Oğlum həbs edilməyib, yanımdadır” - Şərurlu İsfəndiyar  

Xaçmazda bataqlıqda boğulan yeniyetmənin meyiti tapılıb 

Ermənistanda İrana məxsus yük maşını aşıb 

Gürcüstanda yerləşən “Axali Sicocxle” klinikasının meneceri Diana  Nağıyeva saytımıza açıqlamasında bildirib ki,sözügedən şəxs onların xəstəxanasında müayinələrdən keçib. Ona  Azərbaycanda  qoyulan  xərçəng diaqnozunun doğru olmadığı üzə çıxıb. 

“Bizim klinikanın onkoloqu İrina Əliyeva Pərvanə xanımı müayinə etdi. Məlum oldu ki,ona qoyulan xərçəng diaqnozu səhvdir.Xəstənin mədəsində “polip” aşkarlandı. Buna uyğun müalicələr təyin edildi”,-deyə  xəstəxananın  meneceri  saytımıza  bildirib.

Mövzu ilə bağlı Pərvanə Məhərrəmovanın hüquqi nümayəndəsi,hüquqşünas Samir Zeynalov bildirib ki, müdafiə etdiyi şəxsin hüquqları efir vasitəsi ilə ciddi şəkildə pozulub.

“Əməkdar jurnalist olmasına baxmayaraq, “Azərbaycan Jurnalistlərinin Etik Davranış Qaydalarının”nın 3.11-ci bəndini və “Media haqqında Azərbaycan Respublikası Qanunu”nun 14-cü maddəsinin tələblərini  pozmaqdan çəkinməyən “Səni Axtarıram” proqramının aparıcısı Baxşəliyeva Xoşqədəm Hidayət qızı bu dəfəki tükürpədən rüsvayçılığı Gürcüstandan olan Pərvanə və İzafət cütlüyü barəsində gerçəkləşdirib. Təsadüfi deyil ki, yol vermiş olduğu pozuntulara görə iki ay əvvəl iki vətəndaşın müraciəti əsasında Bakı şəhəri Səbail Rayon Məhkəməsi Xoşqədəm Baxşəliyevaya və “ARB”Tv-na bəzi efir müzakirələrini qadağan edən qərarlar qəbul edib. Həmin qərarlardan nəticə çıxarmayan, habelə “Milli Audioviziual Şura”nın fəaliyyətsizliyindən bəhrələnən məlum şəxs qeyd etdiyim kimi Pərvanə və İzafət cütlüyünü rüsvayçılığa, o cümlədən aradan qalxması mümkün olmayan mənəvi zərərə məruz qoyub”,-deyə hüquqşünas bildirib. 

Hüquqşünas Samir Zeynalovun məlumatına görə,aparıcı Xoşqədəm Baxşəliyevanın müəllifi və aparıcısı olduğu “Səni Axtarıram” proqramında ailənin hüquqları pozulduğu üçün məhkəməyə müraciət ediləcək.

“Pərvanə və İzafət cütlüyü yaşadıqları tükürpədən olaylar haqqında sosial şəbəkələrdə danışırlar. Bunu görən Xoşqədəm Baxşəliyeva bir neçə gün öncə Pərvanəyə qarşı “şəxsi həyatın toxunulmazlığı” hüququnu pozan məlumatları efirdən yayıb, onları bir daha alçatmaqla “Media haqqında qanunvericiliyin” tələblərini kobud sürətdə pozub.

Bununla belə fərz edək ki, həqiqətən Pərvanə xərçəng xəstəsi idi.Belə olan təqdirdə belə Pərvanə ilə bağlı “həkim sirri” təşkil edən məlumatların efirdən yayılması qadağan idi. Buna həm həkim, həm də elə özünə hüquqşünas deyən Xoşqədəm Baxşəliyeva məsuliyyət daşıyır. Belə ki, “Əhalinin sağlamlığının qorunması haqqında Azərbaycan Respublikasının Qanunu”nun 53-cü maddəsi “həkim sirrindən” bəhs edir. Əlavə olaraq qeyd edim ki, zərərə məruz qalmış şəxslərlə bağlı dəymiş mənəvi zərərin ödənilməsi tələbinə dair məhkəməyə müraciət ediləcək”,-deyə hüquqşünas bildirib.

Sayt yazıda adı hallanan Milli Onkologiya Mərkəzinin  həkimi Anar Məmmədovla əlaqə saxlayıb.

Həkim səsləndirilən iddiaların əsassız olduğunu və ona qoyulan xərçəng diaqnozunun doğru rəy olduğunu bildirib.

“Həmin xəstə verilişlərin biri vasitəsi ilə bizə gətirildi.Pərvanə Məhərrəmova Gürcüstan vətəndaşı olmasına baxmayaraq,biz burada ona humanist yanaşaraq bütün müayinə və tibbi prosesləri ödənişsiz həyata keçirdik.Gələn zaman xəstədə kəskin ağrılar var idi.Hemoqlabin normadan olduqca aşağı idi.Biz klinikaların birində həyata keçirilmiş müayinənin disklərini izlədik.Qadının  mədəsində  xərçəng  olduğunu  təsdiqlədik. Vəziyyətə uyğun olaraq ona 5 kurs “kimyaterapiya” təyin etdik. Həmin prosesdən sonra qadının vəziyyəti xeyli yaxşılaşdı.Müalicələr bitmədən Gürcüstana getdi.Daha sonra bizim ünvanımıza bu ittihamları səsləndirdi. Mən özüm də nə baş verdiyini anlaya bilmirəm.Gürcüstanda xəstəni müayinə edən həmin həkimlər Pərvanə Məhərrəmovanın əvvəlki müayinə disklərinə baxmadılarmı? Orada xəstənin hansı vəziyyətdə olduğunu və “kimyaterapiyalardan” sonra şişin ölçüsünün kiçildiyini görmədilərmi? Biz bütün bu faktları xəstənin özünə təqdim etmişik.Getsinlər,açıb baxsınlar. Sonra həkimi ittiham etsinlər”,-deyə həkim Anar Məmmədov bildirib.

CityPost.az   iddialarla bağlı aparıcı Xoşqədəm Hidayətqızının da mövqeyini təqdim etməyə çalışsa da,heç bir münasibət öyrənə bilməyib. Səsləndirilən idialarla bağlı aparıcının da mövqeyini təqdim etməyə hazırıq.

Məsələ ilə bağlı xəstənin ilkin müayinə olunduğu “MedEra” Hospitalının həkimi Ramin Bağırovla əlaqə saxladıq.Həkimin sözlərinə görə,onlar tərəfindən Pərvanə Məhərrəmovaya “xərçəng diaqnozu” qoyulmayıb.

“Vətəndaş bizə müayinə üçün müraciət edib. Biz onu qastroskopiya etmişik.Müayinələr nəticəsində ona mədə cisminin deformasiyalı infiltrativ xorası,kardia çatmamazlığı (II b dərəcə) və Cr?  diqnozu qoyulub. Biz  xəstəyə xərçəng diqnozunu qoymamışıq. Həmin diqnozu Milli Onkologiya Mərkəzi qoyur”,-deyə  həkim bildirib.

Hazırladı: Miri Məcidli