Rusiya Trampın ABŞ ərazilərini genişləndirmək planlarına reaksiya verib

"Donald Tramp yalnız ABŞ-ın seçilmiş prezidenti olsa da, vəzifəsinin icrasına başlamasa da, biz onun bəyanatlarını daha sakit qəbul etməliyik".

Citypost.az xəbər verir ki, bunu Rusiya Federasiya Şurasının Beynəlxalq Əlaqələr Komitəsinin sədrinin birinci müavini Vladimir Cabarov deyir.

O, Lenta.ru ilə söhbətində siyasətçinin Amerikanı ərazi baxımından genişləndirmək planlarına belə reaksiya verib.

Bundan əvvəl “The Wall Street Journal” (WSJ) Trampın belə bir niyyətini konfransların birində açıq şəkildə bildirdiyini qeyd edib. Xüsusilə, Panama kanalını ələ keçirmək və Qrenlandiyanı Danimarkadan almaq planları barədə xəbərdarlıq edib.

“Panama kanalı ilə bağlı mən Panama prezidentinin Panama kanalının istənilən hissəsinin Panama ərazisi olduğunu bildirən bəyanatını da eşitdim. Düşünürəm ki, bu müharibə olacaq. Qrenlandiyaya gəlincə, əslində bu Danimarkanın ərazisidir.

Baxaq, Qrenlandiyalılar, mənə elə gəlir ki, ştatların himayəsi altına düşməkdən çəkinməyəcəklər, çünki bu, investisiya, sənayedə, iqtisadiyyatda bəzi sahələrin inkişafı və sair deməkdir”, - senator paylaşıb.

Bundan əvvəl Tramp artıq Panama kanalının yenidən ABŞ-ın mülkiyyətinə keçə biləcəyini bəyan etmişdi. Onun sözlərinə görə, Vaşinqton kanaldan keçid üçün çox pul ödəyir, ona görə də ölkənin “tam qaçması” dərhal dayandırılmalıdır.

Yeganə