Berbok: "Suriyaya yardımın verilməsi qadınların hüquqlarına hörmətdən asılıdır"

Almaniyanın xarici işlər naziri Annalena Berbok bildirib ki, yeni hakimiyyət altında Suriyaya yardımın verilməsi məsələsi qadınların hüquqlarına hörmətdən asılıdır.

Citypost.az bu barədə "Reuters.com"a istinadən xəbər verir.

"Əgər qadınlar Suriyada təhlükəsiz deyillərsə, buna ehtiyacı olan milyonlarla yaxşı təhsilli kişi və qadın ölkəni yenidən qurmaq üçün xaricdən heç vaxt vətənlərinə qayıtmayacaqlar".

Berbok əmin edib ki, Aİ Suriyaya islamçı strukturlar üçün pul göndərməyəcək. “Mən bunu Heyət Təhrir əş-Şam liderlərinə daha aydın şəkildə bildirdim”,-deyə o, əlavə edib.

Nazir iddia edib ki, onun müdafiə etdiyi feminist siyasətlərin niyə bu qədər vacib olduğu məhz Suriyada aydın olur.

"Qadınların hüquqları nə qədər sıxışdırılırsa, bütövlükdə cəmiyyət bir o qədər avtoritar və radikallaşır", - XİN rəhbəri hesab edir.

"Əhalinin yarısının hüquqlarını inkar edən hər kəs çətin ki, etnik və dini qruplara hörmətlə yanaşsın və heç vaxt ölkənin iqtisadi potensialından istifadə edə bilməyəcək", - Berbok deyir.

Yeganə