Pentaqon Qrenlandiyanı işğal etmək planından xəbərsiz olduğunu bildirib

Pentaqonun mətbuat katibinin müavini Sabrina Sinq əmin edib ki, Vaşinqtonun Qrenlandiyanı işğal etmək planından xəbəri yoxdur.

Citypost.az xəbər verir ki, o, yanvarın 8-də keçirilən adi brifinqdə jurnalistlərin müvafiq əmr alacağı təqdirdə ABŞ hərbi departamentinin belə planlarının olub-olmaması ilə bağlı sualına “Mənim bununla bağlı hər hansı plandan xəbərim yoxdur” deyə cavab verib.

“Mən hipotetik suallara cavab verməyəcəyəm. Düşünürəm ki, gələn administrasiya bu barədə danışmalıdır”, - Sinq əlavə edib. ABŞ dövlət katibi Entoni Blinken yanvarın 8-də ABŞ-ın yeni seçilmiş prezidenti Donald Tramp tərəfindən irəli sürülən Qrenlandiyanın ABŞ-a birləşdirilməsi ideyasının pis olduğunu, praktikada həyata keçirilməyəcəyini və müzakirəyə layiq olmadığını açıqlayıb.

Yanvarın 7-də Florida ştatının Mar-a-Laqo şəhərindəki malikanəsində jurnalistlərə danışan Tramp Panama kanalı və Qrenlandiya problemlərini güc və ya iqtisadi zorakılıq yolu ilə həll etməyə əl atmayacağına zəmanət verməkdən imtina etdi.

Bundan əvvəl o, ABŞ-ın Panama kanalı üzərində nəzarəti bərpa etməli olduğunu bəyan etmişdi və o, həmçinin Danimarkanın muxtariyyəti olan Qrenlandiyanın Amerika ərazisinə birləşdirilməsindən danışmışdı.

Yeganə