"ABŞ-ın Qrenlandiyaya hücumu "ən qısa müharibə" ola bilər"-Politico

ABŞ-ın seçilmiş prezidenti Donald Trampın rəhbərliyi altında Qrenlandiyanın mümkün hərbi ilhaqı bəşər tarixində ən qısa silahlı münaqişə ola bilər.

Citypost.az bildirir ki, bu fikri “Politico” qəzeti analitiklərin qiymətləndirmələrinə istinadən yazır.

Mütəxəssislər belə bir nəticəyə gəliblər ki, Amerika hərbçiləri 1940-cı illərdən Qrenlandiyadadır. Onların adada olması rəsmi olaraq 1951-ci ildə ABŞ və Danimarka arasındakı razılaşma ilə təmin edilib.

Eyni zamanda, Qrenlandiyada 10 min nəfərə qədər kontingentin və nüvə silahı daşıya bilən strateji bombardmançıların yerləşdiyi Arktika regionunun ən böyük hava bazası Tule yaradılıb. 2023-cü ildə aviabaza raket hücumu xəbərdarlığı sisteminin və Arktika zonasına nəzarətin tapşırıqlarını yerinə yetirən Pituffic Kosmik Baza adlandırıldı.

Nəşrin yazdığına görə, razılaşmaya əsasən, ABŞ Qrenlandiyanı istənilən hücumdan qorumağa borcludur, çünki “Danimarka silahlı qüvvələri kənar yardım olmadan potensial təcavüzkarı dəf edə bilməz”.

"Danimarka çox gözəl başa düşür ki, o, Qrenlandiyanı heç kimə qarşı müdafiə edə bilməz. Sual odur ki, amerikalılar kimə qarşı döyüşəcək?" Kopenhagen Universitetinin Müharibə Araşdırmaları Mərkəzinin baş elmi işçisi Kristian Sobi Kristensendən sitat gətirən qəzet, “Onlar artıq oradadırlar” dedi.

Yeganə