"Aİ Rusiyanın HBG və alüminiumundan imtina etmək istəyir"-Bloomberg

Avropa İttifaqı Rusiyanın mayeləşdirilmiş təbii qazından (LNG) tədricən imtinanın 16-cı anti-Rusiya sanksiyalar paketinə daxil edilməsi, habelə Rusiya Federasiyasından alüminium idxalına qadağa qoyulması imkanlarını müzakirə edir.

Citypost.az xəbər verir ki, bu barədə "Bloomberg" məlumat yayıb.

Onların sözlərinə görə, alüminium tədarükünün məhdudlaşdırılmasının "müddəti və miqyası" hələ qərarlaşdırılmayıb. Rusiya Federasiyasından maye qazın tədarükünün tədricən dayandırılmasının hansı formatda açıqlanacağı hələlik məlum deyil. Tədbir Avropa Komissiyasının gələn ay təqdim etməyi planlaşdırdığı “ya sanksiya, ya da yol xəritəsinin bir hissəsi kimi” formalaşdırıla bilər.

Bloomberg-in qeyd etdiyi kimi, sanksiyalar "daha sərt addım" olacaq, lakin Aİ-nin bütün üzv dövlətlərinin yekdilliklə təsdiqini tələb edəcək və məhdud müddətə davam edəcək. Avropa rəsmiləri bildiriblər ki, “Rusiya qazına məhdudiyyət qoyulması ideyası real deyil, çünki bir sıra Avropa ölkələri, o cümlədən Macarıstan və Slovakiya buna arxalanır.

Aİ Rusiya gəmilərinə qarşı sanksiyaların tətbiqi imkanını da nəzərdən keçirir. Bundan əlavə, yeni banklar SWIFT transsərhəd ödəniş sistemindən çıxarıla bilər. Çin və BƏƏ də daxil olmaqla üçüncü ölkələrdəki bəzi şirkətlər də məhdudiyyətlərə məruz qala bilər.

Agentlik yekunlaşdırıb ki, yeni sanksiyalar paketinin “fevral ayında, Rusiyanın Ukraynada xüsusi hərbi əməliyyatına başlamasının üçüncü ildönümündə” qəbul ediləcəyi gözlənilir.

Yeganə