Tramp administrasiyası qeyri-qanuni mühacirlərin məhkəməsiz deportasiyasına icazə verib

ABŞ Daxili Təhlükəsizlik Departamenti (DHS) Amerika hüquq-mühafizə orqanları əməkdaşlarının səlahiyyətlərini genişləndirərək, onlara qeyri-qanuni mühacirləri qondarma sürətləndirilmiş prosedurla, yəni immiqrasiya məhkəməsinin icazəsi olmadan deportasiya etməyə icazə verib.

Citypost.az bu barədə CNN-ə istinadən xəbər verir.

Departamentin ABŞ prezidenti Donald Trampın andiçmə mərasimindən bir gün sonra verdiyi sərəncamda deyilir: "Bu dəyişikliyin nəticəsi milli və ictimai təhlükəsizliyi gücləndirmək, eyni zamanda dövlət xərclərini azaltmaqla, immiqrasiya ilə bağlı qərarların tez qəbulunu asanlaşdırmaq olacaq".

NAN-ın məlumatına görə, bu qərar ölkəyə daxil olmaq və qalmaq hüququ olmayan, habelə deportasiyadan müdafiə olunmaq hüququ olmayan şəxslərin ABŞ-dan deportasiyasını təmin edəcək”.

The New York Times-ın izah etdiyi kimi, əvvəllər sürətləndirilmiş deportasiya proseduru əsasən qeyri-qanuni mühacirlərin böyük axını ilə üzləşən cənub ştatlarında istifadə olunurdu. İndi onların bütün Birləşmiş Ştatlarda sürətləndirilmiş prosedurla deportasiyasına icazə verilir.

Yeganə