2 minillik yunan heykəli zibil torbasında tərk edilmiş halda tapılıb

Saloniki şəhəri yaxınlığında zibil torbasına qoyulmuş təxminən 2000 il olduğu təxmin edilən mərmər qadın heykəli tapılıb.

Citypost.az xəbər verir ki, yunan polisi çərşənbə günü heykəlin zibil qabının yanında aşkar edildiyini açıqlayıb.

Neoi Epivates ərazisində yaşayan bir şəxs 80 santimetr hündürlüyündə başsız heykəli görüb və onu səlahiyyətlilərə təhvil verib. Yerli hökumət heykəlin tarixi əhəmiyyətini qiymətləndirmək üçün arxeoloqlarla əlaqə saxlayıb. Polisin bildirdiyinə görə, mütəxəssislərin ilkin araşdırmasına görə, heykəl Makedoniyalı İskəndərin fəthlərindən sonra incəsənət və mədəniyyətin inkişaf etdiyi eramızdan əvvəl 320-30-cu illərə aid olan Ellinizm dövrünə aiddir.

Heykəl arxeoloqlar tərəfindən araşdırılır

Heykəl təfərrüatlı təhlil üçün arxeoloqlara təhvil verilib və mühafizə və tədqiq üçün yerli antikvarlar institutu tərəfindən qorunacaq. Polis heykəli kimin atdığını müəyyən etmək üçün araşdırmalara başlayıb və bir nəfəri qısa müddətə saxlayıb. Lakin şübhəli heç bir ittiham irəli sürülmədən sərbəst buraxılıb.

Yunanıstanda təsadüfi arxeoloji kəşflər tez-tez baş verir

Qədim irsi ilə məşhur olan Yunanıstanda arxeoloji kəşflər tez-tez tikinti işləri və ya infrastruktur layihələri zamanı baş verir. Keçən ilin dekabrında Afina yaxınlığında təbii qaz kəməri çəkən işçilər Akropol yaxınlığındakı kərpiclə döşənmiş çuxurda dik vəziyyətdə basdırılmış Hermes Roma heykəlini tapdılar.

Selanikdə noyabr ayında rəsmi açılışı olan metro xəttinin onilliklər boyu davam edən inşaat işləri zamanı aşkar edilən bir çox tarixi əsər sərgiləndi. Mərmərlə örtülmüş Roma küçəsi və Yunan, Bizans və Osmanlı dövrlərinə aid on minlərlə əsər indi metro stansiyalarında ziyarətçilərin ixtiyarına verilir.

Yeganə