Tramp Misir prezidenti ilə görüşmək niyyətindədir

ABŞ prezidenti Donald Tramp misirli həmkarı Əbdülfəttah əs-Sisi və Səudiyyə Ərəbistanının vəliəhd şahzadəsi Məhəmməd bin Salman Əl Səudla görüşmək niyyətindədir.

Citypost.az xəbər verir ki, bu barədə bazar günü ABŞ prezidenti bəyan edib.

“Yeri gəlmişkən, mən onlarla ilk dəfə görüşməyəcəyəm”, - deyə Tramp Luiziana səfəri zamanı təyyarədə olan jurnalistin sualını cavablandırıb.

Tramp Misir prezidenti və Səudiyyə Ərəbistanının vəliəhd şahzadəsi ilə hansı mövzuları müzakirə etmək niyyətində olduğunu dəqiqləşdirməyib. Eyni zamanda, ABŞ prezidenti fələstinlilərin Qəzza zolağından öz ərazilərinə köçürülməsinin zəruriliyinə ərəb ölkələrinin liderlərini inandıra biləcəyinə əmin olduğunu bildirib. “Niyə onları qəbul etməyə cəsarət etmirlər?

Çünki onlar mənimlə danışmadılar”, - deyə Tramp ərəb ölkələrinin başçıları haqqında danışarkən vurğulayıb. “Mənimlə danışanda qəbul olunacaqlar”, o əlavə edib.

ABŞ prezidenti bazar günü həmçinin qeyd edib ki, İsraillə münaqişə bitdikdən sonra fələstinlilərin Qəzzaya qayıtması səhv olacaq və anklavın “Yaxın Şərqin zəngin ölkələrinin köməyi ilə yenidən qurulacağını” bildirib.

Yeganə